១. តាមលោកវេជ្ជបណ្ឌិត Jamin Brahmbhatt ជាជំនួយការសាស្រ្តាចារ្យនៅសាកលវិទ្យាល័យ Central Florida School of Medicine (USA) បាននិយាយថា ភាពតានតឹងរ៉ាំរ៉ៃជាមូលហេតុចម្បងធ្វើឱ្យថយចុះចំណង់ផ្លូវភេទ និងលិង្គងាប់ចំពោះបុរស។ ពេលរាងកាយបង្កើនការផលិតអរម៉ូន cortisol ជាអរម៉ូនរំខានដល់ការផលិតអ័រម៉ូន testosterone ចុះខ្សោយ។ អ្នកមានបញ្ហាផ្លូវចិត្តធ្វើឱ្យអារម្មណ៍ផ្លូវភេទដាំក្បាលចុះគ្មានថាមពលនោះទេ។ ហើយវេជ្ជបណ្ឌិត Jamin Brahmbhatt បានផ្តល់អនុសាសន៍ថា ការកាត់បន្ថយភាពតានតឹង អ្នកគួរប្រើទម្លាប់ជាប្រចាំថ្ងៃដូចជា ការធ្វើលំហាត់ប្រាណទៀងទាត់ ការធ្វើសមាធិ គេងឱ្យបានគ្រប់គ្រាន់ និងធ្វើអ្វីដែលខ្លួនអ្នករីករាយ។

២. ទម្លាប់ញ៉ាំអាហារកែច្នៃនាំឱ្យធាត់ កើតជំងឺទឹកនោមផ្អែម និងបញ្ហាបេះដូង នេះជារឿងអវិជ្ជមាននាំឱ្យប៉ះពាល់ដល់អារម្មណ៍រផ្លូវភេទ។ តាមការសិក្សាឆ្នាំ២០០៨ នៅក្នុងប្រទេសជប៉ុនបានរកឃើញថា បុរសមួយចំនួនតូចដែលធាត់លើសកម្រិត មានហានិភ័យខ្ពស់នៃជម្ងឺមេតាបូលីសវាជាប់ទាក់ទងនឹងការងាប់លិង្គ។ អ្នកហូបអាហារដូចជាផ្លែឈើ បន្លែ ត្រី សាច់គ្មានខ្លាញ់ និងគ្រាប់ធញ្ញជាតិ...ហូបអាហារបែបធម្មជាតិ អារម្មណ៍ផ្លូវភេទក៏ឡើងមកវិញដែរ។ កុំផឹកស្រា សុខភាពផ្លូវភេទកាន់តែមានថាមពល មេជីវិតកាន់តែខ្លាំង រួមភេទបានយូរមិនខានទេ។

៣. កង្វះលំហាត់ប្រាណធ្វើឱ្យ​ប៉ះពាល់​ដល់​​សរសៃឈាម​បេះដូងដែលផ្សារភ្ជាប់ជាមួយ​មុខងារ​ផ្លូវភេទផងដែរ​។ តាមការសិក្សាបង្ហាញថា បុរសហាត់ប្រាណជាប្រចាំថ្ងៃ ១ថ្ងៃហាត់ ៣០នាទី នាំឱ្យមុខងារលិង្គប្រសើរឡើង បើធៀបនឹងអ្នកដែលមិនបានហាត់ប្រាណ។ អ្នកហាត់ប្រាណភាគច្រើន មានសមត្ថភាពរួមភេទបានយូរធ្វើឱ្យដៃគូពេញចិត្ត។

៤. ការគេងមិនគ្រប់អាចប៉ះពាល់យ៉ាងធ្ងន់ធ្ងរដល់កម្រិតតេស្តូស្តេរ៉ូន និងមុខងារផ្លូវភេទអស់អារម្មណ៍។ ការសិក្សាមួយនៅខែកញ្ញាឆ្នាំ២០២១ ដោយអ្នកនិពន្ធ Matthew Gavidia នៅលើគេហទំព័រថែទាំសុខភាព AJMC បានរកឃើញថាបុរសគេងមិនគ្រប់ទេធ្វើឱ្យកម្រិតអ័រម៉ូនតេស្តូស្តេរ៉ូនទាបជាងអ្នកដែលគ្មានជំងឺ។ រួមភេទក៏ខ្សោយដែរ។

៥. ប្តូរស្ទាយរួមភេទ រួមភេទកាន់តែយូរ។ បើអ្នករួមភេទជាមួយដៃគូដោយប្រើក្បាច់ដដែលៗ ងាយចេញទឹកកាមលឿនណាស់។ បើអ្នកចេះផ្លាស់ប្តូរក្បាច់នៅអំឡុងពេលរួមភេទ ជួយឱ្យអារម្មណ៍​ស្រើបស្រាល​ទាំងពីរនាក់។ យ៉ាងណាមិញ អ្នក​អាច​បញ្ឈប់​បន្តិច ដើម្បី​សម្លឹង ឬ​និយាយ​គ្នា​លេងបន្តិចសិន ហើយចាំប្រយុទ្ធបន្តទៀត នេះជាទិចនិចធ្វើឱ្យដៃគូកាន់តែពេញចិត្តមានក្តីស្រឡាញ់​នឹងគ្នាខ្លាំងឡើង៕ អត្ថបទដោយ៖  ទ្រ សុភាព