Jerry Yan ដែលបងប្អូនខ្មែរយើងស្គាល់ថា តៅ មិញសឺ ជាតារាចម្រៀង និងតារាសម្តែងប្រុសជនជាតិតៅវ៉ាន់ ទោះបីវ័យ៤៧ឆ្នាំ គៀកចូល ៥០ឆ្នាំហើយ ក៏យើងសង្កេតឃើញថា លោកនៅតែមានប្រជាប្រិយភាពខ្លាំងដដែល ជាពិសេសរូបសម្រស់នៅតែស្រស់សង្ហា ដូចទើបខ្ទង់៣០ឆ្នាំចឹង។ 

១ ហាត់ប្រាណជាប្រចាំ មើលតែសាច់ដុំរបស់គាត់ទៅដឹងហើយ មិនមែនហាត់លំៗទេ គាត់ជាមនុស្សម្នាក់ដែលចូលចិត្តហាត់ប្រាណ និងលេងកីឡាជាប្រចាំតែម្ដង។ ការហាត់ប្រាណគឺមានប្រយោជន៍ច្រើនណាស់ បងប្អូនចាំសង្កេតមើលទៅអ្នកដែលហាត់ប្រាណទៀងទាត់មិនងាយចាស់ទេ។ បូកបញ្ជូលគ្នាផងដែរកាលណាហាត់ប្រាណហើយ របបអាហារក៏សំខាន់ដែរ គាត់ក៏មានទម្លាប់ទទួលទានតែអាហារណាដែលល្អសម្រាប់សុខភាព ហើយគឺមិនទទួលទានអាហារដែលដាក់ប៊ីចេង និងអាហារហិរទេ។

២ នៅក្បែរមនុស្សវិជ្ជមាន និងឱ្យតម្លៃយើងឱ្យបានច្រើន គាត់ធ្លាប់បាននិយាយនៅក្នុងកម្មវិធីសម្ភាសមួយថា យើងនឹងមានអារម្មណ៍ថា រីករាយ មានសុភមង្គល ពេលដែលយើងស្ថិតនៅក្នុងរង្វង់មនុស្សល្អៗ និងមនុស្សពិសេសក្នុងជីវិតរបស់យើង មនុស្សកាលណាយើងមានអារម្មណ៍រីករាយច្រើន ចឹងវាក៏កាត់បន្ថយការចាស់ជាងវ័យទៅតាមហ្នឹងដែរ។

៣ គាត់ជាមនុស្សម្នាក់ចូលចិត្តសមាធិ គាត់ធ្លាប់បានលើកឡើងថា គាត់ចូលចិត្តទៅសមាធិនៅផ្ទះមិត្តរបស់គាត់នៅក្បែរជើងភ្នំ ការសមាធិ វាប្រៀបដូចជាការព្យាបាលផ្លូវចិត្ត និងរាងកាយរបស់ខ្លួនឯងពីខាងក្នុងចឹងដែរ។

៤ ចេញឆ្ងាយឬកាត់បន្ថយកត្តាដែលធ្វើឱ្យយើងចាស់ជាងវ័យលឿន ហើយបំផ្លាញរាងកាយដូចជាចៀសឆ្ងាយពីការប្រល Wide បារី និងគ្រឿងស្រវឹង របស់គាត់នេះកាលណាយើងប្រឡូកច្រើន វាងាយនឹងធ្វើឱ្យសម្រស់របស់យើងចាស់លឿនណាស់។

៥ ដើម្បីកុំឱ្យខ្លួនឯងស្ត្រេស និងមានសម្ពាធច្រើន ជាទូទៅគាត់មិនចំណាយពេលច្រើនជាមួយទូរស៍ព្ទទេ ចំណុចនេះអាចថា ជាមូលហេតុមួយយើងក៏កម្រឃើញគាត់ផុសរូប ឬវីដេអូនៅលើបណ្ដាញសង្គមផ្ទាល់ខ្លួនណាស់។​

អត្ថបទដោយ៖ សេងហុង-Senghong