១. ចូលហាង បាត់បង់លុយ។ លោក Buffett បាននិយាយ​ថា ការ​ទិញឡាន​ថ្មី​​ជាអន្ទាក់មួយធ្វើឱ្យការ​ចំណាយ​របស់​មនុស្ស​ថ្នាក់​កណ្តាល ពិបាកក្លាយជាអ្នកមានណាស់។ គ្រាន់​តែអ្នក​ដកទិញ​លុយឡាន អ្នក​​ខាតរួចទៅហើយ​(បើអ្នកឡានតម្លៃ ៥ម៉ឺនដុល្លារ មួយថ្ងៃឬបីថ្ងៃ អ្នកចង់លក់វិញ តម្លៃអត់ដូចដើមទេ)។ ការទិញឡានចេញលក់ ២ឆ្នាំមុន វាមានតម្លៃថោកជាង នាំឱ្យអ្នកសល់លុយច្រើនដែរ។ ចូរយកលុយទៅវិនិយោគ លុយអ្នកកាន់តែកើតកូនច្រើនឡើង។

២. កុំខ្ចីលុយមានការប្រាក់ខ្ពស់ ពេលអ្នកអូសអត់រួចទេ ជីវិតអាជីវកម្មរបស់អ្នកត្រូវបានបញ្ចប់ហើយ។ លោក Buffett ធ្លាប់និយាយថា បើខ្ញុំត្រូវខ្ចីប្រាក់ក្នុងអត្រា ១៨% ឬ២០%នោះ ខ្ញុំនឹងក្ស័យធនយូរមកហើយ"។ ការខ្ចីលុយការប្រាក់ខ្ពស់ ជួយដោះទល់អ្នកបានមួយគ្រាមែន តែភាគច្រើនបំណុលរបស់អ្នកនឹងកើនឡើង។ មានបងប្អូនខ្មែរយើងមួយចំនួនជាប់បំណុលច្រើន ព្រោះតែខ្ចីលុយមានកាប្រាក់ខ្ពស់នេះឯង។

៣. ចង់មានលុយច្រើនសល់នៅក្នុងកុង ដាច់ខាតកុំលេងល្បែង។ អ្នកលេងល្បែងគ្មានកំណើរក្លាយជាអ្នកមានទេ ភាគច្រើនពីអ្នកមានក្លាយជាអ្នកក្រ។ តើអ្នកធ្លាប់ឃើញអ្នកលេងល្បែកក្លាយជាអ្នកមានទេ? មានតែម្ចាស់បង្កើតល្បែងតែប៉ុណ្ណោះ។ លោក Buffett ប្រាប់ថា ល្បែងជាឱកាសភ្នាល់ដែលមនុស្សភាគច្រើនគិតថា ខ្លួនអាចមានសំណាងឈ្នះ ចុងក្រោយបានត្រឹមតែអស់លុយពីខ្លួនតែប៉ុណ្ណោះ។ ខំរកលុយខំសន្សំលុយ ទើបលុយអ្នកកើតកូន។

៤. បើអ្នកមិនយល់ កុំធ្វើ ទើបសល់លុយច្រើន។ លោក Buffett តែងតែផ្តល់ដំបូន្មានថា “កុំវិនិយោគលើអ្វីដែលអ្នកមិនយល់”។ មានប្រជាជនខ្មែរមួយចំនួនបាញ់បោកគេរឿងលក់ដីកាលមុននោះ ព្រោះពួកគាត់ដឹងថា ដាក់ប្រាក់ បានការប្រាក់។ គេធ្វើឱ្យគាត់មើលឃើញតែពីផលចំណេញរយៈពេលខ្លី។ នេះគ្រាន់តែជាល្បិចបោកតែប៉ុណ្ណោះ។ នេះជារឿងដែលធ្វើឱ្យបងប្អូនខ្មែរយើងមួយភាគ បានចាញ់បោកគេព្រោះតែមិនយល់ពីអាជីវកម្មឬរឿងហ្នឹងនេះឯង។ អ្នកគួរទុកលុយក្នុងខ្លួន ល្អជាងទៅដាក់លុយទៅលើអ្វីដែលខ្លួនមិនយល់ដែរ៕ អត្ថបទដោយ៖ ទ្រ សុភាព