បន្ថែមជាមួយគ្នានេះ លោកវេជ្ជបណ្ឌិតក៏បានលើកឡើងបន្ថែមឱ្យដឹងដែរថា ជំងឺរលាកពោះវៀនរ៉ាំរ៉ៃ កាលពីមុនយើងតែងតែគិតថា វាបណ្តាលមកពីកត្តារបបអាហារ និងលក្ខខណ្ឌស្ត្រេសចូលរួមបន្ថែម ក៏ប៉ុន្តែមកទល់នាពេលបច្ចុប្បន្ន មានការសិក្សាជាបន្តបន្ទាប់លើកឡើងថា មិនទាន់ច្បាស់ប៉ុន្មាននោះទេ វាគ្រាន់តែជាកត្តាជំរុញដែលបណ្តាលឱ្យជំងឺរលាកពោះវៀនរ៉ាំរ៉ៃនេះ វិវត្តចូលទៅក្នុងស្ថានភាពធ្ងន់ធ្ងរ។

មានកត្តាមួយត្រូវបានសង្ស័យខ្លាំង ដែលវាជាប់ទាក់ទងទៅនឹងជំងឺរលាកពោះវៀនរ៉ាំរ៉ៃនេះ គឺមកពីប្រព័ន្ធភាពស៊ាំនៅក្នុងកោសិការាងកាយរបស់យើងបញ្ជូនសញ្ញាខុស ធ្វើឱ្យប៉ះពាល់ទៅដល់ភ្នាស់របស់ពោះវៀន។ នៅពេលណាវាបញ្ចេញសារធាតុសម្លាប់មេរោគនៅក្នុងពោះវៀន លក្ខខណ្ឌបញ្ចេញនេះ ក៏អាចទៅប៉ះពាល់ដល់ពោះវៀនផងដែរ ប៉ះពាល់ទាំងពោះវៀនតូច ​និងពោះវៀនធំ នេះជាមូលហេតុមួយដែលស្ថិតនៅក្នុងការសង្ស័យជាចម្បង។

កត្តាមួយទៀតបណ្តាលមកពីហ្សែន ដោយអ្នកដែលគាត់មានប្រវត្តិគ្រួសារធ្លាប់កើតនូវជំងឺរលាកពោះវៀនរ៉ាំរ៉ៃពីមុនមក​ នោះជំងឺប្រភេទនេះអាចនឹងធ្វើឱ្យសមាជិកគ្រួសារជំនាន់ក្រោយប្រឈមនឹងការកើតជំងឺនេះផងដែរ។ ក៏ប៉ុន្តែមិនមែនមានន័យថា ឱ្យតែសមាជិកគ្រួសារត្រូវតែកើតនោះទេ ពីព្រោះថា អ្នកជំងឺរលាកពោះវៀនរ៉ាំរ៉ៃដែលមកមន្ទីរមួយចំនួន កើតមានឡើងដោយមិនជាប់ពាក់ព័ន្ធនឹងហ្សែនឡើយ។

យ៉ាងណាមិញ ក្នុងលក្ខខណ្ឌប្រសិនណាបើមានរោគសញ្ញាណាមួយគួរឱ្យសង្ស័យដូចដែលបានរៀបរាប់ខាងលើ គួរណាស់តែប្រញាប់ទៅមន្ទីរពេទ្យពិនិត្យសុខភាព ស្វែងរកបញ្ហាសុខភាពឱ្យបានទាន់ពេលវេលាថា តើវាជំងឺរលាកពោះវៀនមែនដែរឬយ៉ាងណា? ដោយហេតុថា ជំងឺប្រភេទនេះ ប្រសិនបើអ្នកជំងឺមិនព្រមទទួលយកការព្យាបាលត្រឹមត្រូវ នៅតែបន្តទិញថ្នាំលេបដោយខ្លួនឯង គាត់អាចប្រឈមមុខនឹងបញ្ហាកាន់តែពិបាក និងធ្ងន់ធ្ងរដូចជា៖ ធ្លុះធ្លាយពោះវៀនដែលតម្រូវឱ្យវះកាត់ជាបន្ទាន់ ឬក៏ដំបៅពោះវៀន ស្អិតពោះវៀនដែលទាមទារកាវះកាត់ភ្លាមៗ ឬអាចវិវត្តទៅជាជំងឺមហារីក៕ 

<<<ណាត់ជួបជាមួយនឹងវេជ្ជបណ្ឌិត​ ខាំ សោភា វេជ្ជបណ្ឌិតឯកទេសផ្នែកប្រព័ន្ធរំលាយអាហារ តាមរយៈផេក Royal Phnom Penh Hospital ឬទំនាក់ទំនងតាមលេខ 023 991 000/ 012 991 000>>>