ព័ត៌មាន
មន្ទីរពេទ្យរ៉ូយ៉ាល់ ភ្នំពេញ ប្រកាសដាក់សម្ពោធឳ្យប្រើប្រាស់ម៉ាស៊ីនស្កែន​ដ៏ទំនើប MRI 3 Tesla និងកាតសមាជិក​ថ្មី(Prime&Prime+)

នៅថ្ងៃទី៥ ខែកក្កដា ឆ្នាំ២០២៤ មន្ទីរពេទ្យ រ៉ូយ៉ាល់ភ្នំពេញ បានប្រកាសបើកសម្ពោធម៉ាស៊ីនស្កែនដ៏ទំនើប MRI 3 Tesla នៅមន្ទីរពេទ្យរ៉ូយ៉ាល់ភ្នំពេញ និង MRI 1.5 Tesla នៅមន្ទីរ ពេទ្យអន្តរជាតិរ៉ូយ៉ាល់អង្គរ រួមជាមួយនឹងកម្មវិធីកាតសមាជិកថ្មីរបស់មន្ទីរពេទ្យដែលហៅថា Prime និង Prime+ របស់យើងដែលបង្កើតឡើង ដោយមន្ទីរពេទ្យបាងកក និងសាខាមន្ទីរពេទ្យរបស់ខ្លួនក្នុងប្រទេសកម្ពុជា។

ក្នុងឳកាសនេះដែរ លោក Assist. Prof. Affapoon Susupaus MD, Frcst ជាប្រធានមន្ទីរពេទ្យ​រ៉ូយ៉ាល់ ភ្នំពេញ និងមន្ទីរអន្តរជាតិ​រ៉ូយ៉ាល់ អង្គរ បានមានប្រសាសន៍ថា៖ ឈរលើទស្សនៈវិស័យ “លើកកម្ពស់សុខភាពរបស់អ្នក តាមរយៈការច្នៃប្រឌិត និងការរួមបញ្ចូលគ្នា ” ជាកិត្តិយសរបស់ខ្ញុំ ដែលមានឪកាសមកបង្ហាញអ្នកទាំងអស់នៅថ្ងៃនេះ ពីសមត្ថភាព សេវាកម្ម ដែលមាននៅមន្ទីរពេទ្យ រ៉ូយ៉ាល់ភ្នំពេញ និងផ្ត ល់ជូនដើម្បីបម្រើឱ្យកាន់តែប្រសើរឡើងនូវតម្រូវការថែទាំសុខភាពសហគមន៍របស់យើង។ មន្ទីរពេទ្យ រ៉ូយ៉ាល់ភ្នំពេញជាមន្ទីរពេទ្យតំណាងមួយនៃយុគសម័យថ្មីនៃការធ្វើរោគវិនិច្ឆ័យ និងការព្យាបាលដ៏ល្អឥតខ្ចោះ។ យើងបានធ្វើការវិ និយោគយ៉ាងសំខាន់ទៅលើគ្រឿងបរិក្ខារពេទ្យ និងបច្ចេកវិទ្យាដ៍ទំនើបបំផុតដូចជា ម៉ាស៊ីន MRI 3 Tesla ដែលជាម៉ាស៊ីនស្កែនមួយ អាចផលិត រូបភាពវេជ្ជសាស្ត្រដ៏មានសក្តានុពល ហើយច្បាស់បំផុត វិភាគ វិនិច្ឆ័យប្រកបដោយសុក្រឹតភាពល្អិតល្អន់ ដោយមិនប្រើកាំរស្មីអិចទេ។

យើងក៏បានពង្រឹងនូវសមត្ថភាពឯកទេសគ្លីនិកសំខាន់ៗរបស់យើងផងដែរ ដូចជាកម្មវិធីព្យាបាលជំងឺបេះដូងដែលប្រើបច្ចេកវិទ្យាបរិក្ខារ ពេទ្យទំនើប ដូចជាម៉ាស៊ីនសម្រាប់ព្យាបាលការស្ទះសរសៃឈាមបេះដូងដែលហៅថា ម៉ាស៊ីន ខែតលែប (Cardiac Catheterization Lab) រួមទាំងបច្ចេកទេសរបស់ក្រុមវេជ្ជបណ្ឌិត មានបទពិសោធន៍ព្យាបាលបេះដូង មកពីមន្ទីរពេទ្យបាងកក ។ ការវះកាត់បេះដូងត្រូវបានរៀបចំក្រុម វេជ្ជបណ្ឌិតថៃ និងខ្មែរ ដែលមានបទពិសោធន៍ និងជំនាញ ព្រមទាំងបន្ទប់វះកាត់ដ៏ទំនើបផ្តល់សុវត្ថិភាពខ្ពស់សម្រាប់អ្នកជំងឺរបស់យើង។

