គាត់មានឈ្មោះថា Sineenart Hatrakul ឈ្មោះហៅក្រៅដែលគេស្គាល់គាត់ច្រើន គឺ អ្នកគ្រូ KruAo.Olive ជាជនជាតិថៃ ដូចដែលគាត់បានប្រាប់ចឹង ឆ្នាំនេះគាត់មានអាយុ៧០ឆ្នាំហើយ គាត់បាននិយាយថាខ្វះតែបន្តិចទៀតទេគ្រប់១០០ហើយ ទោះជា១០០ឆ្នាំ ក៏គាត់បាននិយាយថានឹងរក្សារូបរាងនៅក្មេងរឹងមាំដូចបច្ចុប្បន្ននេះអ៊ីចឹង ហើយគោលដៅរបស់គាត់គឺគាត់ចង់រស់នៅឱ្យបាន១៥០ឆ្នាំ។
ទោះលោកយាយមានវ័យ ៧០ឆ្នាំមែន តែស្បែកមុននៅតែរលោងតឹងស្អាត ស្បែកដៃជើងក៏មិនយារធ្លាក់ រាងក៏នៅតែស្លីម មើលសម្រស់របស់គាត់ដូចមនុស្សវ័យប្រហែលជាង៤០ឆ្នាំប៉ុណ្ណោះ។ ពីមុនមកគាត់ក៏ធ្លាប់ធាត់ ចាស់ដូចគេឯងចឹង ហើយឈឺទៀត តែគាត់បានផ្លាស់ប្តូរការរស់នៅរបស់ខ្លួនឯងក្នុងរយៈពេល២០ឆ្នាំចុងក្រោយនេះ ហើយរូបរាងដែលឃើញក្មេងរាល់ថ្ងៃនេះ ជាលទ្ធផលនៃប្តូរទម្លាប់រស់នៅរបស់គាត់នឹងឯង។
អាថ៌កំបាំងនៅពីសម្រស់តាន់ ហ៊ានដាក់គោលដៅរស់នៅឱ្យបាន១៥០ឆ្នាំ របស់អ្នកគ្រូអ៊ន់៖
ទី១ ៖ ញ៉ាំតែអាហារណាដែលរាងកាយត្រូវការបានហើយ កុំញ៉ាំរបស់ដែលបំផ្លាញរាងកាយអី។ របបអាហារជួយដល់រាងកាយ៨០% រាងធាត់រាងស្គម ខាងក្នុងមានខ្លាញ់ច្រើនខ្លាញ់តិច ឈឺច្រើនឬគ្មានជំងឺ ចាស់លឿន ឬក្មេងបានយូរ គឺអាស្រ័យលើអាហារដែលយើងញ៉ាំរាល់ថ្ងៃ។ អ្នកគ្រូថាដូចដឹងហើយ កុំផ្អែមពេក កុំប្រៃពេក កុំខ្លាញ់ច្រើនពេក កុំញ៉ាំជាតិម្សៅច្រើនពេក ញ៉ាំអាហារណាដែលផ្ដល់វីតាមីន ប្រូតេអ៊ីនឱ្យរាងកាយបានគ្រប់គ្រាន់បានហើយ មិនបាច់ដាក់សម្ពាធឱ្យខ្លួនឯងទេ ធ្វើវាឱ្យទៅជាទម្លាប់។
ទី២ ៖ ហាត់ប្រាណ អ្នកគ្រូនិយាយថាហាត់ប្រាណគឺត្រូវតែប្រើពាក្យថាជាប់លាប់ ជាប្រចាំតែម្ដងបើចង់ឱ្យរាងកាតរឹងមាំ អ្នកគ្រូថាញ៉ាំអាហារដើម្បីបញ្ជូលសារធាតុល្អចូលខ្លួន ហើយហាត់ប្រាណដើម្បីឱ្យរាងកាយ ភាពសាំរឹងមាំ រក្សាសាច់ដុំឱ្យល្អ កុំឱ្យស្បែកយើងធារធ្លាក់។ ចឹងហើយត្រូវហាត់ជាប្រចាំ កុំខ្វល់ថានៅក្លិប ឬនៅផ្ទះ កន្លែងណាក៏បានដែរ ចាប់ផ្ដើមម្ដងបន្តិចៗរាល់ថ្ងៃយូរៗទៅធ្លាប់ហើយ។
