លោក ជីម មីខាលទ័រ (Jimmy Carter) ធ្លាប់ជាកសិករដាំសណ្តែកដីម្នាក់ ហើយមានប្រវត្តិជាបុគ្គលតស៊ូយ៉ាងអស្ចារ្យក្នុងប្រវត្តសាស្រ្តអាមេរិក តស៊ូរហូតក្លាយជាប្រធានាធិបតីថ្ងៃទី ២០ ខែមករា ឆ្នាំ ១៩៧៧ដល់ថ្ងៃទី ២០ ខែមករា ឆ្នាំ១៩៨១។ នៅចុងឆ្នាំ២០២៤ បានស្លាប់នៅអាយុ១០០ឆ្នាំ។ មានសម្តីមួយឃ្លាដ៏មានអត្ថន័យពីកូនប្រុសរបស់លោក ជីម ខាលទ័រ មានឈ្មោះថា លោក Chip Carter បានលើកឡើងថា ឪពុករបស់ខ្ញុំជាវីរបុរស មិនមែនត្រឹមតែខ្ញុំទេ ប៉ុន្តែឪពុករបស់ខ្ញុំគឺសម្រាប់មនុស្សគ្រប់គ្នាដែលជឿលើសន្តិភាព សិទ្ធិមនុស្ស និងក្តីស្រឡាញ់គ្មានដែនកំណត់នោះទេ”។
អតីតប្រធានាធិបតីអាម៉េរិកលោក ខាលទ័រ បានទទួលមរណៈភាពនៅក្នុងអាយុ ១០០ឆ្នាំក្រោយពេលលោកទទួលការព្យាបាលជំងឺថ្លើមអស់មួយរយៈធំចាប់តាំងពីពាក់កណ្ដាលខែកុម្ភៈ ឆ្នាំ២០២៣។ នេះយោងតាមការចេញផ្សាយដោយកាសែតអាម៉េរិក WashingTon Post។ លោក ខាលទ័រ បានកាន់តំណែងអំឡុងពេល៤ឆ្នាំជាពេលដ៏ច្របូកច្របល់ មានមនុស្សជាច្រើនគ្មានការងារធ្វើជាអាទិភាពចម្បងនៃរដ្ឋបាលរបស់លោកតែម្តង។
លោក ខាលទ័រ បានបង្ហាញមុខជាសាធារណៈចុងក្រោយនៃជីវិត នៅក្រោមរូបភាពពិធីបុណ្យសពរបស់ភរិយារបស់លោកគឺអ្នកស្រី Rosalynn កាលពីខែវិច្ឆិកា ឆ្នាំ២០២៣។ សម្តីចុងក្រោយរបស់លោកបានប្រាប់ថា ខ្ញុំចង់ឃើញប្រទេសសហរដ្ឋអាមេរិកតស៊ូក្លាយជាជើងឯកលេខមួយក្នុងពិភពលោកមានសន្តិភាព មានសិទ្ធិមនុស្សនិងមានគុណភាពផ្នែកបរិស្ថាន។ ហើយអ្វីដែលមានគុណតម្លៃធំគឺចាត់ទុកមនុស្សគ្រប់គ្នាឱ្យស្មើៗ គ្នា។ បើយើងធ្វើវាបាន យើងនឹងមានមហាអំណាចពិតប្រាកដនៅក្នុងប្រទេសដែលខ្ញុំស្រឡាញ់បំផុត៕ អត្ថបទដោយ៖ ទ្រ សុភាព