១. រស់ក្នុងគំនិតសុទិដ្ឋិនិយមជាពន្លឺថ្ងៃជួយអ្នកបង្កើនអាយុវែង៖ មុនអ្នកនឹងមានគំនិតវិជ្ជមាន អ្នកត្រូវចាំថា នៅក្នុងខ្លួនយើងក៏មានគំនិតមួយបែបទៀតដែរ គឺគំនិតអវិជ្ជមាន។ ពេលខ្លះគំនិតនេះយើងមិនអាចគ្រប់គ្រងវាបានទេ យើងគូសអូសទាញគំនិតហ្នឹង មកគិតវិជ្ជមានម្តងបន្តិចៗ បានចិត្តយើងរស់នៅក្នុងក្តីសុខ។ ដូចជាករណីពេលខ្លះ អ្នកអាច​សើចឬនិយាយលេង ​វា​ជា​ឱសថ​ដ៏​ល្អជម្រុញគំនិតអ្នកឱ្យមកគិតវិជ្ជមានលឿនជាងពេលធម្មតា។

២. ការធ្វើការខ្លាំងពេកអាចរុញអ្នកចូលក្នុងផ្នូរ៖ បើបង្ខំខ្លួនឯងធ្វើការទាំងមានអារម្មណ៍តានតឹង អ្នកងាយស្លាប់មុនអាយុណាស់។ ព្រោះអ្វី? អ្នកកាន់តែខំប្រឹង ចិត្តអ្នកកាន់តែបាក់។ តាមគម្រោង Longevity Project បានស្រាវជ្រាវថា មានបុគ្គលិកស្លាប់ចំនួន២០%ទៅ៣០% មកពីសម្ពាធផ្លូវចិត្តខ្លាំងពេក។ តាមការស្រាវជ្រាវនៅក្នុង Psychological Science បាននិយាយថា ការរស់នៅក្នុងគោលបំណងជួយឱ្យផ្លូវចិត្តបន្ថយសម្ពាធផ្លូវចិត្ត។ ព្រោះគេមានគោលដៅដើម្បីរុញសមត្ថភាព ដើម្បីឈ្នះបញ្ហា នេះជាកម្លាំងចិត្តយ៉ាងធំ ដែលអ្នកគួរព្យាយាមរកគោលដៅដាក់ក្នុងខ្លួន។ គោលដៅជាកម្លាំងចិត្ត។

៣.កុំផ្តាច់ទំនាក់ទំនងជាមួយមនុស្ស៖ តាម CNBC សម្ភាសន៍លោក Dan Buettner បាននិយាយថា អ្នកដែលផ្តាច់ទំនាក់ទំនងជាមនុស្សក្នុងសង្គម ឬគ្មានមិត្តភក្ត័ពីរ បីនាក់ទេ អាចជាពឹងពាក់នៅថ្ងៃមួយណា វាធ្វើឱ្យកាត់បន្ថយអាយុរបស់គេប្រហែល ៨ ឆ្នាំ បើធ្វើការធៀបជាមួយមនុស្សមានទំនាក់ទំនងល្អ។” ពេលអ្នកមានបញ្ហាអ្វីមួយ អ្នកអាចខលទៅរកមិត្តភក្ត័ បងប្អូន និងឪពុកម្តាយ និយាយជាមួយគាត់ វាជួយអារម្មណ៍ផ្លូវចិត្តរបស់អ្នកគ្មានអារម្មណ៍ឯកា និងរំលាយស្រ្តេសទុក្ខកង្វល់យ៉ាងមានប្រសិទ្ធភាពបំផុត។

៤. មិនយឺតពេលទេបោះបង់ចោលទម្លាប់អាក្រក់៖ បើអ្នកមានទម្លាប់អាក្រក់ដូចជាការជក់បារី និងផឹកស្រាច្រើននោះទេ។ បើអ្នកមិនគិតពីសុខភាពខ្លួនឯង អ្នកគិតកូនប្រពន្ធខំរកលុយ និងផ្លូវចិត្តគាត់ផង។ ការសិក្សាមួយនៅក្នុង New England Journal of Medicine បានរកឃើញថា អ្នកឈប់ជក់បារីនៅពេលពួកគេមានអាយុចន្លោះពី ៤៥ទៅ ៥៤ឆ្នាំ ពួកគេអាចមានអាយុវែងបន្ថែមលើស ៦ឆ្នាំបើធៀបនឹងអ្នកបន្តជក់បារី។ មនុស្សរស់នៅបានយូរមានសុខភាពផ្លូវចិត្តព្រោះតែពួកគាត់ព្យាយាមបោះបង់ចោលទម្លាប់ជក់បារី និងផឹកស្រានេះឯង៕ អត្ថបទដោយ៖ ទ្រ សុភាព