តាមវេជ្ជបណ្ឌិត Duong Minh Tuan ជាអ្នកជំនាញខាងជំងឺទឹកនោមផ្អែមនៅមន្ទីរពេទ្យ Bach Mai បាននិយាយថា មានករណីមួយនៅមន្ទីរពេទ្យសាកលវិទ្យាល័យវេជ្ជសាស្ត្រហាណូយ មានបុរសម្នាក់អាយុ ២៦ឆ្នាំបានជួបជំងឺខ្សោយក្រលៀនដោយសារតែទម្លាប់ប្រើម្សៅប្រូតេអ៊ីនច្រើនពេក និងបន្ថែមអាហារបំប៉ន់ដើម្បីបង្កើនសាច់ដុំឱ្យបានលឿន មានសញ្ញាចេះតែអស់កម្លាំង នោមតិច និងស្រកលឿន ពេលពិនិត្យសុខភាពក៏រកឃើញថាមានបញ្ហាក្រលៀន។ ព្រោះតែប្រើផលិតផលលើសកម្រិត និងគ្មានប្រភពច្បាស់លាស់។ នេះវាជាករណីហានិភ័យដែលប្រើម្សៅប្រូតេអ៊ីនច្រើន ហើយហាត់ប្រាណមិនអស់ជាតិម្សៅប្រើហ្នឹងជាប្រចាំនាំឱ្យបានបញ្ហាក្រលៀន។ ដើម្បីការពារករណីនេះ អ្នកគួរមានគ្រួហាត់ប្រាណជួយនាំណែ និងហ្វឹកហាត់ជាមួយ ដើម្បីហាត់ប្រាណមានប្រសិទ្ធភាពខ្ពស់ដល់សុខភាព។

ហើយវេជ្ជបណ្ឌិតបានបន្ថែមថា ការប្រើម្សៅប្រូតេអ៊ីន whey និងអាហារបំប៉នសាច់ដុំបង្ខំពេកជាការដាក់សម្ពាធយ៉ាងខ្លាំងលើតម្រងនោមឬក្រលៀន។ ពេលតម្រងនោមត្រូវធ្វើការខ្លាំងពេកដើម្បីលុបបំបាត់ជាតិម្សៅមេតាបូលីស នាំឱ្យមុខងារតម្រងនោមឆាប់ថយចុះបន្តិចម្តងៗ បណ្តាលឱ្យមានគ្រួសក្នុងតម្រងនោមថែមទៀត។ មានបញ្ហាធំមួយ គឺការពិសារទឹកមិនបានគ្រប់គ្រាន់ជាហេតុនាំឱ្យក្រលៀនខូចកាន់តែលឿនមួយកម្រិតទៀត។ ស្ថានភាពនេះគួរឱ្យព្រួយបារម្ភបញ្ហាក្រលៀនចំពោះយុវជនបង្ខំខ្លួនហាត់ប្រាណដោយប្រើម្សៅប្រូតេអ៊ីនកែប្រែរាងកាយឱ្យបានឆាប់។

នៅមានទម្លាប់រស់នៅមួយចំនួនទៀតអាចបំផ្លាញ់ក្រលៀនដោយការហូបប្រៃ ផឹក​ទឹក​តិច ហូបអាហារផ្អែម ភេសជ្ជៈសម្បូរជាតិស្ករកែច្នៃ ទម្លាប់ទប់​នោមយូរ គេង​តិច ស្ត្រេស​យូរ​ជា​កត្តា​ហានិភ័យទាំងអស់។ មានអ្នកហាត់ប្រាណគួរប្រើម្សៅប្រូតេអ៊ីនមានប្រភពច្បាស់លាស់ ហើយប្រើតាមកម្លាំងរបស់ខ្លួនតិចតួច។ យល់ល្អបំផុត! អ្នកគួរហូបអាហារសម្បូរជាតិប្រូតេអ៊ីនធម្មជាតិពីបន្លែ ផ្លែឈើ ត្រីសាច់... វាល្អដល់សុខភាពសាច់ដុំ ដល់ស្បែក ថែសម្រស់ និងផ្លូវចិត្តឱ្យរីករាយផងដែរ៕ អត្ថបទដោយ៖ ទ្រ សុភាព