តាមកញ្ញា យ៉ាង ស៊ូប៊ីន ជាតារាដែលមានភាពល្បីល្បាញលើបណ្តាញសង្គម Facebook និង You Tube ខាងហូបចំណីអាហារជាច្រើនដែលធ្វើឱ្យនាងឡើងទម្ងន់ ១៣១គីឡូ នាងបាននិយាយថា ការធាត់បែបនេះ វាធ្វើឱ្យអារម្មណ៍នាងពិបាកណាស់។ នាងមានមានចំណងក្នុងការហាត់ប្រាណ ព្រោះតែនាងគោលដៅចង់បានរាងស្អាត តែវាមិនងាយស្រួលទេ នាងបានចំណាយពេលវេលាហាត់ប្រាណ តមអាហារ និងនាងញ៉ាំអាហារល្មមៗ​ ៧០%នៃក្រពះ។ ទើបនាងសម្រេចបានលទ្ធផលមានរាងស្អាត។

បន្ទាប់ពីហាត់ប្រាណរួចហើយ លោកគ្រូ រ៉ាន់ សុខ បានបញ្ជាក់ថា អ្នកលើសគីឡូ ពេលហាត់ប្រាណមុនដំបូងឱ្យហូបអាហារធម្មតាសិន រំលងបានមួយអាទិត្យឱ្យគាត់សមនឹងការហាត់ប្រាណខ្លះហើយ ចាំឱ្យគាត់តមអាហារពេលល្ងាច ឱ្យហូបតែសាឡាត ការ៉េត ផ្លែប៉ោម ផ្លែប័រ និងសាច់គ្មានខ្លាញ់បានបន្តិច ជាអាហារសម្រន់ទ្រាប់ពោះ បើគាត់ឃ្លានខ្លាំង។” ពេលអ្នកតមអាហារបែបនេះ អ្នកអាចអស់កម្លាំងបន្តិច និងហេវដែរ ប៉ុន្តែយើងគួរតែព្យាយាមអត់ធ្មត់ដើម្បីឱ្យជាតិខ្លាញ់នៅក្នុងខ្លួនចិញ្ចឹមរាងកាយអ្នកឡើងវិញ លទ្ធផលអ្នកនឹងស្រកគីឡូបានល្អ មិនប៉ះពាល់សុខភាពផងដែរ។

បើអ្នកគ្មានពេលវេលាច្រើនសម្រាប់ធ្វើលំហាត់ប្រាណទេ មានវិធីសាស្រ្តខ្លីៗ ជួយឱ្យអ្នកសម្រកជាតិខ្លាញ់ប្រភេទនេះបានល្អដែរ។ នៅក្នុងប្រទេសកូរ៉េបានរកឃើញថា មនុស្សលើសគីឡូ ដែលបានដើរឡើងជណ្តើរពីរដងក្នុងមួយថ្ងៃរយៈពេល ៥នាទីដោយមិនឈប់ ធ្វើឱ្យបាត់បង់ទំងន់ជាតិខ្លាញ់ជាមធ្យម ៣គីឡូក្នុងខ្លួនក្នុងរយៈពេលត្រឹមតែ ៣សប្តាហ៍។ ហើយអ្នកអាចចំមណាយពេលខ្លះៗ ១០នាទី រត់ ឬដើរ ជុំវិញផ្ទះជាការល្អបំផុត៕ អត្ថបទដោយ៖ ទ្រ សុភាព