ការឡើងគីឡូភាគច្រើនមកពីអ្នកមានទម្លាប់ហូបអាហារខ្លាញ់ ផឹកភេសជ្ជៈផ្អែមៗ និងប្រៃផងដែរ។ ការហូបអាហារមានរសជាតិបែបនេះ អ្នកងាយកើតជំងឺលើសឈាម ជំងឺបេះដូង និងអារម្មណ៍ស្មុគស្មាញថែមទៀត។ បើអ្នកចង់មានអារម្មណ៍រឹងមាំហើយសម្រកគីឡូបានលឿន អ្នកមកសាកហូបអាហារទាំង ៥នេះ៖
១. ឆាបន្លែគ្រប់មុខ៖ ឆាបន្លែគ្រប់មុខ ជាទូទៅយើងតែងជ្រើសយកនូវប្រភេទបន្លែដូចជា ផ្កាខាត់ណា សឬ ខៀវ ប៉េងបោះ ស្នៀតពោត ខ្ទឹមបារាំង ត្រសក់...ជាដើម។ ដោយបន្លែទាំងអស់នេះ ងាយធ្វើឱ្យអ្នកទទួលទានឆាប់ឆ្អែត មិនពុំមានសារធាតុបង្កឱ្យលើសទម្ងន់ទេ។ តែអ្វីដែលតម្រូវក្នុងមុខម្ហូបមួយនេះ កុំប្រើប្រេសឆាខ្លាំងពេក ហើយជាតិវិញយករសជាតិល្មម មិនប្រៃ ក៏មិនផ្អែម ប្រសិនបើញ៉ាំសាបទៀតរឹតតែប្រសើរ។
២.គ្រាប់ជីជាមួយទឹកក្រូចឆ្មា៖ យកទឹកចំណុះ៥០០មីលីលីត្រ ចាក់គ្រាប់ជីចូលត្រាំទុកឱ្យរីក រួចសឹមច្របាច់ទឹកក្រូចឆ្មាចូលតាមចំណង់ចិត្តរបស់លោកអ្នក។ ដើម្បីទទួលបានប្រសិទ្ធភាពខ្ពស់ សូមផឹកទឹកនេះនាពេលព្រឹកពោះទទេរគឺ អាចជួយសម្រលការបន្ទរបង់ ជួយទប់ស្កាត់ចំណង់អាហារ ជាពិសេសសារជាតិក្រូចឆ្មានឹងជួយរារាំងការឃ្លានអាហារ និងជួយដុតរំលាយខ្លាញ់ក្បាលពោះ។
៣. ផ្លែឪឡឹក៖ ត្បិតផ្លែឪឡឹក មានរសជាតិផ្អែមបន្តិចក៏ប៉ុន្តែ ផ្លែឈើមួយប្រភេទនេះ គឺសម្បូរជាតិទឹកច្រើនរហូតលើស៧០% ដូចនេះវាអាចជួយបំពេញជាតិទឹកឱ្យរាងកាយបានល្អបំផុត។ បន្ថែមពីនេះ ឪឡឹកសម្បូរជាតិកាកសរសៃខ្ពស់ជួយសម្រួលការបន្ទរបង់បានល្អ និងជួយថែរក្សាជាតិទឹកក្នុងខ្លួនបានរយៈពេលយូរ ល្អខ្លាំងចំពោះសុខភាពស្បែក និងសម្រស់។
៤. ផ្លែប័រ៖ផ្លែប័រ ជាផ្លែឈើដែលល្អខ្លាំងបំផុតក្នុងជួយដុតរំលាយជាតិខ្លាញ់អាក្រក់នៅត្រង់ក្បាលពោះ។ បន្ថែមពីនេះ ការញ៉ាំផ្លែប័រនៅពេលព្រឹកជួយឱ្យប្រព័ន្ធរលាយអាហារដំណើរស្រួល ជួយលាងសម្អាតជាតិកខ្វក់ចេញពីក្រពះ និងជាផ្លែឈើដែលធ្វើឱ្យអ្នកឆ្អែតបានយូរមិនងាយនឹងឃ្លានញ៉ាំអាហារនោះទេ។
៥. តែខ្ញីក្រូចឆ្មារ៖ អ្នកជំនាញផ្នែកអាហារនិយាយថា ការផឹកទឹកខ្ញីក្ដៅឧណ្ហៗជាមួយក្រូចឆ្មារនៅពេលព្រឹកនឹងជួយជំរុញប្រព័ន្ធភាពស៊ាំនៃរាងកាយរបស់អ្នកឱ្យមានភាពរឹងមាំ។ ជាមួយគ្នានេះ វាបានដើរតួនាទីទប់ស្កាត់និង រារាំងចំណង់អាហារបានល្អដែលធ្វើឱ្យអ្នកស្រកគីឡូទៀតផង៕ អត្ថបទដោយ៖ ទ្រ សុភាព