ជឿថាបងប្អូនស្រ្តីភាគច្រើនធ្លាប់តែលឺជំងឺគីសស្បូន ស្រុតស្បូន លាន់ស្បូន ដោយឡែកជំងឺស្វិតស្បូនអាចជាជំងឺថ្មីមួយសម្រាប់មនុស្សស្រីដែលត្រូវតែយល់ដឹងនឹងប្រុងប្រយ័ត្នការពារកុំឱ្យកើតឱ្យសោះ។ 

ជាការពិតណាស់ ជំងឺស្វិតស្បូន កើតឡើងដោយសារតែ មានការថយចុះនៃអរម៉ូនខុសប្រក្រតី ស្បូនខ្សោយពីកំណើត ជាពិសេសអាចប្រឈមខ្ពស់ចំពោះមនុស្សស្រីដែលមានបញ្ហារាំងរដូវជាច្រើនខែ មិនប្រញាប់ព្យាបាល យូរៗទៅក៏ធ្វើឱ្យស្បូនបាត់បង់មុខងារ បណ្តាលឱ្យមានការស្វិតនៅតួស្បូន ស្វិតកន្សោមពងញី ជាហេតុនាំឱ្យស្រ្តីមិនអាចមានកូនអស់១ជីវិត។

បន្ថែមពីលើនេះទៀត បើតាមការសិក្សាគេថាបានរកឃើញផងដែរថា របបអាហារក៏ជាតួឯកមួយដែលអាចធ្វើឱ្យស្បូនរបស់មនុស្សស្រី ប្រឈមហានិភ័យទៅជាស្វិតបានដែរប្រសិនបើញ៉ាំមិនបានត្រឹមត្រូវ ជាពិសេសនោះគឺអាហារ៣ក្រុមខាងក្រោម៖

ដែលអាហារទី១នោះគឺ ពពួកអាហារមានផ្ទុកជាតិខ្លាញ់ឆ្អែត ​ជាតិខ្លាញ់មិនល្អ ដូចជាដំឡូងបារាំងបំពង នំដូណាត់ នំឃុកឃី សូកូឡា សាច់បំពងមានម្សៅផ្សេងៗ...ដែលបំពងដោយប្រេងឆាឆ្លងកាត់ការកែច្នៃ នៅពេលដែលស្រ្តីញ៉ាំកាន់តែច្រើន គឺធ្វើឱ្យ កម្រិត prostaglandin(ប្រូស្តេហ្រ្លេនឌីន) មានការកើនឡើង ជាហេតុបង្កជាការរលាក បណ្តាលឱ្យអរម៉ូនស្រ្តីមានការប្រែប្រួលខ្លាំង អាចបង្កទៅជាបញ្ហារាំងរដូវ ប្រឈមហានិភ័យនៃការស្វិតស្បូន។

ក្រុមអាហារទី២គឺ ពពួកសាច់ក្រហម ដែលមានដូចជាសាច់គោ សាច់ជ្រូក សាច់ចៀម...ពិតណាស់សាច់ទាំងអស់នេះគឺវាមានផ្ទុកជាតិខ្លាញ់ឆ្អែត និងមានផ្ទុក Gluten គឺល្អចំពោះសុខភាពប្រសិនបើញ៉ាំក្នុងបរិមាណត្រឹមត្រូវ។ ប៉ុន្តែបើញ៉ាំលើសកម្រិត លក្ខណៈថាញ៉ាំរាល់ថ្ងៃ ថ្ងៃណាក៏ញ៉ាំសាច់ថ្ងៃណាក៏ញ៉ាំសាច់ ញ៉ាំលើសកម្រិតដែលរាងកាយត្រូវការ។ នោះអាចធ្វើឱ្យកំហាប់អរម៉ូន oestradiol(អូស្ត្រាឌីយ៉ូល) និង oestrone sulphate(អ៊ីស្ត្រូនស៊ុលហ្វាត) ក្នុងឈាមកើនឡើងខ្ពស់ ធ្វើឱ្យមានការប្រមូលផ្តុំអរម៉ូន steroid ដែលធ្វើឱ្យកើនឡើងហានិភ័យនៃការកើតជំងឺមហារីកស្បូនចំពោះស្រ្តី ហើយអាចប្រឈមហានិភ័យនៃជំងឺស្វិតស្បូន។

ក្រុមអាហារគ្រោះថ្នាក់ទី៣នោះគឺគ្រឿងស្រវឹង៖ ជាតិអាល់កុលនៅក្នុងគ្រឿងស្រវឹងឬស្រាមានផ្ទុកសារធាតុ phytoestrogens(ហ្វាយថូលេសត្រូចេន) ដែលបង្កើនកម្រិតអរម៉ូនអ៊ឹស្ត្រូសែន ធ្វើឱ្យមានភាពមិន ប្រក្រតីនៃដំណើរការរបស់ស្បូន បង្កើនហានិភ័យនៃជំងឺ endometriosis រាំងរដូវ ស្វិតស្បូនប្រសិនជា។

សរុបមកវិញអាហារទាំង៣ក្រុមខាងលើមិនមែនបងប្អូនញ៉ាំភ្លាមអាចបង្កទៅជាជំងឺស្វិតស្បូនភ្លាមនោះ គ្រាន់តែជាករណីអាចប្រឈម ប្រសិនជាបងប្អូនបន្តទម្លាប់ញ៉ាំអាហារទាំងអស់នេះច្រើនលើសកម្រិត ហើយញឹកញាប់ខ្លាំង។

សង្ឃឹមថាបងប្អូនស្រ្តីនឹងទទួលបានចំណេះដឹងថ្មីបន្លែមពីវីដេអូមួយនេះ ហើយបានងាកទៅគិតគូរមើលថែសុខភាពស្បូនឱ្យបានកាន់តែខ្លាំងជាងមុន ពីព្រោះថាសរីរាង្គស្បូនប្រៀបដូចជាសរីរាង្គតួឯកមួយរបស់ស្រីដែលត្រូវការពារកុំឱ្យឈឺឱ្យសោះ។