អ្នកមានសម្រស់ចាស់ជាងវ័យមានកត្តាជាច្រើនដូចជាខ្វះការលំហាត់ប្រាណ គេងអត់គ្រប់គ្រាន់ ប៉ះពន្លឺថ្ងៃយូរ និងហូបអាហារប្រៃផ្អែមពេកក៏មានបញ្ហាដែរ។ មានទម្លាប់១ មានសមត្ថភាពបំផ្លាញកោសិកាស្បែករបស់អ្នកនោះគឺញ៉ាំរសជាតិផ្អែមៗ ឬស្ករកែច្នៃលើសកម្រិត។ ព្រោះជាតិស្ករអាចបំផ្លាញស្បែករបស់អ្នកតាមដំណើរការធម្មជាតិមួយដែលមានឈ្មោះថា glycation ។ ​ជាតិ​ស្ករ​​កែច្នៃនេះជា​​​សត្រូវ​លេខ​១ ​​ដែលធ្វើ​ឲ្យ​រាង​កាយរបស់អ្នក​ឆាប់​ចាស់លឿនបំផុត។

តាមលោក Wendy Bazilian ជាអ្នកនិពន្ធ Eat Clean Stay Lean បានប្រាប់ដែរថា អ្នកឧស្សហ៍ឬទម្លាប់ញ៉ាំអាហារមានជាតិស្ករនាំឱ្យបំផ្លាញសារធាតុ Elastin និង Collagen របស់ស្បែកឡើងឆាប់ជ្រួញ និងយារធ្លាក់ធ្វើឲ្យរូបរាងយើងចាស់រហូតដល់១០ឬ២០ឆ្នាំមុនអាយុ”។ សូម្បីតែអ្នកឧកញ៉ាវេជ្ជបណ្ឌិត គួច ម៉េងលី បញ្ជាក់បន្ថែមដែរថា “ការញ៉ាំអាហារសម្បូរជាតិស្ករ ទឹកក្រឡុក ទឹកសេរ៉ូ និងគ្រឿងកំប៉ុងផ្សេងៗ សុទ្ធតែមានជាតិស្ករមិនតិចមួយស្លាបព្រាទេ នេះជាកត្តាធ្វើឱ្យបងប្អូនងាយកើតជំងឺទឹកនោមផ្អែម កើតរោគធាត់ កើតរោគបេះដូង ហើយកើតរោគស្ត្រេសលើសដើម”។

តាមការសិក្សាថ្មីៗ ជាច្រើនបានបញ្ជាក់ដែរថា ការមានទម្លាប់ញ៉ាំជាតិស្ករអាចពន្លឿនភាពចាស់និងបង្កឱ្យស្បែកអ្នកមានស្នាមខ្មៅក្រោមភ្នែក បាត់បង់ជាតិទឹក និងស្នាមជ្រួញ។ បើអ្នកចង់ប្រឆាំងនឹងភាពចាស់ អ្នកត្រូវកំណត់ការញ៉ាំជាតិស្ករ និងចៀសវាងអាហារនិងភេសជ្ជៈដែលមានរសជាតិផ្អែមៗ ហើយងាកមកញាំទឹកធម្មតាឱ្យបានគ្រប់គ្រាន់វិញ។

បើយោងតាមប្រភព Healthline បានបង្ហាញឱ្យដឹងថា អ្នកធាត់លើសគីឡូភាគច្រើនបណ្ដាលមកពីការញ៉ាំអាហារមានជាតិស្ករច្រើនមានដូចជាភេសជ្ជៈ គ្រឿងកំប៉ុង សូដា ស្រា និងទឹកផ្លែឈើផ្អែមដែលមានជាតិស្ករ។ បន្ថែមពីនេះ ការញ៉ាំអាហារមានជាតិស្ករច្រើនធ្វើឱ្យ Leptin ជាអរម៉ូនគ្រប់គ្រងអាហារមានការថយចុះធ្វើឱ្យអ្នកចេះតែចង់ញ៉ាំដែលបណ្ដាលឱ្យជាតិស្ករកាន់តែច្រើនធ្វើឱ្យអ្នកកាន់តែធាត់។ អ្នកធាត់មើលទៅឆាប់ចាស់ណាស់។ ការសិក្សាបានបង្ហាញថា អាហារដែលមានកម្រិតជាតិស្ករក្នុងឈាមធ្វើឱ្យរលាកស្បែកមុខ​និងបង្ករជាបញ្ហាមុនមួយកម្រិតទៀត។

អ្នកគួរញ៉ាំអាហារណាមានជាតិ​ស្ករដែលល្អសម្រាប់សរីរាង្គកាយរបស់យើង​ស្រូបយក និង​រំលាយ​បាន​យ៉ាង​ល្អឥតខ្ចោះគឺជាប្រភេទស្ករដែលទទួលបានពីរបបអាហារធម្មជាតិដូចជា ប្រេងអូលីវ ញ៉ាំត្រីឱ្យច្រើន ផ្លែក្រូច ផ្លែប័រ និងផ្លែប៉ោម និងគ្រាប់ធញ្ញជាតិ ផ្លែចេក និងការរ៉ុត ស្ពៃ ត្រសក់ ខ្ទឹមបារាំង...ជាដើម​។ ការញ៉ាំបែបនេះក្នុងមួយថ្ងៃជួយកាត់បន្ថយកម្រិតកូលេស្តេរ៉ុល និងជួយឱ្យជួសជុលកោសិកាស្បែកចាស់ៗ ឱ្យល្អឡើងវិញ(ស្បែកស្រស់ថ្លា)។ ព្រោះវាមានសារធាតុផ្តល់ឱ្យនៅជាតិវីតាមីន C ប្រូតេអ៊ីន ប៉ូតាស្យូម និងសារធាតុប្រឆាំងអុកស៊ីតកម្មហើយវាសម្បូរទៅដោយអាស៊ីតហ្វូលិកដើម្បីលើកកម្ពស់សម្រស់ឱ្យក្មេងជាងវ័យផងដែរ៕ អត្ថបទដោយ៖ ទ្រ សុភាព

លោកអ្នកអាចទិញសៀវភៅ លំហូរចិត្ត តាមនេះ https://t.me/hangchhengH24