១. ថែរក្សាចំណងតម្លៃមិត្តភាព៖ ពេលអ្នករស់នៅគ្មានចំណងមិត្តភាពទេ តើអ្នកមានអារម្មណ៍បែបណា? ចម្លើយងាយណាស់គឺរស់ក្នុងភាពឯកា។ ឥឡូវនេះ! ឱ្យអ្នកមកដឹងពីអំណាចឥទ្ធិពលទំនាក់ទំនងជួយសង្រ្គោះលោកយាយ Dennis មានអាយុវែងណាស់។ គន្លឹះរបស់លោកយាយគឺថា ការរក្សាចំណងមតិ្តភាពជាមួយក្រុមគ្រួសារ ជាមួយមិត្តភ័ក្តិ នាំឱ្យគាត់មានអារម្មណ៍កក់ក្តៅ។ មិនត្រឹមតែប៉ុណ្ណោះទេ! លោកកយាយបានថែរក្សាចំណងមិត្តភាពជាមួយអតីតសិស្សក្នុងជីវិតរបស់គាត់រហូត។ នេះជាតម្លៃថែរក្សាចំណងតម្លៃមិត្តភាពរបស់លោកយាយ Dennis។ អ្នកគួរថែចំណងមិត្តភាពជាមួយមនុស្សជុំឡើងវិញ។

​​២. ការតាំងចិត្តនាំឱ្យចិត្តកាន់តែមាំ​: អ្នកដែលមានការតាំងចិត្តខ្ពស់លើគោលដៅ ឬក្នុងការរស់នៅឱ្យមានក្តីសុខជាបុគ្គលមានវិន័យ។ មានសំណួរមួយថា អ្នករស់នៅគ្មានវិន័យ តើសភាពជីវិតរបស់គេបែបណា? លោកយាយ Dennis អាចរស់នៅបានយូរ ព្រោះគាត់បន្តធ្វើការដោយការតាំងចិត្តខ្ពស់។ មិត្តភ័ក្តិរបស់លោកយាយ Dennis គឺលោកស្រី Evelyn Williams បាននិយាយថា “លោកយាយ Dennis ជាស្ត្រីដែលមានតាំងចិត្តខ្ពស់ណាស់នៅពេលគាត់ធ្វើអ្វីមួយគឺធ្វើវាឱ្យសម្រេច។ ព្រោះលោកយាយ Dennis ជាស្ត្រីម្នាក់ដែលតែងតែត្រៀមខ្លួនមានសា្មរតីជាប់ជានិច្ចដើម្បីដោះបញ្ហាដោយការតាំងចិត្ត”។

៣.ការចូលរួមក្នុងសង្គម: ការបន្តធ្វើសកម្មភាពឱ្យបានច្រើនតាមដែលអ្នកអាចធ្វើបានក្នុងការចូលរួមសង្គម(ពីមនុស្សដែលអ្នកនៅជុំវិញ) ជាកត្តានាំឱ្យលោកយាយមានក្តីសុខក្នុងការរស់នៅ។ ហើយលោកយាយក៏បានលើកឡើងដែរថា ការធ្វើសកម្មភាពពីជុំវិញជាគន្លឹះនាំឱ្យចិត្តរបស់ខ្ញុំមានក្តីសុខ។ ដូចជាការនិយាយគ្នាលេង សួរសុខទុក្ខ និងចែករំលែកគ្នា។ ព្រោះការទំនាក់ទំនងក្នុងភាពវិជ្ជមានជួយរួមដុតកម្តៅអារម្មណ៍លោកយាយកុំឱ្យចុះថយហើយវាជួយបំពេញ​​អត្ថន័យឱ្យជីវិតលោកយាយថែមទៀត។ តាមការស្រាវជ្រាវអាយុវែងពីសាកលវិទ្យាល័យ Harvard ជាច្រើនទសវត្សរ៍បានបញ្ជាក់ថា “ការទំនាក់ទំនងក្នុងក្នុងសង្គមជារឿងចាំបាច់បំផុតក្នុងការដឹកនាំជីវិតមនុស្សឱ្យសប្បាយរីករាយ និងរស់នៅបានយូរ”។

ដូច្នេះហើយ! ការរស់នៅប្រកបដោយទៅដោយភាពរីករាយ មានអាយុវែង ជាការអភិវឌ្ឍខ្លួនកាន់តែល្អ។ យើងត្រូវមានការប្រាស្រ័យទាក់ទងល្អជាមួយនឹងមនុស្សជុំវិញខ្លួន​​ មានភាពអត់ធ្មត់ បង្កើតការតាំងចិត្ត​ មានវិន័យត្រឹមត្រូវជាប្រចាំថ្ងៃនាំជីវិតរីករាយមានក្តីសុខបំផុត៕ អត្ថបទដោយ៖ ជុំ សុដាឡែន