ពេលថ្មីៗ នេះមានព័តមានជាច្រើនបានចុះពីមេរោគ Norovirus បានធ្វើឱ្យប្រជាជនខ្មែរយើងមានអារម្មណ៍ស្លន់បាត់ស្មារតីព្រោះតែខ្លាចវាដូចជាកូវីដ១៩។ សូមបងប្អូនកុំមានការភ័យព្រួយខ្លាំងពេក សម្រាប់មេរោគ Norovirus ឆ្លងនៅប្រទេសថៃច្រើនក៏ដោយ ការឆ្លងភាគច្រើនលើកូនក្មេងក្រោមអាយុ ៥ឆ្នាំនិងមនុស្សចាស់ មកពីក្រុមមនុស្សទាំងពីរនេះមានប្រព័ន្ធភាពស៊ាំខ្សោយ។ មេរោគនេះឆ្លងតាមរយះការប៉ះពាល់វត្ថុនិងអាហារឆៅដែលមានផ្ទុកមេរោគនេះ។ ចំពោះរោគសញ្ញាដូចជា ក្អួតចង្អោ រាគ ក្ដៅខ្លួន អស់កំលាំង និងឈឺក្បាល។
ដោយសារបញ្ហាបែបនេះ អ្នកកុំខ្លាចភ័យពេក វានាំឱ្យប៉ះពាល់ដល់អារម្មណ៍របស់អ្នកខ្លាំងណាស់។ អ្នកត្រូវយល់់ជំងឺបង្កឡើងដោយមេរោគ Norovirus តាមនាយកដ្ឋានប្រយុទ្ធនឹងជំងឺឆ្លង CDCខ្មែរយើងចុះផ្សាយថា ដើម្បីបំភ្លឺដល់បណ្តាញសង្គមមួយចំនួនដែលផ្សាយខុស៖
១. ជាជំងឺកើតឡើងជាប្រចាំនៅបណ្តាប្រទេសត្រជាក់ ឬហៅថា ជំងឺក្អូតរាកបង្កឡើងដោយមេរោគនៅរដូវត្រជាក់ ដែលតែងតែកើតឡើង និងរាតត្បាតនៅបណ្តាប្រទេសត្រជាក់ដូចជា ចិន អាមេរិក អឺរ៉ុប ។ ល។
២. ជាមេរោគមានវត្តមានយូរមកហើយ និងមិនមែនជាមេរោគផ្ទុះថ្មីទេឬក៏គម្រាមកំហែងរាតត្បាតសកលទេ
៣. ជាមេរោគងាយងាប់នៅសីតុណ្ហភាពក្តៅ ចាប់ពី ៦០អង្សាសេឡើងទៅ ដូច្នេះមិនងាយមានរាតត្បាតនៅក្នុងប្រទេសក្តៅសើមទេ ដូចជាប្រទេសយើងជាដើម
៤. អ្នកឆ្លងជំងឺនេះមានរោគសញ្ញា ចង្អោរ ក្អួត រាក និងងាយជាទៅវិញរយៈពេលខ្លី
៥. ឆ្លងតាមរយៈប៉ះពាល់ផ្ទាល់ជាមួយទឹកសរីរាង្គអ្នកជំងឺដូចជា ក្អក កំអួត លាមក
៦. បង្ការជំងឺតាមរយៈ ពាក់ម៉ាស់ លាងដៃ សំអាតអនាម័យ ប្រដាប់ប្រើប្រាស់ និងបរិដ្ឋានជុំវិញ។ ហើយអ្នកអាចទាក់ទងព័ត៌មានបន្ថែមសូមទាក់ទងលេខ ១១៥