ពាក្យសម្ដី៤នេះ ឪពុកម្ដាយគួរនិយាយ ទៅកាន់កូន ពេលពួកគេធ្វើខុស ជាជាងស្ដីបន្ទោស
ជាការពិតណាស់ ធម្មជាតិរបស់ក្មេងគឺតែងតែរពឹសនៅមិនស្ងៀម ជាហេតុធ្វើឱ្យពួកគេងាយបង្កើតកំហុស មានកំហុសខ្លះតូច ចំណែកខ្លះទៀត ក៏គ្រោះថ្នាក់ដល់ពួកគេ ។ ក៏ប៉ុន្ដែកំហុសអាចធ្វើឱ្យកុមារឆ្លាតជាងមុនធ្វើឱ្យពួកគេអាចរៀនសូត្រពីពិភពលោកបានបានច្រើនជាងមុន។ ទោះជាយ៉ាងនេះក្ដី ឪពុកម្ដាយគឺជាកត្តាសំខាន់ ជម្រុញឱ្យកូនៗរបស់ខ្លួនអាចរៀនសូត្រពីកំហុសរបស់គេ និងបង្រៀនឱ្យគេចេះកែប្រែបានល្អប្រសើរជាងមុន តែបើឪពុកម្ដាយមិនដឹង អាចនឹងធ្វើឱ្យកូនកាន់តែងាយបង្កើតកំហុសដដែលៗ មិនកែប្រែ។
ជាមួយគ្នានេះដែរ យើងនឹងលើកយក ភាសា៤យ៉ាងឪពុកម្ដាយគួរនិយាយទៅកាន់កូនៗរបស់ខ្លួនពេលពួកគេធ្វើកំហុសឡើងមកទាំងចេតនា និងអចេតនាក៏ដោយ ភាសាសម្ដីទាំងនេះអាចនឹងធ្វើឱ្យកូនអ្នកឆាប់ស្ដាប់បាន ឆាប់កែប្រែកំហុសរបស់គេនិងអាចក្លាយជាក្មេងល្អជាងមុន។
ភាសាទាំង៥នោះមានដូចខាងក្រោមនេះបើយោងតាមរយៈប្រភព themommyscorner.com ៖
១. ការធ្វើខុសគឺជារឿងធម្មតា៖ នៅពេលកូនអ្នកធ្វើខុស គួរកុំប្រើអារម្មណ៍ប្រតិកម្មខឹងសម្បារយ៉ាងខ្លាំងបញ្ចេញទៅកូន ឬក៏ប្រើប្រាស់អំពើហឹង្សាជាដើម។ ព្រោះការធ្វើបែបនេះ មិនបានជួយឱ្យកូនអ្នកល្អប្រើសរយ៉ាងណាមួយទេ តែបង្កជាផលប៉ះពាល់វិញ ធ្វើឱ្យកូនអ្នកខ្លាចក្នុងការធ្វើខុស ខ្លាចនឹងការចាប់ផ្ដើមធ្វើរឿងអ្វីថ្មី ជាហេតុធ្វើឱ្យគេមិនរីកចម្រើន។ ប្ដូរពីការខឹងសម្បារ ឬក៏ប្រើអំពើហឹង្សាមកនិយាយប្រាប់កូនវិញថា ការបង្កើតកំហុសគឺជារឿងធម្មតា តែកូនត្រូវចងចាំថា ការធ្វើបែបនេះ គឺមិនល្អ ។
២. បង្រៀនកូនឱ្យចេះកែប្រែកំហុស៖ នៅពេលកូនរបស់អ្នកបង្កើតកំហុស ក្រៅពីការសួរ ហេតុអ្វីបង្កកំហុសនេះឡើងមក ហេតុអ្វីបែបនេះ។ គួរប្ដូរមកបង្រៀនកូនអ្នកពីរបៀបកែប្រែកំហុសរបស់ពួកគេ ជម្រុញឱ្យពួកគេព្យាយាមម្ដងទៀត។ ឧទាហរណ៍ពេលគេធ្វើខុស បង្រៀនឱ្យនេះសុំទោស ជាដើម។
វាកើតឡើងភាគច្រើន យើងបន្តសួរកុមារថាតើវាកើតឡើងដោយរបៀបណា តើអ្នកអាចធ្វើកំហុសនេះដោយរបៀបណា ហើយការរស់នៅលើកំហុសនេះនឹងធ្វើឱ្យអ្នក និងកូនរបស់អ្នកអស់កម្លាំង។ ដូច្នេះជាជាងផ្តោតលើកំហុស ចូរផ្តោតលើដំណោះស្រាយដើម្បីកែកំហុស។ បង្រៀនកូនរបស់អ្នកនូវវិធីកែកំហុសរបស់ពួកគេ និងជំរុញពួកគេឱ្យព្យាយាមម្តងហើយម្តងទៀត។
៣.ប្រៀបធៀបកូនខ្លួនឯង៖ ចំណុចនេះឪពុកម្ដាយជាច្រើន តែងមានកំហុសនេះ គឺចូលចិត្តប្រៀបធៀបកូនខ្លួនឯងនិងកូនអ្នកដទៃពេលកូនធ្វើខុសម្ដងៗ។ ព្រោះកុមារគឺមានភាពខុសប្លែកពីគ្នា ការលូតលាស់របស់ពួកគេក៏ខុសគ្នាដែរមិនដូចគ្នានោះទេ។ តែបើឪពុកម្ដាយរំពឹងកូនខ្លួនឯង ឱ្យដូចកូនគេខុសធ្ងន់ណាស់ ដែលយកមកប្រៀបធៀបគ្នាបែបនេះ។ ផ
៤.បង្រៀនឱ្យកូនចេះទទួលស្គាល់កំហុសរបស់ខ្លួន៖ ជាការពិតណាស់ មនុស្សគ្រប់គ្នាតែងតែបង្កើតកំហុស កំហុសគឺជាផ្នែកមួយដែលកើតមានឡើងក្នុងជីវិតរបស់មនុស្សគ្រប់គ្នា។ ដូច្នេះអ្នកគួរបង្រៀនកូនរបស់អ្នកឱ្យចេះទទួលស្គាល់កំហុសរបស់គេ និងចេះកែប្រែនៅថ្ងៃក្រោយ។ ការធ្វើទង្វើរបែបនេះគឺល្ងជាងការប្រើពាក្យសម្ដីមិនល្អដាក់កូន ឬក៏ប្រើអំពើហឹង្សាជាដើម ការធ្វើបែបនេះអាចធ្វើឱ្យកូនអ្នកបាក់ស្បាត់ខ្លាចលែងហ៊ានធ្វើអ្វីព្រោះគេខ្លាចមានកំហុស។
ជាចុងក្រោយ សង្ឃឹមថាអត្ថបទនេះគឺជាចំណែកតូចមួយជួយឱ្យឪពុកម្ដាយ អាចដឹងពីវិធីសាស្រ្តនិយាយលើកទឹកចិត្តទៅកាន់កូន ពេលពួកគេធ្វើខុស ទាំងចេតនា និងអចេតនាក៏ដោយ។ បើប្រើតែសម្ដីមិនល្អដាក់គេ ឬក៏ប្រើអំពើហឹង្សាអាចធ្វើឱ្យកូនងាយបាក់ស្បាត់ ខ្លាច លែងហ៊ានធ្វើអ្វីហើយព្រោះគេខ្លាចខុស ឬក៏ពួកគេអាចធ្វើខុសដែលមិនកែប្រែជាដើម៕