ការមានសុខភាពល្អ​ តាមនុស្សភាគច្រើនគិតថា គ្មានជំងឺ និងភាពសប្បាយរីករាយ។ ដើម្បីបញ្ជាក់ឱ្យច្បាស់ តាមលោកវេជ្ជបណ្ឌិត Doug Mc. Guff និងលោក John Little ជាអ្នកកាយវប្បកម្មដ៏ល្បីម្នាក់ ហើយបាននិពន្ធសៀវភៅរួមគ្នាមួយក្បាលមានចំណងជើង Body by Science ឬវិទ្យាសាស្រ្តរាងកាយ បានសរសេរថា “មនុស្សដែលមានសុខភាពរឹងមាំ គឺជាមនុស្សមានរាងកាយរឹងមាំ ហើយគ្មានជំងឺ ហើយនៅក្នុងរាងកាយមានលំនឹងមេតាបូលីស (Metapolism) ជាប្រតិកម្មគីមី។

ហើយដំណើរការប្រតិកម្ម ០២ ទៀតក្នុងមេតាបូលីស ទី០១. កាតាបូលីស ជាដំណើរការបំបែកចំណីអាហារឱ្យរាងកាយរបស់យើងឱ្យមានថាមពល និងទី០២. អាណាបូលីស ជាការប្រមូលផ្តុំកសាងថាមពលរាងកាយឡើងវិញ ដើម្បីឱ្យកោសិកា និងអរម៉ូនផ្សេងៗ មានការលូតលាស់។ នៅពេលដំណើរការប្រតិកម្មគីមីកាតាបូលីស និងអាណាបូលីស មានតុល្យភាពនឹងគ្នា វាធ្វើឱ្យរាងកាយរបស់យើងមានភាពរឹងមាំដើម្បីទាញជាតិខ្លាញ់មកប្រើប្រាស់ឱ្យអ្នកស្រកគីឡូ។

ដូចជាការធ្វើលំហាត់ប្រាណដើរ រត់ និងហាត់លើកដុំដែក រាងកាយរបស់យើងបានបំបែកប្រតិកម្មកាតាបូលីសជាចំណីអាហារ ដើម្បីផ្គត់ផ្គង់ដល់រាងកាយរបស់យើងឱ្យមានដំណើរការ។ ពីព្រោះរាងកាយនៅត្រង់ក្បាលពោះរបស់យើងសម្បូរជាតិខ្លាញ់ជាច្រើន។ យើងអាចឃើញថា មនុស្សធាត់ មកពីពួកគាត់មិនអាចប្រើថាមពលត្រង់ក្បាលពោះនេះមិនអស់ វាធ្វើឱ្យសល់ជាតិខ្លាញ់ច្រើន។​ ការធ្វើលំហាត់ប្រាណ ជួយកសាងរាងកាយជម្រះជាតិខ្លាញ់។ នៅពេលយើងធ្វើលំហាត់ប្រាណស្រាលៗ មានមេតាបូលីសជួយរក្សារាងកាយ។ ពេលធ្វើលំហាតធ្ងន់ៗ ជួយសរសៃសាច់ដុំកាន់តែខ្លាំង ដើម្បីបង្កើតសាច់ដុំស្រកក្បាលថែមទៀត៕ អត្ថបទដោយ៖ ទ្រ សុភាព