មនុស្សជាច្រើនមានបញ្ហាផ្លូវចិត្តព្រោះតែបញ្ហាការងារ រឿងស្នេហា និងគ្រួសារជាដើម។ តាមពិត សូម្បីអាហារជួយដល់សុខភាពផ្លូវចិត្តរបស់អ្នកឱ្យរីករាយដែរ។ ការជ្រើសអាហារជារឿងសំខាន់ទាំងរាងកាយនិងផ្លូវចិត្ត។ យោងតាមប្រភពដោយ Eatingwell បានចុះផ្សាយថា អាហារទាំង ៣នេះជួយសម្រួលផ្លូវចិត្តឱ្យរីករាយមានថាមពល៖
១. យើងបានចាប់អាហារប្រភេទរុក្ខជាតិដើម្បីដាស់អារម្មណ៍របស់អ្នកចេញពីស្រ្តេសមានដូចជា ផ្លែប៉ោម ផ្លែក្រូច បន្លែសាឡាត់ ស្ពៃ គ្រាប់ធញ្ញជាតិមានគ្រាប់អាល់ម៉ុន គ្រាប់កៅឡាក់ និងគ្រាប់ស្វាយចន្ទី,... ព្រោះប្រភេទអាហារទាំងអស់នេះជួយការផ្តោតអារម្មណ៍ទាក់ទងទៅនឹងការរំខានហើយជួយសម្រួលមុខងារខួរក្បាលហើយឱ្យខួរក្បាលរីករាយ។ នៅឆ្នាំ២០២០ តាមទិនានុប្បវត្តិ Clinical Nutrition បានរកឃើញថា ការញ៉ាំអាហារមានមូលដ្ឋានលើរុក្ខជាតិជួយផ្សារភ្ជាប់ការថយចុះហានិភ័យជំងឺធ្លាក់ទឹកចិត្ត ការថប់បារម្ភ និងបញ្ហាផ្លូវចិត្តចំពោះស្ត្រីបានច្រើនណាស់។
២. សម្រាប់អាហារគ្រឿងសមុទ្រមានអត្ថប្រយោជន៍ដល់ផ្លូវចិត្តលើសពីអ្វីដែលអ្នកគិត។ យើងដឹងហើយថា អាហារគ្រឿងសមុទ្រមានត្រីសាម៉ុន ត្រីសាឌីន ត្រីធូណា ត្រីរ៉ស់ អយស្ទ័រ... សុទ្ធតែជួយសុខភាពផ្លូវចិត្តរីករាយមានក្តីសុខ។ បើយោងតាមការសិក្សានៅក្នុង Nutrition Neuroscience បញ្ជាក់ថា អាហារប្រភេទគ្រឿងសមុទ្រនេះជួយអារម្មណ៍បញ្ចុះអារម្មណ៍តានតឹង និងស្រ្តេសបានល្អ មកពីវាមានសារជាតិអូមេហ្គា៣ ក្នុងសាច់បរិមាណច្រើន។
៣. ផ្លែប័រមានសារធាតុប្រឆាំងអុកស៊ីតកម្មជួយជួសជុលកោសិការាងកាយ ដែលបណ្តាលមកពីការខូចខាតរ៉ាឌីកាល់របស់សេរីស្បែក។ មិនត្រឹមតែប៉ុណ្ណោះ ផ្លែប័រមានសារធាតុជួយធ្វើឱ្យប្រសើរឡើងនូវរោគសញ្ញានៃការធ្លាក់ទឹកចិត្ត និងការថប់បារម្ភបានល្អ។ ហើយផ្លែនេះមានសមាសធាតុម្យ៉ាងហៅថា ប៉ូលីហ្វេណុល ដែលត្រូវបានគេដឹងថា ជួយបង្កើនការផ្តោតអារម្មណ៍ក្នុងការចងចាំបានល្អជាងផ្លែឈើផ្សេងផងដែរ៕ អត្ថបទដោយ៖ ទ្រ សុភាព