បងប្អូនស្គាល់អ័រម៉ូនស្នេហា ឬអ័រម៉ូននៃក្ដីស្រឡាញ់អត់ បងប្អូនណាឆាប់ខឹង ឆាប់ស្ត្រេស ឆាប់ស្មុគស្មាញ តានតឹងក្នុងអារម្មណ៍ ខ្វះអារម្មន៍ស្រឡាញ់ គ្រាន់តែចង់ស្រឡាញ់នរណាម្នាក់តែពិបាក អាចមកពីអ្នកទាំងអស់គ្នាខ្វះអ័រម៉ូនស្នេហាមួយនេះឯង ហើយក្នុងវីដេអូនេះចាបបៃតងក៏នឹងមកប្រាប់ពីវិធីបង្កើនអរម៉ូនស្នេហា ដោយខ្លួនឯងឡើងវិញដោយមិនចាំបាច់ចំណាយលុយ១រៀលទេ។
Oxytocin ជាអរម៉ូនធម្មជាតិដែលផលិតផលនៅក្នុងខួរក្បាលរបស់យើង វាត្រូវបានរក្សាទុកនិងបញ្ចេញទៅតាមចរន្តឈាម តាមរយៈក្រពេញអីប៉ូភីស។ អ័រម៉ូន Oxytocin នេះដើរតួយ៉ាងសំខាន់ ក្នុងប្រព័ន្ធបន្តពូជទាំងបុរសនិងស្ត្រី សម្រាប់ស្ត្រីវាជួយភ្ញោចឱ្យបញ្ចេញទឹកដោះក្រោយសម្រាលកូន ជួយភ្ញោចការកន្ត្រាក់សាច់ដុំស្បូននៅពេលសម្រាល។ ហើយវាក៏ដើរតួនាទី ជាសារគីមីនៅក្នុងខួរក្បាល ជះឥទ្ធិពលដល់អាកប្បកិរិយារបស់មនុស្ស ដូចជាការទទួលស្គាល់សង្គម បង្កើតទំនាក់ទំនងនិងអារម្មណ៍ ក្ដៅស្រឡាញ់ សម្រើបផ្លូវភេទ និយាយឱ្យងាយយល់ទៅអរម៉ូននេះចេញនៅពេលដែលមនុស្សមានសេចក្ដីស្រឡាញ់ ទទួលបានការទុកចិត្តនិងយល់ចិត្ត ចឹងហើយបានគេហៅវាថា ជាអ័រម៉ូនស្នេហាឬអ័រម៉ូននៃក្ដីស្រឡាញ់។
ប៉ុន្តែប្រសិនបើមនុស្សម្នាក់មានអ័រម៉ូនក្ដីស្រឡាញ់នេះទាបពេកក៏អាចផ្ដល់ផលរំខានដល់ផងដូចជា ធ្វើឱ្យឆាប់ខឹង ការថប់អារម្មណ៍កើនឡើង អសម្ថតភាពក្នុងការមានអារម្មណ៍ស្រឡាញ់ រំខានដល់ការគេង ចំណង់អារម្មណ៍ សម្រើបផ្លូវភេទធ្លាក់ចុះ បើនិយាយពីសុខភាពផ្លូវភេទគឺធ្វើឱ្យពិបាកក្នុងការដល់ចំណុចកំពូល សម្រាប់ស្រ្ដីមានផ្ទៃពោះវិញ ក៏អាចធ្លាក់ចុះ ឬក៏បញ្ឈប់ការកន្ត្រាក់សាច់ដុំស្បូនក្នុងអំឡុងពេលសម្រាលផងដែរ។
កុំអាលបារម្ភបងប្អូន យើងមានវិធីអាចបង្កើនអរម៉ូនមួយនេះ ដោយខ្លួនឯងបាន ដោយគ្រាន់តែ ព្យាយាមហាត់ប្រាណ ទៅម៉ាស្សាបន្ធូរអារម្មណ៍ ព្យាយាមនៅក្បែរមនុស្សវិជ្ជមានស្ដាប់ពាក្យលើកទឹកចិត្តឱ្យបានច្រើន ស្ដាប់ចម្រៀងបែបក្ដីស្រឡាញ់ឱ្យច្រើន ព្យាយាមនៅក្បែរនៅជាទីស្រឡាញ់ មិនថាឳពុកម្ដាយ បងប្អូន និងប្រើភាសាកាយវិកាជាមួយគូជីវិតរបស់អ្នកដោយការកាន់ដៃ ការឱប។ វីធីមួយទៀត យើងក៏អាចធ្វើអ្វីដែលយើងចូលចិត្ត ធ្វើហើយមានអារម្មណ៍ល្អ ដូចជាការថែសម្រស់ ខាត់ស្បែកលាបឡេ តែងខ្លួនស្អាតៗ លេងជាមួយក្មេងៗ និងកេងជាមួយសត្វចិញ្ចឹមរបស់យើងជាដើម។
បន្ទាប់ពីអាចអត្ថបទនេះហើយ សង្ឃឹមថាបងប្អូននឹងបង្កើនអរម៉ូនក្ដីស្រឡាញ់មកវិញបានណា៕
អត្ថបទដោយ៖ សេងហុង-Senghong