ស្បែកដែលស្អាត ស្បែកដែលក្មេងតឹងណែន ស្បែកដែលមិនងាយចាស់ មិនងាយឡើងមុន ឡើងជាំ ឡើងអុចខ្មៅ ជាស្បែកដែលមានជាតិទឹកឬជាតិសំណើមគ្រប់គ្រាន់។ ហេតុនេះបើចង់បានស្បែកដែលមានសុខភាពល្អមិនងាយមានបញ្ហាផ្សេង ត្រូវសង្កេតមើលផងថាស្បែកជាជាតិសំណើមគ្រប់គ្រាន់ឬអត់ សញ្ញាដែឡស្បែកខ្វះជាតិសំណើមខ្លាំងដែលត្រូវដោះស្រាយភ្លាមៗ៖

ទី១ បន្ទាប់ពីលាងមុខរួចភ្លាមស្បែកមុខចាប់ផ្ដើមស្ងួត តឹងស្បែកមុខខ្លាំង ត្រូវឆាប់បន្ថែមសេរ៉ូមផ្ដល់សំណើមឱ្យស្បែកភ្លាម។

ទី២ ស្បែកមានស្នាមភ្លឺជ្រួញតូចៗ មើលកញ្ចក់ឱ្យជិតសង្កេតមើល ឃើញស្បែកដូ  ចបាត់ភាពរលោងតឹង បែរជាជ្រួញតូចៗ ដូចស្បែកមនុស្សចាស់ទាំងតែអាយុយើងនៅតិចសោះ។

ទី៣ ស្បែកស្ងួតរហូតដល់មានរបកសៗតិចៗ ឬរបកលក្ខណៈផ្ទាំងៗតែម្ដង តំណាក់កាលនេះមិនមែនស្ងួត ខ្វះជាតិទឹកធម្មតាទេ បើដីគេថាស្ងួតប្រេះក្រហែងតែម្ដង អត់អាចបណ្ដោយទុកយូរទេ ប្រយ័ត្នកាន់តែខ្សោយរនាំងការពារស្បែក។

ទី៤ ស្បែកឆាប់ប្រតិកម្ម ពីមុនចង់បានអី ក៏លាបអីក៏ស្អាត លាបចូលធម្មតា ស្រាប់តែប៉ះអីតិចតួចរោល ឆាប់ប្រតិកម្ម ឆាប់ឡើងមុន សុខៗមានស្នាម សុខៗឡើងអុចខ្មៅ បានន័យថាស្បែករបស់យើងកំពុងតែខ្វះជាតិសំណើមខ្លាំងហើយ។

សម្រាប់បងប្អូនដែលមានសញ្ញាបញ្ហាទាំង៤នេះ ត្រូវបន្ថែមសេរ៉ូម ឬគ្រីមផ្ដល់សំណើមណាដែលជ្រាបចូលស្បែកបានលឿន ផ្ដល់ជាតិទឹកឱ្យស្បែកបានល្អ គួរតែប្រើ១ថ្ងៃ២ដង ព្រឹកមុនលាបឡេការពារកម្ដៅថ្ងៃ និងយប់បន្ទាប់ពីលាងសម្អាតមុខរួចភ្លាមៗ។ មួយទៀតប្រសិនបើស្បែកកំពុងស្ថិតក្នុងស្ថានភាពស្ងួតខ្លាំងបែបនេះ កុំអាលទាន់ជម្រុះកោសិកា ឬកុំអាលបន្ថែមវីតាមីនC Retinol ភ្លាមៗអី ផ្ដល់សំណើមឱ្យស្បែកសិន ចាំបន្ថែមតាមក្រោយដើម្បីបំបាត់ស្នាម និងជ្រួញផ្សេងៗ។

អត្ថបទដោយ៖ សេងហុង-Senghong