ការចិញ្វឹមកូនឱ្យជារឿងលំបាកមួយហើយសម្រាប់ឪពុកម្តាយខ្លះ រិតតែលំបាកនោះការអប់រំកូនឱ្យក្លាយជាមនុស្សពឹងខ្លួនឯង ចេះដោះស្រាយបញ្ហាដោយខ្លួនឯង ចេះតស៊ូដោយខ្លួនឯង ទើបវាជារឿងលំបាកណាស់។ យើងមានបុគ្គលល្បីពីររូបមកចែករំលែកពីបទពិសោធន៍ក្នុងការចិញ្ចឹមកូនឱ្យក្លាយជាបុគ្គលខ្លាំង និងមានក្តីសុខក្នុងជីវិតផងដែរ។
មានឪពុកម្តាយមួយចំនួនបែបជាស្រឡាញ់ខ្លាំងពេក មិនហ៊ានឱ្យធ្វើកិច្ចការអ្វីនោះទេ។ ការចិញ្ចឹមកូនបែបនេះ ធ្វើឱ្យកូនទៅថ្ងៃអនាគតមិនសូវជារឹងមាំនោះទេ។ តាមលោក Will Smith ជាកំពូលតារាសម្តែងបានចែករំលែកបទពិសោធន៍ពាក់ព័ន្ធនឹងការចិញ្ចឹមកូនឱ្យចេះពឹងលើខ្លួនឯងហើយមានភាពរីករាយ និងសុភមង្គលនោះគឺផ្ដោតលើការផ្ដល់ភាពឯករាជ្យដល់កូន ទោះបីកូនធ្វើខុសក៏ដោយ ក៏លោកបង្រៀនកូនឱ្យចេះកែប្រែដែរ។
កំពូងតារាងសម្ដែង Will Smith លើកឡើងថា “ការអប់រំកូនរបស់លោកគឺ ផ្តោតទៅលើការផ្ដល់នូវសេរីភាពដល់កូនៗ”។ មិនតែប៉ុណ្ណោះ លោក Smith និងប្រពន្ធរបស់លោកតែងតែយកចិត្តទុកដាក់ជាខ្លាំងក្នុងការជួយជ្រោមជ្រែង លើទឹកចិត្តឱ្យកូនរបស់លោកស្វែងរកក្ដីស្រមៃរបស់ពួកគេ ហើយក្នុងនាមជាឪពុកលោក Smith និយាយថា “ប្រសិនបើវាជាដើមមាន យើងអាចបណ្ដុះវាទៅជាដើមមានដ៏អស្ចារ្យបាន ប៉ុន្តែយើងមិនអាចព្យាយាមបង្ខំ ឬបណ្ដុះវាឱ្យក្លាយជាដើមប៉ោមបានទេ”។ វាមានន័យថា មើលនិស្ស័យកូនចង់ក្លាយជាអ្វី ជាគ្រូពេទ្យ ជាតារាចម្រៀង ជាគ្រូបង្រៀន ជាកីឡាករ ជាអ្នករកស៊ី និងជាអ្នកនិពន្ធ បើកូនមាននិស័្សយចង់ក្លាយជាអ្វីហើយ ចាំបណ្តុះកូនអ្នក កូនអ្នកនឹងពូកែចេះពឹងខ្លួនឯង ចេះព្យាយាម និងរស់នៅពេលអនាគតក៏មានក្តីសុខដែរ។
តាមលោកតា Warren Buffett បានប្រាប់ទៅគេហទំព័រ Fortune ថា “ខ្ញុំមានគម្រោងបរិច្ចាគទ្រព្យសម្បត្តិភាគច្រើនរបស់ខ្ញុំចូលទៅក្នុងមូលនិធិ Buffett ជាជាងឱ្យកូនរបស់ខ្ញុំទាំងអស់”។ គាត់បានបន្ថែមថា “កូនៗ របស់ខ្ញុំនឹងមានភាពក្លាហានក្នុងការច្នែសមត្ថភាពផ្ទាល់ខ្លួនរបស់ពួកគេឱ្យខ្លាំងឡើងជាងមុន ចំណែកខ្ញុំរង់ចាំជួយដោះស្រាយជាមួយពួកគេនៅពេលដែលត្រូវការជំនួយជាជាងការផ្តល់លុយកាក់ដែលមានសម្រាប់”។ ដំបូន្មានរបស់លោកតា Warren ចង់អប់រំថា ទោះបីគាត់មានលុយរាប់ពាន់ដុល្លារក៏ដោយ បើឱ្យលុយកូនមានស្រាប់ វាធ្វើឱ្យកូនក្លាយជាមនុស្សទាន់ជ្រាយ គ្មានសមត្ថភាពពឹងខ្លួនឯង ហើយទោះបីកូនរបស់គាត់មានលុយគរដូចជាភ្នំក៏រលាយអស់ដែរ។ លុយអាចគង់បានយូរនិងរស់នៅមានក្តីសុខតម្រូវឱ្យកូនគាត់មានសមត្ថភាពខ្លាំងគឺចេះពឹងលើខ្លួនឯងដើម្បីរស់ ហើយរស់នៅឱ្យមានសុភមង្គល៕ អត្ថបទដោយ៖ ទ្រ សុភាព