១. រៀនសូត្រពីការបរាជ័យ៖ ជីវិតស្រ្តេសមកពីអ្នកធ្វើអ្វីមួយ មានកំហុសឆ្គងហើយមិនព្យាយាមរកផ្លូវដោះស្រាយ និងមិនប្រឈមមុខជាមួយវា។ សម្រាប់លោក Bill Gates បានឆ្លងកាត់កំហុសច្រើនណាស់ ដើម្បីជំនួសឱ្យការអង្គុយកើតទុក្ខ គាត់ត្រូវតែរៀនពីកំហុសទាំងអស់នេះ ធ្វើជាមេរៀនកែប្រែកំហុសឆ្គង កុំឱ្យវាកើតម្តងទៀត។ លោក Bill Gates បាននិយាយថា “យើងគួរតែអបអរភាពជោគជ័យ ប៉ុន្តែពេលបរាជ័យ យើងត្រូវរៀនពីវា ធ្វើជាមេរៀនដ៏មានតម្លៃ ក្នុងការដំណើរទៅមុខទៀត”។

២. មានបេះដូងជួយអ្នកដទៃ៖ គ្រាន់តែធ្វើទានបន្តិច ចិត្តអ្នកក៏លែងស្រ្តេសដែរ។ អ្នកអាចសាកឱ្យរបស់បន្តិចដល់អ្នកក្រ ចិត្តអ្នកនឹងសប្បាយ។ ជីវិតលោក Richard Branson បានក្លាយជាមហាសេដ្ឋីលុយរាប់លានដុល្លារ និងមានកិត្តិនាមល្បី។ គាត់បានជួយដល់ពិភពលោកដោយអំពើល្អ និងជាមនុស្សធម៌ ធ្វើឱ្យជីវិតគាត់ហាក់ដូចជាមានអត្ថន័យខ្លាំងណាស់។ ព្រះពុទ្ធមានសង្ឃដីកាថា ការធ្វើទានដោយចិត្តជ្រះថ្លាគឺជាបុណ្យធំណាស់។

៣. រវល់នឹងការងារ៖ បើអ្នកមានទុក្ខលំបាកដូចជាសង្សាក្បត់ចិត្ត ត្រូវគេរិះគន់ឬជេរ និងប្តីប្រពន្ធឈ្លោះគ្នា... តើអ្នកគួរធ្វើបែបណា? John Cowper Powys ជានិពន្ធសៀវភៅផ្នែកចិត្តសាស្រ្តបានលើកឡើងថា ពេលអ្នកធ្លាក់ក្នុងអន្លង់ទុក្ខ និងការឈឺចាប់ មានរបស់មួយជួយឱ្យរម្ងាប់ប្រព័ន្ធប្រសាទរបស់អ្នកឱ្យស្ងប់ គឺការផ្តោតអារម្មណ៍លើការងារយ៉ាងជក់ចិត្តបំផុតដោយគ្មានពេលទំនេរ”។ ហើយយើងនឹងភ្លេចបញ្ហាទាំងអស់នោះ៕ អត្ថបទដោយ៖ ទ្រ សុភាព