ខាងក្រោមនេះគឺជា៧ចំណុចបើមិនចង់ខូចក្រលៀន ត្រូវលាងឈា.មទាំងវ័យក្មេងមិនឈប់

-ចំណុចទី១ ញុំាបន្លែផ្លែឈើឱ្យបានគ្រប់គ្រាន់៖ មូលហេតុដោយសារ ក្នុងបន្លែផ្លែឈើសម្បូរដោយ ជាតិសរសៃ ហើយគ្មានខ្លាញ់អាក្រក់ដែលប៉ះពាល់សុខភាព មានតែញុំាកាន់តែច្រើន ជួយរក្សាសម្ពាធឈាមឱ្យល្អ និងកូលេស្ដេរ៉ូលល្អ ដែលអាចជួយការពារកុំឱ្យវាបង្កជាគ្រោះថ្នាក់ដល់តម្រងនោម។​ ដូច្នេះហើយជាប្រចាំថ្ងៃបងប្អូនធ្វើឱ្យបាន គួរតែញុំាបន្លែផ្លែឈើឱ្យបានគ្រប់គ្រាន់ កុំញុំាតែសាច់ពេក សាច់ឆ្ងាញ់មែន តែ បើញុំាយូរប៉ះពាល់ខ្លាំងណាស់។

-ចំណុចទី២ផឹកស្រាក្នុងកម្រិតមធ្យម៖ បើបងប្អូនផឹកស្រាតិចៗមិនគ្រោះថ្នាក់ទេ តែបើបងប្អូនផឹកយូរទៅ អាចធ្វើឱ្យសម្ពាធឈាមឡើងខ្ពស់ កាលណាសម្ពាធឈាមខ្ពស់ ធ្វើឱ្យតម្រងនោមរបស់បងប្អូនរងផលប៉ះពាល់ហើយ។ បន្ថែមលើសពីនេះបើយោងតាមរយៈអ្នកជំនាញផ្នែកចំណីអាហារបានបញ្ជាក់ថា ផឹកស្រាឈានដល់៥ឆ្នាំថ្លើមរបស់បងប្អូនអ្នកផឹកនឹងមានបញ្ហាហើយ។

-ចំណុចទី៣ចៀសវាងប្រើថ្នាំបំបាត់ការឈឺចាប់គ្មានវេជ្ជបញ្ជា៖ ការប្រើប្រាស់ថ្នាំគឺមិនខុសនោះទេ តែបើសិនយើងប្រើប្រាស់ថ្នាំដែលគ្មានការណែនាំពីពេទ្យច្បាស់លាស់ ដូចជាប្រភេទថ្នាំបំបាត់ការឈឺចាប់ជាដើម ថ្នាំប្រភេទនេះ​បើកាលណាបងប្អូនចេញតែប្រើប្រាស់ញឹកញាប់គឺអាចបង្កជាគ្រោះថ្នាក់ដល់តម្រងនោមរបស់បងប្អូនជាក់ជាមិនខាន ត្រូវប្រយ័ត្នឱ្យមែនទែន។

-ចំណុចទី៤កាត់បន្ថយអំបិលក្នុងអាហារ៖ បើសិនរបបអាហាររបស់បងប្អូនប្រចាំថ្ងៃប្រើប្រាស់​អំបិលច្រើន មិនល្អសម្រាប់សុខភាពរបស់តម្រងនោមបងប្អូននោះទេ ព្រោះការប្រើអំបិលច្រើនបងប្អូននឹងងាយប្រឈមនឹងជំងឺលើសសម្ពាធឈាមជាក់ជាមិនខាន កាលណាបងប្អូនលើសឈាម តម្រងនោមបងប្អូននឹងមានបញ្ហាទៅតាមហ្នឹងដូចគ្នា។

-ចំណុចទី៥រក្សាជាតិទឹកនៅក្នុងខ្លួន៖ កាលណាបងប្អូនផឹកទឹកបានគ្រប់គ្រាន់ កោសិកាក្នុងខ្លួនបងប្អូននឹងដំណើរការបានល្អ ។ បន្ថែមលើសពីនេះទឹកអាចជួយលាងជម្រះគ្រួសក្នុងតម្រងនោម លាងជាតិពុលមិនល្អចេញមកពីក្រៅតាមរយៈទឹកនោមបានល្អ ដែលអាចការពារបងប្អូនកុំឱ្យមានគ្រួសក្នុងតម្រងនោម ឬក៏រលាកតម្រនោមឡើងមកបាន ព្រោះទឹកគឺជួយតម្រងនោមបងប្អូនច្រើនមែនទែន។

-ចំណុចទី៦ធ្វើលំហាត់ប្រាណ៖ ការធ្វើលំហាត់ប្រាណគឺ ល្អសម្រាប់សុខភាពទូទៅ ក៏ដូចជាសុខភាពរបស់តម្រងនោមបងប្អូនដូចគ្នា។ ដូច្នេះហើយ បងប្អូនគួរតែមានទម្លាប់ធ្វើសកម្មភាពរាងកាយឱ្យបានច្រើនព្រោះអាចធ្វើឱ្យបងប្អូនអាយុវែង សុខភាពល្អ។

-ចំណុចទី៧កាត់បន្ថយជាតិស្ករក្នុងអាហារ៖ ការញុំាអាហារមានជាតិផ្អែមមិនបានធ្វើឱ្យប៉ះពាល់ដល់តម្រងនោមផ្ទាល់នោះទេ តែការញុំាផ្អែមអាចធ្វើឱ្យបងប្អូនធាត់ឡើងទម្ងន់ ប្រឈមកើតទឹកនោមផ្អែម លើសឈាម កាលណាបងប្អូនមានបញ្ហាទាំងនេះ ជាហេតុធ្វើឱ្យតម្រងនោមរបស់បងប្អូនមានបញ្ហាដូចគ្នា។

ជាចុងក្រោយមិនមែន៧ចំណុចនេះគឺមានប្រយោជន៍ខ្លាំងមែនទែនជួយសុខភាពរបស់បងប្អូន ជាពិសេសគឺសុខភាពរបស់ក្រលៀន បើបងប្អូនធ្វើបាន បងប្អូនអាចមានអត្រាកាត់បន្ថយជំងឺក្រលៀនបានច្រើនណាស់ ក៏ប៉ុន្ដែមិនមែនមានន័យថាគ្រាន់តែធ្វើ៧ចំណុចនេះបងប្អូនអាចចៀចផុតពីបញ្ហាក្រលៀនបាន១០០ភាគរយនោះទេ។ គ្រាន់តែកត្តាទាំង៧នោះ បើបបងប្អូនធ្វើជាប់ ញឹកញាប់អាចធ្វើឱ្យសុខភាពតម្រងនោមរបស់បងប្អូនកាន់តែខ្សោយជាក់ជាមិនខាន៕