មនុស្សមិនតិចទេដែលកំពុងជួបនូវការលំបាកក្នុងការគេង គេងមិនលក់ គេងមិនស្កប់ ខំប្រឹងគេងយ៉ាងណាក៏នៅតែមិនលក់ដែរ។ បញ្ហាលំបាកក្នុងការគេងតែងតែកើតមានចំពោះអ្នកដែលមានបញ្ហាដោះស្រាយមិនចេញ គិតរឿងអវិជ្ជមាន កិច្ចការសាលាច្រើន មមាញឹកនឹងការងារ បញ្ហារកស៊ី។ បើយើងកំពុងតែមានបញ្ហាទាំងអស់នេះហើយ អ្នកអាចមកសាកល្បងអំពីអាហារ ៤នេះ៖
១.ត្រី៖ យោងតាមរយៈគេហទំព័រ Everydayhealth បានបញ្ជាក់ថា ត្រីសម្បូរទៅដោយវីតាមីនB6 ជុំរុញដល់ការផលិតមេឡាតូនីន ដែលជាអរម៉ូនជំនួយការគេងដែលបង្កឡើងដោយភាពងងឹត។ ព្រោះត្រីមានជាតិអាមីណូអាស៊ីត L-ornithine ជួយកាត់បន្ថយភាពតានតឹងផ្នែកអារម្មណ៍ឱ្យអ្នកគេងលក់ស្រួល។
២.សណ្តែកសៀង៖ មានផ្ទុកសារធាតុម៉ាញ៉េស្យូមក្នុងបរិមាណខ្ពស់ ដែលអាចជុំរុញដល់ការគេងលក់ស្រួល បន្ទាប់ការនឿយហត់អស់កម្លាំងពេញមួយថ្ងៃ។ ហើយវាជួយកាត់បន្ថយជាតិស្ករក្នុងឈាមថែមទៀត។
៣.គ្រាប់អាល់ម៉ុន៖ យោងតាម Healthline បានចុះផ្សាយថា វាមានសារធាតុម៉ាញ៉េស្យូម ដែលជំរុញទាំងការគេង និងការសម្រាករបស់សាច់ដុំ។ អ្នកអាចសាកល្បងប្តូរអាហារសម្រន់ដោយយកគ្រាប់អាលម៉ុនលាយជាមួយទឹកដោះគោ និងទឹកឃ្មុំសម្រាប់អាហារសម្រន់មុនពេលចូលគេង។
៤. ទឹកឃ្មុំលាយទឹកក្ដៅឧណ្ឌៗ៖ យោងតាមគេហទំព័រ Webmdបានចុះផ្សាយថា ការផឹកទឹកឃ្មុំវាជួយផ្តល់ថាមពលដល់រាងកាយច្រើនជាងទឹកដោះគោជិត៥ដង។ នៅពេលក្រោកពីគេងទទួលទាន១កែវ ជួយបង្កើនថាមពលដល់សរីរាង្គខាងក្នុងដំណើរការបានល្អ។ ទឹកឃ្មុំជួយដល់រាងកាយក្នុងការកម្ចាត់ចោលនូវកាកសំណល់ ជួយឱ្យអារម្មណ៍ស្រស់ស្រាយ សម្អាតក្រពះ ថែមទាំងជួយឱ្យរាងកាយបង្កើតកោសិកាឈាមថ្មីៗ ប្រឆាំងបាក់តេរី និងជម្រុញការបង្កើតឡើងវិញនូវខូឡាជែន ធ្វើឱ្យអ្នកគេងបានលក់ស្រួល។ អត្ថបទដោយ៖ ជុំ សុដាឡែន