ពេលថ្មីៗ នេះខេត្តខ្មែរមួយចំនួនតូចបានទទួលឥទ្ធិពលពីសន្ទស្សន៍គុណភាពខ្យល់ពណ៌ក្រហម។ ហើយនៅក្នុងចំណោមអ្នកមានផលប៉ះពាល់សុខភាពខ្លាំងបំផុតគឺកុមារតែម្តង។ ព្រោះតែកុមារប្រព័ន្ធភាពសុំារាងខ្សោយ និងអាចមានបញ្ហាដល់សួតតាមខ្យល់ដង្ហើមផងដែរ។ ដើម្បីការពារសុខភាពកុមារចេញទៅខាងក្រៅពីបញ្ហានេះ តាម UNICEF Cambodia - ដើម្បីកុមារគ្រប់រូប កាលពីថ្ងៃទី២៣ ខែមករា ឆ្នាំ២០២៥ ក៏បានបង្ហាញពីវិធីការពារមួយចំនួនដែលឪពុកម្ដាយគ្រប់រូបត្រូវធ្វើជាបន្ទាន់ មានដូចជា៖
>> ចៀសវាងទៅកន្លែងដែលមានការបំពុលខ្លាំង ដូចជាចរាចរណ៍កកស្ទះ ឬ តំបន់ឧស្សាហកម្មជាដើម។ សូមធ្វើដំណើរទៅក្រៅ នៅពេលដែលមានការបំពុលទាបដើម្បីកាត់បន្ថយផលប៉ះពាល់សុខភាពកុមារ។
>> នៅពេលដែលការបំពុលខ្យល់នៅខាងក្រៅខ្លាំង សូមព្យាយាមឲ្យកូនរបស់ អ្នកនៅក្នុងផ្ទះ។
>> អំឡុងពេលដែលមានការបំពុលខ្យល់ខ្ពស់ ជៀសវាងឲ្យកុមារធ្វើសកម្ម ភាពដែលហត់នឿយខ្លាំង ហើយកាត់បន្ថយការលេង ឬលំហាត់ប្រាណ។
>> តាមដានគុណភាពខ្យល់ជាប្រចាំ ហើយផ្លាស់ប្តូរសកម្មភាព និងបង្កើនការ ប្រុងប្រយ័ត្នតាមជាក់ស្តែង។
>> ហើយយើងមិនអាចមើលឃើញខ្យល់មិនល្អដល់កុមារ អ្នកអាចសម្គាល់សញ្ញានៃខ្យល់ពុលតាមរយៈស្ថានភាពដូចជា ភាពស្ងួត/ក្រហាយភ្នែក ឈឺក្បាល អស់កម្លាំង អាលាក់ហ្ស៊ី ឬដង្ហើមខ្លី។
បើយោងតាមអង្គការសុខភាពពិភពលោក (WHO) គិតត្រឹមឆ្នាំ២០១៨ បានឱ្យដឹងថា កុមារប្រមាណ១.៨ ពាន់លាននាក់ មានអាយុក្រោម១៥ឆ្នាំ តែងដកដង្ហើមជាមួយខ្យល់ដែលមានជាតិពុលគ្រប់គ្រាន់ ដើម្បីបង្កហានិភ័យធ្ងន់ធ្ងរដល់សុខភាព និងការអភិវឌ្ឍន៍ខួរក្បាលរបស់ពួកគេ៕ អត្ថបទដោយ៖ ទ្រ សុភាព