១. ដកដង្ហើមឱ្យជ្រៅៗ ៖ នេះជាវិធីសាមញ្ញ តែមានលទ្ធផលវិសេសក្នុងការកម្ចាត់អារម្មណ៍តានតឹង ស្រ្តេស និងការព្រួយបារម្ភជាដើម។ ពេលអ្នកភ្ញាក់ពីដេកភ្លាម ចូលអ្នកសាកដងដង្ហើមឱ្យជ្រៅៗ បាន ១នាទី អារម្មណ៍អវិជ្ជមាននឹងរសាត់ចេញ ហើយនៅសល់តែអារម្មណ៍រីករាយមកជំនួសក្នុងខ្លួនអ្នក។

២. ចាប់ពីគ្រែរបស់អ្នក៖ លោក Gretchen Rubin ជាអ្នកនិពន្ធសៀវភៅ “ គម្រោងសុភមង្គល” បាននិយាយថា “វិធីសាមញ្ញមួយដើម្បីឱ្យអ្នកមានសុភមង្គល គឺចាប់ផ្តើពីគ្រែគេងរបស់អ្នក។” ពេលអ្នករៀបចំកន្លែងដេករបស់អ្នករួច អ្នកអាចសង្គេតពីអារម្មណ៍របស់អ្នកបាន ច្បាស់ជាមានអារម្មណ៍រីករាយ ដែលអ្នកបានធ្វើកិច្ចការទីមួយពេលព្រឹកបានល្អ។

៣. កុំភ្លេចងូតទឹកពេល​ព្រឹក៖ តាមវេជ្ជបណ្ឌិតនៅសាកលវិទ្យាល័យ Harvard បានបញ្ជាក់ថា​ ការងូតទឹកពេលព្រឹកនេះ អាចជួយឲ្យខួរក្បាលរបស់អ្នកស្វាងពីដេក ឬស្រលះ ហើយមានភាពសកម្ម ហើយអារម្មណ៍ផ្តោតក្នុងការរកដំណោះស្រាយទៅលើបញ្ហាអ្វីមួយបានលឿន។ ហើយអ្នកកុំភ្លេចការងូតទឹកពេលព្រឹកឱ្យសោះ។

៤. ចេះពេញលើខ្លួនឯង៖ តាមគេហទំព័រលើកទឹកចិត្ត Fearlessmotivation បានចុះផ្សាយថា ពេលព្រឹកអ្នកត្រូវនិយាយមកកាន់ខ្លួនឯងថា ពេលអ្នកចេះពេញនឹងអ្វីដែលខ្លួនមាន, ថ្ងៃនេះ ខ្ញុំធ្វើឱ្យជីវិតខ្ញុំមានក្តីសុខ... ការត្រេកអរជាមួយអ្វីដែលខ្លួនមាននេះ វាធ្វើឱ្យអ្នកមានអារម្មណ៍ល្អជាមួយការងារ និងពេញចិត្តរស់នៅក្នុងជីវិតបច្ចុប្បន្ននេះ។ ចូរអ្នកចំណាយពេល ៣នាទី អរគុណខ្លួនឯង ដែលមានភាពរឹងមាំហ៊ានឆ្លងកាត់រឿងលំបាកៗ ទាំងឡាយក្នុងជីវិត។ ហើយអ្នកកាន់តែមានអារម្មណ៍ល្អក្នុងសកម្មភាពប្រចាំថ្ងៃថែមទៀត។

៥. ចូរផឹកទឹកមួយកែវ៖ ការផឹកទឹកពេលអ្នកភ្ញាក់ពីគេងភ្លាមៗ វាមានសារៈសំខាន់ណាស់​ ពីព្រោះរាងកាយរបស់យើងបានបាត់បង់ជាតិទឹកជាច្រើនពេលដែលយើងកំពុងគេងលក់នោះ។ តាមលោកវេជ្ជបណ្ឌិតRaymond Francis បានណែនាំឱ្យយើងផឹកទឹកពេលព្រឹកមួយកែវ ដើម្បីលាងជាតិពុលក្នុងសរសៃឈាមរបស់យើង ដើម្បីរត់បានស្រួល មានកម្លាំង និងងាយស្រួលបន្ទោបង់ផងដែរ។

៦. ហាត់ប្រាណ៖ការធ្វើលំហាត់ប្រាណនេះ មិនត្រឹមតែជួយរាងកាយរបស់អ្នកទេ ជួយដល់ចិត្តគំនិតបានល្អទៀត។ បើសុខភាពរាងកាយអ្នកមានបញ្ហា ចិត្តគំនិតក៏ពិបាកធ្វើការដែរ។ លោកHal Elrod ជាអ្នកនិពន្ធអន្តរជាតិ បាននិយាយថា បើអ្នកចង់បានសុខភាពរឹងមាំ និងផ្លូវចិត្តមានថាមពល អ្នកត្រូវមានទម្លាប់ធ្វើលំហាត់ប្រាណជាប្រចាំពេលព្រឹក ឬពេលល្ងាច។ ហើយវាបានធ្វើឱ្យរាងកាយ និងសុខភាពរបស់ខ្ញុំ ល្អក្នុងការរស់នៅផងដែរ៕អត្ថបទដោយ៖ ទ្រ សុភាព