មានសារធាតុជាច្រើនពាក់ព័ន្ធនឹងចំណីអាហារដែល ជួយដល់សារពាង្គកាយរបស់យើង ក្នុងការទ្រទ្រង់សុខភាពឱ្យរឹងមាំល្អនិង ថែសម្រស់ជាដើមឱ្យក្មេងជាងវ័យ។ថ្ងៃនេះយើងនឹងលើកយកសារធាតុបេតាគ្លូខេន ដែលមាននៅក្នុងអាហារមួយចំនួន អាចជួយបង្ការនិងព្យាបាលជំងឺច្រើនប្រភេទ អ្វីដែលពិសេសនោះគឺជួយប្រព័ន្ធភាពសុំារឹងមាំ។
អ្វីជាបេតាគ្លូខេន(Beta-Glucan)?
បេតាគ្លូខេនជាជាជាតិសរសៃរលាយដែលត្រូវបានរកឃើញនៅក្នុងធម្មជាតិមួយចំនួន វាអាចផ្តល់អត្ថប្រយោជន៍សុខភាពមួយចំនួនរួមមានការបញ្ចុះកូឡេស្តេរ៉ុលធ្វើអោយប្រសើរឡើងនូវការគ្រប់គ្រងជាតិស្ករក្នុងឈាមនិងបង្កើនប្រព័ន្ធការពាររាងកាយ និងជំងឺមួយចំនួនផ្សេងទៀត។
+អត្ថប្រយោជន៍ចំពោះជំងឺរួមមាន៖
-អាឡែរហ្សី
-ជំងឺហឺត
-រោគសញ្ញាអស់កម្លាំងរ៉ាំរ៉ៃ
-ជំងឺ fibromyalgia
-ជំងឺរលាកសន្លាក់រ៉ាំរ៉ៃ
-ដំបៅឬរលាកពោះវៀន
-បេតាគ្លូខេន ក៏ត្រូវបានគេអះអាងថាអាចជួយរាងកាយទប់ទល់នឹងជំងឺផ្តាសាយ ជំងឺមហារីកព្រមទាំងបង្កើនប្រព័ន្ធការពាររាងកាយប្រឆាំងនឹងផលអាក្រក់នៃវីរុសផ្សេងៗផងដែរ។នេះបើតាមការលើកឡើងរបស់ verywellhealth។
តើធ្វើដូចម្ដេចដើម្បីទទួលបានសារធាតុដ៏សំខាន់រាងកាយខ្វះមិនបាននេះ?
តាមការសិក្សាស្រាវជ្រាវបេតាគ្លូខេន ត្រូវបានគេរកឃើញក្នុង ស្រូវសាលី ប្រភេទផ្សិតមួយចំនួន(តាមការស្រាវជ្រាវផ្សិតក៏ជាអាហារជួយឱ្យអាយុវែងផងដែរ) គ្រាប់ធញ្ញជាតិ បច្ចុប្បន្នដោយមានការស្រាវជ្រាវសារធាតុនេះល្អដល់រាងកាយ ហេតុនេះក៏មានការផលិតចេញជាផលិតផលជំនួយសុខភាពនិងព្យាបាលជំងឺ នៅលើទីផ្សារទាំងក្នុងនិងក្រៅស្រុកផងដែរ។
សុខភាពជាទ្រព្យចម្បងមិនអាចខ្វះបានឡើយដូច្នេះសូមយកចិត្តទុកដាក់លើការថែសុខភាពឱ្យបានច្រើនបញ្ចូលសារធាតុសំខាន់ៗដែលរាងកាយត្រូវការចាំបាច់ជាប្រចាំដើម្បីជៀសឆ្ងាយពីជំងឺ ទាំងសារធាតុដែលលើកឡើងខាងលើនិងវីតាមីនល្អៗផ្សេងទៀតកុំបីខាន។