ទី៣ ៖ ផ្លូវចិត្ត រូបមន្តអាយុវែងរបស់គាត់គឺសុខភាពរាងកាយល្អ សុខភាពផ្លូវចិត្តល្អ សម្រស់ស្អាត ស្មើនឹងអាយុវែង។ ដើម្បីឱ្យបានសុខភាពចិត្តល្អ អ្នកគ្រូថាគេងឱ្យគ្រប់ គេងឱ្យទៀងពេល ហើយកុំគិតថាអាចគេងសងបានឱ្យសោះគឺខុសហើយ មិនមែនយប់គេងម៉ោង១២ម៉ោង១ រួចព្រឹកឡើងម៉ោង១០ ១១ បានក្រោកហើយគិតថាខ្លួនឯងគេគ្រប់ម៉ោង ឬថ្ងៃនេះមិនគេង ថ្ងៃស្អែកគេងជំនួស គឺខុសតែម្ដង វាជួសជុលគ្នាមិនបានទេ។ ត្រូវតែគេងលឿន គេងឱ្យគ្រប់ជាប្រចាំ បានភាពសាំល្អ ខួរក្បាល ការគិតក៏ល្អតាមនោះ។
មួយវិញទៀត លោកយាយបានប្រាប់ទៀតថា កុំគិតបារម្ភពីអ្វីដែលមិនទាន់កើតឡើងខ្លាំងពេក ដូចគាត់ចឹងគាត់មិនអាចដឹងថាគាត់និងបាត់បង់ជីវិតពេលណាទេ ពេលណាពេលនោះទៅ គាត់គ្រាន់ដឹងថាគោលដៅរបស់គាត់គឺនឹងរស់នៅឱ្យបាន១៥០ឆ្នាំ នៅតែរក្សាភាពក្មេងស្អាត មិនចាស់ទ្រុតទ្រោម ហើយគាត់ជឿថាគាត់នឹងធ្វើបាន។ ដោយបន្តទៀតថា តែងខ្លួនឱ្យស្អាតៗ នរណាថាចាស់ស្អាតមិនបាន នរណាថាអាយុច្រើនត្រូវតែឈឺត្រូវតែទ្រុតទ្រោម គាត់មិនព្រមទេ គាត់មិនខ្វល់នរណាថាគាត់អាយុច្រើនតែងខ្លួនស្ទាយអីទេ គ្មានលក្ខខណ្ឌថាកំណត់ថាមនុស្សចាស់តែងខ្លួនមិនបានទេ គាត់ដឹងកាលៈទេសៈច្បាស់ សំខាន់គាត់ស្រឡាញ់ ឆ្លុះកញ្ចក់ឃើញខ្លួនឯងស្អាតអារម្មណ៍ល្អ អាយុវែង ។
គាត់ជឿលើឥទ្ធិពលវិជ្ជមាន អ្នកគ្រូអន់ផ្ដាំហើយផ្ដាំទៀតថាមិនហួសពេលដែលត្រូវមើលថែខ្លួនឯងទេ ហើយត្រូវជឿលើគោលដៅខ្លួនឯងយើងមនុស្សអ្វីក៏ធ្វើបានដែរ ហើយកុំខ្វល់ថាប្តូរទម្លាប់មកល្អហើយពេលណាបានផល កុំខ្វល់ឱ្យតែធ្វើឱ្យជាប់លាប់ទៅយើងដឹងតែបានផលមកឯងៗ៕
អត្ថបទដោយ៖ សេងហុង-Senghong