ប្រជាជនជប៉ុនពេលព្រឹកពួកគេមានអាយុវែង កម្រមានជំងឺមហារីក និងរាងស្លឹមស្អាត ព្រោះពួកគេចូលចិត្តផឹកភេសជ្ជៈ ១នេះផឹកនៅពេលព្រឹកគឺតែបៃតងនេះឯង។ បើយោងតាមគេហទំព័រ www.eatthis.com បានធ្វើការសិក្សាមួយនៅឆ្នាំ ២០០៨ មានមនុស្សចូលរួមចំនួន ៦០នាក់ តាមដានរបបអាហារអស់ពេល ១២សប្តាហ៍ ការផឹកតែបបៃតងពេលព្រឹកពិតជាជួយកម្ចាត់ជាតិខ្លាញ់ ការពារជំងឺគាំងបេះដូង និងដាច់សរសៃឈាមក្នុងខួរក្បាលបានល្អបំផុត។ តាមការសិក្សាក្នុងឆ្នាំ ២០០៦ លើយុវជនជប៉ុនចំនួន៤០០០០នាក់ បានរកឃើញថា អ្នកផឹកតែបៃតង ច្រើនជាង៥កែវក្នុងមួយថ្ងៃ អាចជួយកាត់បន្ថយបាន២៦%នៃបញ្ហាគាំងបេះដូង ហើយកាត់ជាតិខ្លាញ់ធ្វើឱ្យយុវជនទាំងនោះកម្រធាត់ណាស់។
កាន់តែពិសេសជាងនេះ តែបៃតងសម្បូរទៅដោយសារធាតុcatechins ដែលបង្កើនការដុតបំផ្លាញជាតិខ្លាញ់ និងជំរុញការរំលាយអាហារ។ ធម្មជាតិនៃការដុតកាឡូរីនៃតែបៃតង គឺប្រៀបដូចជាយុទ្ធសីលទិព្វមួយក្នុងការសម្រកគីឡូដល់អ្នកមានបញ្ហាលើសទម្ងន់ និងជួយប៉ូវសម្រស់របស់អ្នកកាន់តែក្មេងជាងវ័យថែមទៀត។ ព្រោះនៅក្នុងតែបៃតងមានសមត្ថភាពជួយព្យាបាលកុំឲ្យកើតមុនហើយបន្ថយជាតិខ្លាញ់ដែលមាននូវលើផ្ទៃមុខជាមូលហេតុធ្វើឱ្យកើតមុន។ ហើយនៅក្នុងតែបៃតងនេះមានសារធាតុ polyphenols ដើម្បីការពារជំងឺមហារីកស្បែករបស់អ្នកបានល្អបំផុត។ នេះជាអត្ថប្រយោជន៍ផឹកតែបៃតងនៅពេលព្រឹក។
ជាលទ្ធផលរួមមកគឺការផឹកតែបៃតងពេលព្រឹកនិងពេលថ្ងៃ គឺល្អបំផុតសម្រាប់សុខភាពស្រកគីឡូ និងប្រឆាំងមហារីក។ ហើយតែបៃតងនេះបន្តជីវិតមនុស្សឱ្យរស់នៅកាន់តែវែង បើតាមការសិក្សាក្នុងឆ្នាំ២០២០ លើប្រជាជនចិនចំនួន ១០០,០០០នាក់ដែលផឹកតែបែតងយ៉ាងហោចណាស់បីដងឬច្រើនជាងនេះក្នុងមួយសប្ដាហ៍ ជួយឲ្យពួកគេអាចរស់នៅបានច្រើនជាង ១៥ខែ បើប្រៀបធៀបជាមួយអ្នកដែលមិនបានញ៉ាំ។ វាជួយប្រឆាំងនឹងប្រភេទជំងឺមហារីកបានល្អបំផុតជាស្តេចភេសជ្ជៈមួយដែរ៕ អត្ថបទដោយ៖ ទ្រ សុភាព