មានន័យថា អ្នកកំពុងតែរកផ្លូវត្រូវហើយ បើអ្នកជួបបញ្ហារាប់សិបជំពូកបែបនេះ ខ្ញុំមានកំពូលអ្នកចិត្តសាស្រ្តពីរនាក់ បង្ហើបបង្ហាញផ្លូវឱ្យអ្នកដឹកនាំជីវិតមានលទ្ធផលកើន ហើយសប្បាយជាងមុន។ តាមលោក Stephen R. Covey ជាបុគ្គលម្នាក់ដែលប្រជាជនអាមេរិកគោរពឱ្យតម្លៃណាស់លោក ធ្លាប់បានពោលថា ក្នុងជីវិតមនុស្សមិនមែនមានបញ្ហាការងារច្រើននោះទេ កត្តាចម្បងមកពីកង្វះការរៀបចំថា តើកិច្ចការ ១ណាដែលសំខាន់ជាងគេ? ហើយតើរឿងណា ដែលយើងអាចធ្វើ ឬគ្រប់គ្រងបាន ហើយវាហុចផលត្រឡប់មកវិញជាវិជ្ជមានក្នុងជីវិតកម្រិតណា?

ឧ.ថា អ្នកជាមេចុងភៅ ដើម្បីបានម្ហូបមួយតុឱ្យភ្ញៀវ អ្នកមានកិច្ចការច្រើនណាស់។ ប៉ុន្តែអ្នកអាចពុះបំបែកកិច្ចការទាំងអស់ហ្នឹង កត់ដាក់ចូលក្នុងក្រដាសគួរទិញបន្លែបែបណា ទិញសាច់ប្រភេទណា ទិញគ្រឿងបែបណា...? អ្នកឃើញទេ ការរៀបចំការងារតូចៗ ឱ្យអារម្មណ៍អ្នកលែងស្មុគស្មាញ លែងស្រ្តេស និងខូចចិត្តទៀតហើយ បើអ្នកចេះរៀបចំដូចជាមេចុងភៅម្នាក់នេះ ធ្វើការក៏សប្បាយ ពេលធ្វើការរួចហើយសប្បាយឱ្យអស់ដៃតែម្តង។

 ពេលអ្នកសម្រេចកិច្ចការតាមលំហូរក្នុងការរៀបចំរបស់អ្នក ទោះបីរឿងគ្រួសារ មិត្តប្រុសស្រី និងការងារក៏ដោយ វាធ្វើឱ្យចិត្តអ្នកក៏ជម្រះស្រឡះល្អដែរ។ តាមលោក Ryan Holiday ជាអ្នកនិពន្ធលក់រាប់លាន់ក្បាល បានលើកឡើងបន្ថែមថា បើអ្នកមិនអាចគ្រប់គ្រងចាត់ចែងតាមលំហូរការងាររបស់អ្នកបានទេ វានឹងបំផ្លាញរូបអ្នក(អាយុកាន់តែច្រើន ទំនួលខុសត្រូវក៏ច្រើនដែរ)។

ហើយលោក Holiday បានបន្តថា អ្នកបរាជ័យ រួមទាំងការគ្រប់គ្រងអ្នកដទៃ និងក្តីស្រមៃរបស់ខ្លួននោះ មូលហេតុពីមិនអាចគ្រប់គ្រងលើខ្លួនឯង ដើម្បីឈានជើងសម្រេចកិច្ចការតូចៗ ជាប្រចាំថ្ងៃ។ គាត់បានបញ្ជាក់បន្ថែមថា អ្នកដឹកនាំជោគជ័យមិនត្រូវការធ្វើតាមអារម្មណ៍ទេ គឺកើតចេញពីវិន័យយ៉ាងតឹង”។ ពេលអ្នកភ្ញាក់ពីគេង អ្នកមិនអាចទៅធ្វើការក្នុងក្រុមហ៊ុនភ្លាមទេ លំដាប់ការងារគួរធ្វើនោះ រៀបចំកន្លែងគកេងឱ្យបានល្អ ងូតទឹក ដុសធ្មេញ និងស្លៀកពាក់ខោអាវជាដើម។ គ្រាន់តែអ្នកមានវិន័យធ្វើតាមលំដាប់លំដោយចំពោះកិច្ចការសំខាន់នីមួយៗនោះ អ្នកនឹងមានអារម្មណ៍៍រីករាយពេញមួយថ្ងៃមិនខានឡើយ៕ អត្ថបទដោយ៖ ទ្រ សុភាព