វិធីគិតលោក ត្រាំ គិតធំ ធ្វើរឿងអស្ចារ្យ។ នៅពេលមួយលោក ត្រាំ បានជួយសាងសងអាគាររបស់រដ្ឋឱ្យចំណាយលុយតិច ហើយរដ្ឋអាមេរិកចំណេញលុយតិច២០០លានដុល្លារ។ ហើយខាងរដ្ឋបានស្នើឱ្យលុយចំនួន ៨៣៣ ០០០$ ឱ្យលោក ត្រាំ។ ប៉ុន្តែលោក ត្រាំ បានប្រាប់ខាងសាលាក្រុងថា “ខ្ញុំមិនមកយកលុយចំនួនលុយ ៨៣៣ ០០០$ នេះទេ បើខាងសាលាក្រុងព្រមដាក់ឈ្មោះរបស់គាត់នៅក្នុងមជ្ឈមណ្ឌលប្រជុំញូយ៉កនោះ”។ គាត់បោះបង់លុយចំនួនច្រើននេះ ដើម្បីសាងតម្លៃឈ្មោះរបស់គាត់ឱ្យកាន់តែថ្លៃគឺ Trum។

និយាយទៅ! ទម្រាំគាត់មានលទ្ធផលក្លាយជាមហាសេដ្ឋី និងជាប្រធានាធិបតីនោះ គាត់មានបញ្ហាច្រើនណាស់។ ពេលគាត់មានបញ្ហាធំៗ តើគាត់មានវិធីគិតបែបណា? លោក ត្រាំ បានប្រាប់ថា ខ្ញុំមិនត្រូវចាប់អារម្មណ៍ចំពោះស្ថានការណ៍ដែលមានការលំបាក និងបញ្ហាច្រើននោះទេ ខ្ញុំបាញ់អារម្មណ៍ផ្តោតទៅលើលទ្ធផលនៅអ្វីដែលខ្ញុំត្រូវការយ៉ាងពិតប្រាកដតែប៉ុណ្ណោះ។ ហើយខ្ញុំសម្រុកធ្វើឱ្យអស់ដៃឱ្យអស់ជើងតែម្តង លទ្ធផលចុងក្រោយខ្ញុំតែងតែជាអ្នកឈ្នះ។ គាត់បានប្រាប់នរណាហ៊ានប្រកួតជាមួយគាត់ថា អ្នកឯងដេកមួយយប់១០ម៉ោង តែខ្ញុំដេកមួយយប់៤ម៉ោង សួរថាតើអ្នកឯងប្រកួតប្រជែងជាមួយខ្ញុំឈ្នះយ៉ាងម៉េច? នេះជាវិធីគិតរបស់លោក ដូណាល់ ត្រាំ ពិតជាអស្ចារ្យណាស់។

មានគិតអស្ចារ្យរបស់លោក ត្រាំ បាននិពន្ធនៅក្នុងសៀវភៅរបស់លោកមានឈ្មោះថា The Art of the Deal បានសរសេរថា “មនុស្សក្នុងពិភពលោកនេះម្នាក់ៗសុទ្ធតែមានទេពកោសល្យល្អបំផុតមួយក្នុងជីវិតរបស់ខ្លួន អ្នកខ្លះមានសម្លេងពិរោះដូចហ្រ្វេង ស៊ីណាត្រា តែពួកគេគ្មានភាពក្លាហ៊ានច្រៀងនៅលើឆាកនោះទេ គឺពួកគេបានតែច្រៀងក្នុងបន្ទប់ទឹករបស់ខ្លួន គ្មានអ្នកណាម្នាក់បានឮសម្លេងរបស់ពួកគេបានច្រៀងឡើយ។ អ្នកត្រូវហ៊ានចេញទៅក្រៅផ្ទះ... បង្ហាញទេពកោសល្យរបស់ខ្លួនដើម្បីឲ្យមានការចាប់អារម្មណ៍ពីសាធារណៈជន”។

ពេលអ្នកជម្នះលើអារម្មណ៍ភ័យខ្លាចនេះចេញពីក្នុងខ្លួន អ្នកនឹងក្លាយជាអ្នកឈ្នះជាមិនខានទេ។ ហើយអ្នកបានប្តូរផ្នត់គំនិតចាស់ជាគំនិតខ្លាចៗ ចេញ មកដាក់ផ្នត់គំនិតថ្មីគឺមានភាពក្លាហាន ហ៊ានចេញធ្វើតាមក្តីស្រមៃ ហើយផ្តោតអារម្មណ៍រហូតដល់មានលទ្ធផលអស្ចារ្យ ទើបជីវិតរបស់អ្នកមានគុណតម្លៃមានការគោរព៕ អត្ថបទដោយ៖ ទ្រ សុភាព