បន្ថែម លើនេះ ការព្យាបាលជំងឺប្រព័ន្ឋប្រសាទរបស់យើងក៏បានបំពាក់ជាមួយឧបករណ៍ព្យាបាល និងវះកាត់ចុងក្រោយគេបង្អស់ផងដែរ ដែលមានសម្ថ ភាពអាចវះកាត់ការកកឈាមក្នុងខួរក្បាល បញ្ហាឆ្អឹងខ្នង ដែលបណ្តាលមកពីការកៀបសរសៃជាដើម។ វេជ្ជបណ្ឌិតផ្នែកវះកាត់ឆ្អឹងរបស់យើង ព្យាបាលបញ្ហាសន្លាក់ និងការវះកាត់ដូរក្បាលជង្គង់ ប្តូរឆ្អឹងត្រគាក និងការវះកាត់ឆ្អឹងទូទៅ ដោយប្រើបច្ចេកទេសវះកាត់ថ្មីសម្រាប់លទ្ឋផលនៃ ការព្យាបាលដ៏អស្ចារ្យ ជាពិសេសការវះកាត់តសរសៃក្បាលជង្គង់(ACL) ដោយវេជ្ជបណ្ឌិតជនជាតិថៃ ផងដែរ។

លើសពីនេះ យើងបានពង្រីក កន្លែងសម្រាប់ផ្នែកថែទាំម្តាយ និងផ្នែកសង្គ្រោះទារកទើបកើត(NICU) របស់យើងដើម្បីផ្តល់សេវាថែទាំដ៏ល្អគួរជាទីទុកចិត្ត ប្រកបដោយភាព ម៉ត់ចត់ សុវត្ថិភាពខ្ពស់។ បន្ថែមពីលើភាពជឿនលឿនខាងផ្នែកធ្វើរោគវិនិច្ឆ័យ និងឯកទេសផ្នែកវេជ្ជសាស្ត្រ មន្ទីរពេទ្យរ៉ូយ៉ាល់ភ្នំពេញបានផ្តល់នូវការថែទាំកម្រិត ចុងក្រោយគេបង្អស់ ធៀបជាមួយនឹងមន្ទីរពេទ្យទំនើបៗនៅបណ្តាប្រទេសជឿនលឿនដទៃទៀត។ អ្នកជំងឺអាចទទួលបានសេវាកម្មពេញលេញ និងសុវត្ថិភាពខ្ពស់ក្នុងការព្យាបាលជំងឺទូទៅ សេវាសង្គ្រោះបន្ទាន់ ការវះកាត់គ្រប់ប្រភេទ ការស្តារនីតិសម្បទា និងការផ្តល់ការព្យាបាលជំងឺជា ច្រើនទៀត ទាំងអស់នេះនៅក្រោមដំបូលតែមួយជាមួយមន្ទីរពេទ្យដ៍ល្បី ដែលហៅថាមន្ទីរពេទ្យបាងកក នៅប្រទេសថៃ។

យើងបានជ្រើសរើសគ្រូពេទ្យលំដាប់ពិភពលោក មកពីមន្ទីរពេទ្យបាងកក ប្រទេសថៃ និងទាំងក្នុងប្រទេស ព្រមទាំងបុគ្គលិកជំនួយផ្នែក បច្ចេកទេស ដើម្បីធានាបាននូវការថែទាំប្រកបដោយគុណភាពខ្ពស់បំផុត។ ការប្រតិបត្តិរបស់យើងត្រូវបានកែសម្រួលយ៉ាងម៉ត់ចត់ ដើម្បីថែទាំ អ្នកជំងឺប្រកបដោយប្រសិទ្ធិភាព និងក្តីមេត្តា។

ក្នុងនាមជាមន្ទីរពេទ្យមួយនៅក្នុងបណ្តាញថែទាំសុខភាពរបស់ក្រុមហ៊ុនដ៍ធំបំផុតផ្នែកសេវាសុខាភិបាលនៅប្រទេសថៃ ដែលហៅកាត់ ថាBDMS ពួកយើងព្យាយាមផ្តល់នូវភាពងាយស្រួល និងការតភ្ជាប់ជាមួយមន្ទីរពេទ្យដែលជាសាខារបស់យើងនៅប្រទេសថៃ ក្នុងការថែទាំអ្នក ជំងឺ។ BDMS Medevac Center បានត្រៀមខ្លួនជាស្រេចដើម្បីដឹកជញ្ជូនអ្នកជំងឺដែលមានសភាពធ្ងន់ធ្ងរទៅរកអ្នកជំនាញដើម្បីព្យាបាលជំងឺ នៅប្រទេសថៃ ឬក៍បញ្ជូនវេជ្ជបណ្ឌិតជំនាញមកពីមន្ទីរពេទ្យបាងកក ប្រទេសថៃ ដើម្បីព្យាបាល និងធ្វើការវះកាត់នៅមន្ទីរពេទ្យរ៉ូយ៉ាល់ភ្នំពេញ ផ្ទាល់គ្រប់ពេលវេលាទាំងអស់។

