នរណាខ្លះចូលចិត្តញុំាល្ហុងទុំ? មានដឹងអត់ថាល្ហុងទុំគឺមិនត្រឹមតែមានប្រយោជន៍ជួយសម្រស់តែម្យ៉ាងទេ តែល្ហុងទុំមានប្រយោជន៍ជួយការពារជំងឺសាហាវៗជាច្រើនទៀត ដែលល្អខ្លាំង បើសិនមិនញុំាច្បាស់ជាស្ដាយក្រោយហើយ ជាពិសេសតម្លៃវាក៏គួរសមទៀត។

-ប្រឆាំងមហារីក៖ ការស្រាវជ្រាវបានបង្ហាញថា សារធាតុ Lycopene នៅក្នុងផ្លែល្ហុងអាចកាត់បន្ថយហានិភ័យនៃជំងឺមហារីក។ ផ្លែល្ហុង អាចកាត់បន្ថយរ៉ាឌីកាល់សេរីដែលរួមចំណែកដល់បង្ការជំងឺមហារីក លើសពីនេះទៀតសោត លក្ខណៈសម្បត្តិប្រឆាំងអុកស៊ីតកម្មដែលមានតែផ្លែល្ហុង អាចប្រឆាំងទៅនឹងកោសិកាមហារីកសុដន់ និងមហារីកក្រពះផងដែរ។

-ជួយសុខភាពពោះវៀន៖​ ក្នុងផ្លែល្ហុងមានជាតិសរសៃខ្ពស់ ដែលមានសារៈសំខាន់ជួយជំរុញដល់ការរំលាយអាហារ និងលើកកម្ពស់ភាពឆ្អែតបានយូរ។ ជាមួយគ្នានេះទៀតសោត ផ្លែល្ហុងក៏មានជាតិទឹក ៨៨% ជួយទ្រទ្រង់ដល់សរីរាង្គកាយ និងមានប្រយោជន៍ក្នុងការបញ្ចុះកម្រិតកូឡេស្តេរ៉ុលមិនល្អក្នុងសរីរាង្គ។

-ជួយសុខភាពបេះដូង៖ ការសិក្សាបន្ថែមទៅលើ សារធាតុ Lycopene និងវីតាមីន C ខ្ពស់នៅក្នុងផ្លែល្ហុង គឺមានអាចជួយការពារជំងឺបេះដូង។ ដោយសារធាតុប្រឆាំងអុកស៊ីតកម្មនៅក្នុងផ្លែល្ហុងអាចការពារបេះដូង និងបង្កើនប្រសិទ្ធភាពការពារនៃកូលេស្តេរ៉ុល HDL "ល្អ" ដោយនេះត្រូវបានផ្សារភ្ជាប់ទៅនឹងការថយចុះហានិភ័យនៃជំងឺបេះដូង។