១. កាត់ស្រ្តេសចេញពីខួរក្បាល៖ អ្នកស្រ្តេសភាគច្រើននៅពេលល្ងាចដោយសារអ្នកអស់ថាមពល ព្រោះតែអ្នកបញ្ចេញកម្លាំងធ្វើការពេញមួយថ្ងៃហើយ។ តាមវេជ្ជបណ្ឌិត Andrew Miller ជាអ្នកជំនាញខួរក្បាលបានលើកពីគុណប្រយោជន៍ការធ្វើលំហាត់ប្រាណថា អ្នកព្យាយាមធ្វើលំហាត់ប្រាណពេលល្ងាចត្រឹម ២០ទៅ៣០នាទី ជួយការព្យាបាលរាងកាយនិងអារម្មណ៍ឱ្យស្រស់ថ្លាឡើងមកវិញ។ ព្រោះការធ្វើលំហាត់ប្រាណកាត់ស្រេ្តសមានប្រសិទ្ធភាព”។ តាមអ្នកឧកញ៉ាវេជ្ជបណ្ឌិត គួច ម៉េងលី បញ្ជាក់ថា ការហាត់ប្រាណនាំឱ្យមានសុខភាពបេះដូងផលិតឈាមបានល្អហើយខួរក្បាលរបស់យើងរំសាយស្រ្តេសចេញ។ គ្រាន់តែអ្នកដើរ រត់តិចៗ និងហាត់លើកទម្ងន់ពិតជាមានគុណប្រយោជន៍ដល់ខួរក្បាលណាស់។

២. ជំរុញមុខងារផ្លូវភេទ៖ យោងទៅតាមការចុះផ្សាយរបស់គេហទំព័រ mayoclinic បានលើកឡើងថាការធ្វើលំហាត់ប្រាណធ្វើឱ្យមេជីវិតផ្លូវភេទរបស់អ្នកមានភាពប្រសើរឡើងជាប្រចាំថ្ងៃ។ ព្រោះការលំហាត់ប្រាណធ្វើឱ្យផ្លូវចិត្តរបស់អ្នកមានឥទ្ធិពលទៅលើមេជីវិតផ្លូវភេទយ៉ាងមានប្រសិទ្ធភាពមានកម្លាំងរួមភេទបានយូរឱ្យដៃគូពេញចិត្ត។ ការធ្វើលំហាត់ប្រាណពិតជាជះឥទ្ធិពលដល់មុខងារផ្លូវភេទរបស់អ្នក។

៣. ហាត់ប្រាណដេកស្រួល៖ ពេលអ្នកបញ្ហាសុខភាពរាងកាយ សូម្បីតែផ្លូវចិត្តរបស់អ្នកក៏បានបញ្ហាដូចគ្នាដែរ។តាមលោកវេជ្ជបណ្ឌិត Charlene Gamaldo ជាប្រធានផ្នែកមជ្ឈមណ្ឌល Johns Hopins នៃការគេងបាននិយាយថា ការធ្វើលំហាត់ប្រាណជួយឱ្យបង្កើតគុណភាពការគេង។ តាមការសិក្សាជាច្រើនបានបញ្ជាក់ថា ព្រោះតែវាជួយកាត់បន្ថយអារម្មណ៍តានតឹង ឱ្យរាងកាយអ្នកអស់កម្លាំងមុនចូលគេងជាហេតុឱ្យអ្នកគេងលក់លឿន។

៤. ហាត់ប្រាណឲ្យបានទៀងទាត់៖ បើអ្នកចង់ស្រកគីឡូគួរតែធ្វើការហាត់ប្រាណ។ អ្នកអាចជ្រើសរើសការហាត់ប្រាណណាដែលសាកសមជាមួយនឹងអ្នក ដូចជា ការរត់តិចៗពេលព្រឹកជាប្រចាំ ឬហាត់យោហ្គាផងដែរ។ តាមលោកវេជ្ជបណ្ឌិត Eric Berg មានប្រសាសន៍បន្ថែមថា “ពេលយើងហាត់ប្រាណក្នុងកម្រិតស្រាល ឬមិនរហែកសាច់ដុំឱ្យបានគ្រប់គ្រានទេ អ្នកមិនអាចកម្ចាត់ជាតិខ្លាញ់ក្បាលពោះបានទេ។ ការសម្រកក្បាលពោះ និងបង្កើនសាច់ដុំ យើងគួរហាត់កម្រិតធ្ងន់ ឬហាត់Gym ដើម្បីដុតជាតិខ្លាញ់ឱ្យលឿន”៕ អត្ថបទដោយ៖ ទ្រ សុភាព