សម្រាប់ថ្ងៃទី ២៥ ខែមករា ឆ្នាំ២០២៥នេះ តាមក្រសួងបរិស្ថានមានកិត្តិយសសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជាបានបញ្ជាក់ថា មានកំហាប់ភាគល្អិតនិចលគិតជាមធ្យមស្មើនឹង ៦៥.៧២µg/m3 ធៀបនឹងស្តង់ដា ៥០ ug/m3។ 

ដោយឡែក ខេត្តចំនួន៤ រួមមានខេត្តបន្ទាយមានជ័យ ពោធិ៍សាត់ សៀមរាម និងកោះកុង បន្តស្ថិតក្នុងបន្ទាត់ក្រហមនៅឡើយ។ ចំណែក ខេត្តកំពង់ចាម តាកែវ ព្រៃវែង និងឧត្តរមានជ័យ ស្ថិតក្នុងបន្ទាត់ពណ៌ទឹកក្រូច។

សម្រាប់នៅទីក្រុងភ្នំពេញវិញ តាមឯកឧត្ដម ខ្វៃ អាទិត្យា អ្នកនាំពាក្យក្រសួងបរិស្ថាន បានឲ្យដឹងថា គិតត្រឹមម៉ោង៤រសៀលថ្ងៃទី២៤ ខែមករានេះ គុណភាពខ្យល់នៅរាជធានីភ្នំពេញបានវិវត្តមករកភាពធម្មតាវិញ ពោលគឺចុះក្រោមបន្ទាត់ក្រហម៕