អាហារពេលព្រឹកសំខាន់ណាស់ចំពោះសុខភាព។ បើអ្នកចង់ឱ្យស្បែកអ្នកក្មេងជាង ហើយស្រកគីឡូថែមទៀតនោះ អ្នកត្រូវការអាហារមានសុខភាព។ មានដូចជាបន្លែ ត្រីសាច់ និងផ្លែឈើល្អៗ ដើម្បីសុខភាពរាងកាយមាំ និងសុខភាពផ្លូវចិត្តផងដែរ។ នៅខាងក្រោមនេះ ជាអាហារ ៤ឱ្យអ្នកក្មេងជាងវ័យ និងកាត់ខ្លាញ់ឱ្យស្រកគីឡូ៖
១. ផ្កាខាត់ណាពណ៌ខៀវ៖ តាមរយៈគេហទំព័រ eatthis.com បានចំផ្សាយថា ផ្កាខាត់ណាពណ៌ខៀវ ជួយបន្សាបជាតិពុល និងបង្អាក់ការលូតលាស់នៃកោសិកាមហារីកបានទៀតផង។ ក្រៅពីនេះវាក៏មានផ្ទុកសារធាតុ phytochemical sulforaphane ដែលអាចជួយការពារនៃការកើតឡើងជម្ងឺបេះដូង សរសៃឈាម និងការពារស្បែកកុំឱ្យឆាប់ចាស់ជាងវ័យផងដែរ។ ព្រោះវាមានសាធាតុច្រើនចិញ្ចឹមស្បែករបស់អ្នកឱ្យក្មេងជាងវ័យយ៉ាងល្អបំផុត។
២.ចេកស្ងោរ ឬក៏ចេកទុំ៖ ជាការពិតណាស់ ចេកក៏ល្អសម្រាប់ហូបពេលព្រឹកដូចគ្នា អាចជាប្រភេទចេកស្ងោរក៏បាន ចេកទុំក៏បានមានអត្ថប្រយោជន៍ច្រើនដូចគ្នា ជួយឱ្យបងប្អូនញុំាឆ្អែតបានយូរ ល្អសម្រាប់សុខភាព មិនសូវឡើងគីឡូនោះទេ ដូច្នេះកុំភ្លេចញុំា។
៣. ទឹក៖ អ្នកមិនគួររំលងឡើយការទទួលទានទឹកនៅពេលព្រឹក។ អ្នកជំនាញចំណីអាហារនិងអាហាររូបត្ថម្ភ អ្នកស្រី Courtney D'Angelo, MS, RD បានឱ្យដឹងថា ការផឹកទឹក១កែវពេលព្រឹក ក្រោកពីគេង ជួយឱ្យមានជាតិទឹកក្នុងខ្លួន មានថាមពល រាងកាយដំណើរការបានល្អ ហើយសូម្បីស្បែករបស់អ្នកក៏មានសំណើម ឬស្រស់ស្អាតជាងវ័យដែរ។ ទឹកក៏អាចជួយកាត់ជាតិស្ករ និងកាឡូរី កាត់បន្ថយចំណង់នៃការញ៉ាំច្រើន និងជួយសម្រួលការរំលាយអាហារបានផងដែរ។ ហេតុនេះទឹកជាអាហារទី១ដែលល្អបំផុត មិនគួររំលងឡើងពេលក្រោកពីគេង។
៤.ផ្លែ Berries ៖ ការសិក្សាឆ្នាំ ២០១៣បានរកឃើញថា មនុស្សដែលញ៉ាំផ្លែ Berries ច្រើនដងក្នុងមួយសប្ដាហ៍អាចបន្ថយបាន៣០% នៃហានិភ័យដែលនាំឲ្យមនុស្សស្លាប់ ។ អ្នកសិក្សាស្រាវជ្រាវជឿថា ផ្លែBerries ដែលមានផ្ទុកសារធាតុ Polyphenols អាចជួយកាត់បន្ថយហានិភ័យនៃការកើតឡើងរបស់ជម្ងឺរ៉ាំរ៉ៃជាច្រើនប្រភេទបាន ។ ខណៈពេលការសិក្សាផ្សេងទៀតក៏បានរកឃើញថា ផ្លែ Blueberries គឺជាផ្លែឈើដែលមានផ្ទុកសារធាតុប្រឆាំងអ៊ុកស៊ីតកម្មល្អបំផុតដែលអាចកាត់បន្ថយជាតិខ្លាញ់អាក្រក់(LDL) ឱ្យអ្នកស្រកគីឡូ ឱ្យស្បែកអ្នកក្មេងជាងវ័យផងដែរ៕ អត្ថបទដោយ៖ ទ្រ សុភាព