បន្ថែមលើសពីនេះទៅទៀតដើម្បីសម្រួលដល់ការចំណាយរបស់អ្នកជំងឺ ពួកយើងបានបង្កើតកម្មវិធីកាតសមាជិកពិសេសដែលកាត សមាជិកអាចឱ្យអ្នកជំងឺប្រើបានទាំង 3 មន្ទីរពេទ្យ ដើម្បីទទួលបានការបញ្ចុះតំលៃរហូតដល់30% ដែលមាននៅមន្ទីរពេទ្យ រ៉ូយ៉ាល់ភ្នំពេញ មន្ទីរ ពេទ្យអន្តរជាតិរ៉ូយ៉ាល់អង្គ និងមន្ទីរពេទ្យបាងកក ប្រទេសថៃ ។ ជាចុងបញ្ចប់ តំណាងអោយក្រុមគ្រូពេទ្យ និងបុគ្គលិកទាំងអស់ សូមថ្លែងនូងអំណរអរគុណចំពោះដៃគូរសហការ ដែលបានសហការ ដោយរលូន និងប្រសិទ្ឋភាពខ្ពស់នាពេលកន្លងមក ហើយពួកយើងត្រៀមខ្លួនជានិច្ច ក្នុងនាមជាដៃគូរថែទាំសុខភាព ដើម្បីផ្តល់សេវាព្យាបាល ប្រកបដោយប្រសិទ្ធិភាពខ្ពស់ តំលៃសមរម្យ និងក្រមសីលធម៍។

សូមជួយផ្សព្វផ្សាយបន្តអំពីភាពជឿនលឿន និងសេវាកម្មដែលមាននៅទីនេះ ទៅកាន់អ្នកជិតស្និត និងប្រជាជនទាំងឡាយឲ្យបានដឹងលឺ និងយល់ដឹងបន្ថែមដើម្បីផ្តល់ឪកាសអោយពួកយើងជាអ្នកមើលថែសុខភាព ដែល នៅជិតលោកអ្នកដើម្បីកាត់បន្ថយការចំណាយទៅព្យាបាលនៅក្រៅប្រទេស។ យើងពិតជាមានកិត្តិយសក្នុងការប្រកាសអោយប្រើប្រាស់ជាផ្លូវការនូវម៉ាស៊ីនស្កែនដ៍ទំនើប MRI 3 Tesla នៅមន្ទីរពេទ្យរ៉ូយ៉ាល់ភ្នំពេញ និង MRI 1.5 Tesla នៅមន្ទីរពេទ្យអន្តរជាតិរ៉ូយ៉ាល់អង្គរ ខេត្តសៀមរាបព្រមទាំងកម្មវិធីកាតសមាជិកភាពថ្មី ដែលអាចប្រើប្រាស់បាននៅមន្ទីរ ពេទ្យរ៉ូយ៉ាល់ភ្នំពេញ មន្ទីរពេទ្យអន្តរជាតិរ៉ូយ៉ាល់អង្គរ និងនៅមន្ទីរពេទ្យ បាងកកប្រទេសថៃ បើកដំណើរការជាផ្លូវការចាប់ពីថ្ងៃនេះតទៅ៕

2024 07 05 17.49.47

2024 07 05 18.13.46

2024 07 05 18.13.51

449929347 787885510163392 4019435706399034226 N

2024 07 05 17.51.39

2024 07 05 18.15.36

2024 07 05 17.49.28

2024 07 05 18.22.212024 07 05 17.50.08

 

2024 07 05 17.51.02

2024 07 05 18.13.56

2024 07 05 17.49.53

Vuthea Morn
អំពីអ្នកនិពន្ធ
អ្នកស្រាវជ្រាវ និងនិពន្ធផ្នែកសុខភាព គោលដៅសំខាន់របស់ខ្ញុំគឺ៖ «ផ្លាស់ប្តូរ​ផ្នត់គំនិតពលរដ្ឋខ្មែរឱ្យស្រលាញ់សុខភាព» បើលោកអ្នកចង់ចែករំលែកទាក់ទងប្រធានបទសុខភាព ឬចុះផ្សាយអត្ថបទអាចទាក់ទងមកកាន់ខ្ញុំបានតាមរយៈ085 79 67 04 E-mail: vuthea.businesscambodia@gmail.com

