នាំអ្នកមកដឹងពីសារៈសំខាន់របស់តម្រងនោមដែលមានតួនាទីក្នុងការច្រោះកាកសំណល់ បញ្ចេញជាតិពុល ហើយនាំឱ្យជាតិទឹកមានតុល្យភាពក្នុងរាងកាយ។ នៅក្នុងសង្គមពេលនេះក៏មានបញ្ហាតម្រងនោម និងលាងឈាមច្រើនដែរ ព្រោះរបបអាហារ និងផឹកស្រាអស់ជាច្រើនឆ្នាំមកហើយ។ ដើម្បីការពារកុំឱ្យខូចតម្រងនោម តាមមន្ទីរពេទ្យមិត្តភាពកម្ពុជា-ចិន ព្រះកុសុមៈផ្នែកតម្រងនោមបានបញ្ជាក់ថា បើមិនចង់លាងឈាមទេ សូមប្រុងប្រយ័ត្ននៅអាហារទាំង ៥ ប្រភេទនេះ ដោយសារអាហារទាំងអស់នេះវាអាចបំផ្លាញតម្រងនោមបានទោះបីវាមិនមែនជាអាហារប្រៃក៏ដោយ។ មានដូចជា អាហារកែច្នៃ ទឹកជ្រលក់ នំប៉ុង ដុំស៊ុប និងគុជ។
អាហារកែច្នៃ និងអាហារប្រភេទខាងលើជាអាហារដែលយើងហូបជាប្រចាំថ្ងៃនាំកើតបញ្ហាសុខភាពអត់ដឹងខ្លួនទេ។ វាបានបន្ថែមជាតិស្ករជាតិប្រេង ជាតិខ្លាញ់ ជាតិអំបិល និងគ្រឿងផ្សំធ្វើម្ហូបកែច្នៃផ្សេងៗ លើសកម្រិតពេក។ អ្នកគួរហូបអាហារទាំងឡាយណាកុំឱ្យផ្អែម កុំឱ្យប្រៃ កុំឱ្យខ្លាញ់លើសកម្រិតពេក។ ពេលតម្រងនោមរបស់អ្នកចុះខ្សោយសមត្ថភាពឬខូចកើតជំងឺរ៉ាំរ៉ៃ វាផ្ទុកទៅដោយជាតិពុលច្រើន ឆ្លងមេរោគពីទឹកនោមបង្កចេញពីទម្លាប់និងអាហារមិនល្អ។ នៅពេលតម្រងនោមចាប់ផ្តើមខ្សោយសមត្ថភាពឬខូច វាបញ្ចេញរោគសញ្ញាទាំងអស់នេះដូចជា អស់កម្លាំង ខ្សោយ នោមមានការឈឺចាប់ ទឹកនោមពពុះច្រើន នោមញឹក ស្រេកទឹកខុសធម្មតា ហើមភ្នែក...ជាដើម។
តាមលោកគ្រូពេទ្យ ហួ ភារ៉ា ក៏បានប្រាប់ដែរថា មូលហេតុដែលងាយធ្វើឱ្យខូចតម្រងនោម មាន២គឺ ទីមួយ អ្នកញ៉ាំទឹកមិនគ្រប់គ្រាន់ និងទីពីរទម្លាប់ញ៉ាំសាច់ច្រើនពេក ធ្វើឱ្យជាតិអាស៊ីតនៅក្នុងឈាមកើតឡើង។ មានបញ្ហាមួយទៀតនាំឱ្យមនុស្សសព្វថ្ងៃងាយខូតនោមផ្អែមដែលផ្សារភ្ជាប់ជាមួយទម្លាប់ទាំងពីរហ្នឹងនោះគឺទម្លាប់អង្គុយយូរនាំឱ្យវិវត្តនៃជំងឺតម្រងនោមផងដែរ។ សមកម្មភាពរាងកាយច្រើនអាចជួយបំប្លែងជាតិស្ករទៅជាថាមពល កាលណាដែលអ្នកអសកម្មភាព អង្គុយយូរៗពេក ធ្វើឱ្យជាតិស្ករកកស្ទះក្នុងសរសៃឈាម បង្កជាការលើសសម្ពាធឈាម និងជំងឺតម្រងនោមផងដែរ៕ អត្ថបទដោយ៖ ទ្រ សុភាព