ជប៉ុន៖ មិនមែនជារូបមន្តអាថ៌កំបាំង ហើយក៏មិនមែនជារឿងសម្ងាត់ដែលប្រទេសដទៃធ្វើមិនកើតនោះដែរ ប៉ុន្តែនេះដោយសារដែលជនជាតិជប៉ុនមានចិត្តចេះគោរពស្រលាញ់ និងចេះយោគយល់អធ្យាស្រ័យគ្នាទៅវិញទៅមក។ ភាពជាឪពុកម្ដាយមានពេលខ្លះរីករាយ ហើយក៏មានពេលខ្លះធុញទ្រាន់ស្មុគស្មាញផងដែរ ប៉ុន្តែទំនួលខុសត្រូវដ៏ធំបំផុតរបស់ឪពុកម្ដាយគឺត្រូវចិញ្ចឹមកូនឱ្យធំឡើងមានសុខភាពល្អ មានភាពរីករាយ មានភាពស្មោះត្រង់ និងឆ្លាតវៃ។

ជាក់ស្ដែងទម្លាប់ល្អមួយរបស់កុមារជនជាតិជប៉ុន ទោះបីមានអាយុតិចក៏ដោយក៏ឪពុកម្ដាយមានទម្លាប់ឱ្យពួកគេមានទំនួលខុសត្រូវលើខ្លួនឯង ហើយមួយវិញទៀត កម្រឃើញកុមារជនជាតិជប៉ុនសម្រក់ទឹកភ្នែកនោះទេនៅទីសាធារណៈ។ ដូច្នេះខាងក្រោមនេះជារូបមន្តទាំង៧ ដែលឪពុកម្ដាយជប៉ុនចិញ្ចឹមកូនខុសពីសាសន៍ដទៃរួមមាន៖

អាថ៌កំបាំងទី១   ៖ ប្រព័ន្ធអប់រំរបស់ជប៉ុនបង្រៀនឱ្យក្មេងធ្វើការងារប្រកបដោយស្មើភាពគ្នា

អាថ៌កំបាំងទី២  ៖ ចំណងទំនាក់ទំនងរវាងម្ដាយកូនមានភាពរឹងមាំ

អាថ៌កំបាំងទី៣  ៖ ឪពុកម្ដាយជប៉ុនយកចិត្តទុកដាក់ជាខ្លាំងលើអកប្បកិរិយារបស់កូនៗ

អាថ៌កំបាំងទី៤   ៖ រាល់ពាក្យសរសើររបស់អ្នកដទៃមិនមែនជាការលើកកម្លាំងចិត្តកូនៗរបស់ពួកគេឡើយ

អាថ៌កំបាំងទី៥   ៖ វីធីរៀបចំម្ហូបអាហារប្លែកឱ្យកូនៗញុំាប្រកបដោយក្ដីរីករាយ

អាថ៌កំបាំងទី៦   ៖ ឪពុកម្ដាយជនជាតិជប៉ុនបង្រៀនកូនឱ្យចេះញុំាត្រីជាងសាច់ដទៃ

អាថ៌កំបាំងទី៧  ៖ ឪពុកម្ដាយជនជាតិជប៉ុនបង្រៀនកូនឱ្យរៀនចេះរៀបចំម្ហូបអាហារដោយខ្លួនឯង។

យោងតាមចុះផ្សាយរបស់ទស្សនាវដ្ឋី The Lancet បានអះអាំងថា​ ប្រទេសជប៉ុនបានឈរនៅលំដាប់កំពូលដែលប្រជាជនមានសុខភាពល្អជាងគេលើលោក។ មិនតែប៉ុណ្ណោះទេ ចំណែកឯកុមារក៏ជាប់ចំណាត់ថ្នាក់នៅកំពូលតារាងលើពិភពលោកផ្នែកសុខភាពល្អជាងគេផងដែរ។ ដូច្នេះសង្ឃឹមថាអត្ថបទមួយនេះអាចស្រាយចម្ងល់អ្នកទាំងអស់គ្នា និងជាជំនួយសម្រាប់ឪពុកម្ដាយ ជាពិសេសឪពុកម្ដាយថ្មីថ្មោង ក្នុងការចិញ្ចឹមបីបាច់កូនប្រកបដោយសេចក្ដីស្រលាញ់ ការគោរពឱ្យតម្លៃ និងភាពជាគំរូដល់កូនៗ៕