១. បើអ្នកនៅយុវជនមិនទាន់បានសាងលទ្ធផលធំដុំទេ កុំចាយពេលអត់ប្រយោជន៍ច្រើនទៅលើការដើរ តាមរឿងដទៃតាមបណ្តាញសង្គម និងខ្ចិលច្រអូសជាដើម។ យុវជនចង់កសាងអនាគតបានល្អ តាមលោក ត្រាំ បានណែនាំថា វិធីដែលធ្វើឲ្យអ្នកដទៃចាប់អារម្មណ៍ គឺសាងសមិទ្ធផល ។ ចំពោះខ្ញុំវាងាយទេ ដែលចរចារដើម្បីបានកិច្ចសន្យាកាន់តែច្រើន ព្រោះខ្ញុំធ្លាប់បានទទួលជោគជ័យរួចមកហើយ។ ខ្ញុំត្រូវការសាងភាពជោគជ័យ ដើម្បីឲ្យមនុស្សនៅក្នុងមជ្ឈដ្ឋានអាជីវកម្មចាប់អារម្មណ៍។ បើអ្នកមានអាយុតិច មិនទាន់មានភាពជោគជ័យអ្វីទេ អ្នកត្រូវខំសាងលទ្ធផលឱ្យចេញ។ វាមិនសំខាន់ទេថា ទោះបីវាជាលទ្ធផលតូចឬធំ ឱ្យតែអ្នកត្រូវហ៊ានចាប់ផ្តើមធ្វើអ្វីមួយ ខំឱ្យមានលទ្ធផលដើម្បីប្តូរជោគវាសនារបស់អ្នកភ្លឺស្វាង។

២. នៅពេលសព្វថ្ងៃនេះ មានអ្នកមួយចំនួនធំមានភាពចេះដឹងរឿងគេច្រើនណាស់ដឹងថា ជីវិតគេគួរធ្វើបែបណា? គួរនៅរស់នៅយ៉ាងមិច? និងគួររកចំណូលតាមវិធីណា? តែគួរឱ្យស្តាយនៅត្រង់ថា អត់ដឹងពីខ្លួនឯងគួរធ្វើអ្វីសោះ? ហើយជំនាញមួយគឺពូកែរិះគន់ តែមិនពូកែធ្វើប៉ុន្មានទេ។ ជីវិតរបស់យុវជនចំណាយពេលបែបនេះ ច្បាស់ជាងងឹតអនាគតមិនខានទេ។ តាមលោក ត្រាំ បានលើកឡើងថា មនុស្សដែលចាំតែរិះគន់គេ ខ្ញុំហៅថា ជាមនុស្សបរាជ័យ ហើយចាំតែបង្អាក់គេ ចំពោះខ្ញុំគិតថា បើពួកគេមានសមត្ថភាពយ៉ាងពិតប្រាកដមែននោះ គឺមិនមករករឿងខ្ញុំទេ ពួកគេនឹងទៅធ្វើអ្វីម្យ៉ាងដែលមានប្រយោជន៍ជាងហ្នឹង។

៣. មានយុវជនជាច្រើន ពេលខំធ្វើកិច្ចការអ្វីមួយមានលទ្ធផល តែគេមិនឱ្យតម្លៃ ចាប់ផ្តើមមានអារម្មណ៍អយុត្តិធម៌។ រួចហើយកាត់បន្ថយការខំប្រឹងនាំឱ្យជីវិតធ្លាក់ចុះបន្តិចៗ រហូតបាក់ទឹកចិត្ត។ លោក ត្រាំ បានណែនាំយុវជននៅបទពិសោធន៍ក្នុងជីវិតរបស់លោកបានឆ្លងកាត់ថា មានមនុស្សជាច្រើនបានមើលឃើញអាគារ Trump Tower តែពួកគេមិនដែលគិតថា ខ្ញុំត្រូវធ្វើអ្វីខ្លះដែលមានផលដ៏អស្ចារ្យយ៉ាងនេះ គឺគ្មានអ្នកណាចាប់អារម្មណ៍ពេលដែលខ្ញុំបានចំណាយកម្លាំងញើសឈាម និងទឹកភ្នែកដែលធ្វើឲ្យកើតជាសិល្បៈដ៏ស្រស់ស្អាតនោះទេ ភាពសំខាន់ដែលពួកគេទទួលស្គាល់ គឺលទ្ធផលនៅទីបញ្ចប់ទៅវិញទេ។ ជីវិតរបស់មនុស្សគ្រប់គ្នាគឺបែបនេះឯង៕ អត្ថបទដោយ៖ ទ្រ សុភាព