អត្ថបទសរុប៖ 1448

អត្ថបទទាក់ទង

#ព័ត៌មាន

ធនាគារ ហត្ថា និងមន្ទីរពេទ្យ រ៉ូយ៉ាល់ ភ្នំពេញ ពួតដៃគ្នាដើម្បីបញ្ចុះតម្លៃពិសេសរហូតដល់១៥%លើសេវាពិនិត្យសុខភាព
Vuthea Morn
July 18 2024
23 views

#ព័ត៌មាន

មន្ទីរពេទ្យកាល់ម៉ែត! ប្រកាសជ្រើសរើស បុគ្គលិកកិច្ចសន្យា មកបម្រើការលើផ្នែកទាំងនេះ
Thida Pet
July 15 2024
1.6 K views

#ព័ត៌មាន

មនុស្ស២នាក់បានស្លា.ប់បាត់បង់ជីវិត បន្ទាប់ពី បរិភោគត្រីក្រពត &៧ករណីទៀត ជួយសង្រ្គោះបាន
Thida Pet
July 9 2024
25 views

#ព័ត៌មាន

មន្ទីរពេទ្យរ៉ូយ៉ាល់ ភ្នំពេញ ប្រកាសដាក់សម្ពោធឳ្យប្រើប្រាស់ម៉ាស៊ីនស្កែន​ដ៏ទំនើប MRI 3 Tesla និងកាតសមាជិក​ថ្មី(Prime&Prime+)
Vuthea Morn
July 5 2024
230 views

#ព័ត៌មាន

អង្គការម៉ារីស្តូបអន្តរជាតិកម្ពុជារៀបចំកម្មវិធីចាក់វ៉ាក់សាំងបង្ការជំងឺតេតាណុស សម្រាប់យុវវ័យនៅបាត់ដំបង
Vuthea Morn
June 26 2024
120 views

#ព័ត៌មាន

ស្ងាត់ៗ ធនាគារwoori នាំយកកញ្ញាiuធ្វើជាទូតសុច្ឆន្ទៈបង្កការភ្ញាក់ផ្អើលជាខ្លាំង
Thida Pet
June 26 2024
2.3 K views
អត្ថបទពេញនិយមប្រចាំខែ

#ចិត្តសាស្ត្រ

នារីៗ រើសបុរសមាន ៤ចំណុច កុំឱ្យរបូតពីដៃ ជាគូជីវិតកម្រណាស់
Tror Sopheap
July 9 2024
5.9 K views

#ជំងឺ

ប្រុងប្រយ័ត្ន! ឈឺធ្មេញចេញអាការនេះប្រញាប់  ទៅពេទ្យព្រោះអាចគ្រោះថ្នាក់ដល់ជីវិត
Thida Pet
July 15 2024
4.7 K views

#ជំងឺ

ប្រយ័ត្នប្រយែង នេះជារោគសញ្ញាបង្ហាញថា ស្រ្តី-កុមារ កំពុងប្រឈមខ្វះគ្រាប់ឈា.មក្រហម
Thida Pet
July 2 2024
4.6 K views

#អាហារ

ទឹក២មុខ ផឹកពេលព្រឹក ដាស់ខួរឱ្យស្រឡះល្អ បណ្ដេញជាតិពុលចេញពីថ្លើម
Thida Pet
July 8 2024
4.2 K views

#ជំងឺ

សមាគមបេះដូងអាមេរិកប្រាប់ថា មនុស្ស២ប្រភេទនេះមិនគួរហាត់ប្រាណ២ពេលនេះ អាចនឹងអាយុខ្លី
Daddy_Rath (ប៉ាប៉ារតន៍)
July 1 2024
3.8 K views

#ជំងឺ

ប្រយ័ត្នប្រយែង! រោគសញ្ញាបង្ហាញថាអ្នកអាចប្រឈមជំងឺដុំសាច់ក្នុងភ្នាស់ស្បូន
Thida Pet
July 11 2024
2.9 K views

Cambodia most reliable health website aiming to help Cambodian people spend less and live more out of life.

ទំនាក់ទំនងពួកយើង

#HH36, St 265, Sangkat Teok Laok III, Khan Toul Kork

sam.businesscambodia@gmail.com

(+855) 98 850 854 / (+855) 17 300 755 / 93 300 755

©2024 Healthy Cambodia. All Rights Reserved.

Developed by: Technology Cambodia