រាងកាយមនុស្សយើងបើខ្វះជាតិទឹក និងភេសជ្ជៈល្អៗ ហើយ ច្បាស់ជាជំងឺជាច្រើនដេញតាមចូលក្នុងខ្លួនមិនខានទេ។ មកពីរាងកាយយើងត្រូវការជាតិទឹកប្រហែលជា ៧០% ដើម្បីដំណើរការប្រព័ន្ធក្នុងរាងកាយនិងសាធាតុចិញ្ចឹមផ្សេងៗ ទៀត។ ភេសជ្ជៈ ៣ ការពារជំងឺខូចតម្រងនោម លើសឈាម និងមហារីក អ្នកគួរតែពិសាទឹកនៅពេលព្រឹក។
១. ការពិសាទឹកពេលព្រឹកជាប្រចាំថ្ងៃជួយកម្ចាត់ចោលកាកសំណល់ និងជាតិពុលចេញពីឈាមតាមរយៈទឹកនោម។ ការពិសាទឹកនេះជួយកាត់បន្ថយឱកាសនៃការកើតជំងឺតម្រងនោមរ៉ាំរ៉ៃ និងបញ្ចៀសក្រួសតម្រងនោមបានល្អបំផុត។ បែបនេះហើយ អ្នកចាំបាច់ត្រូវតែពិសារទឹកឱ្យបាន ៧ទៅ១០កែវក្នុងមួយថ្ងៃនាំឱ្យអ្នកគ្មានជំងឺតម្រងនោនោះទេ។
២. អ្នកផឹកទឹកប៉េងប៉ោះ ១កែវក្នុងមួយថ្ងៃជួយកាត់បន្ថយសម្ពាធឈាម និងកូលេស្តេរ៉ូលបានល្អណាស់។ ព្រោះបញ្ហាសម្ពាធឈាមក៏មានគ្រោះថ្នាក់ដល់អាយុជីវិតដែរ។ នៅសាកលវិទ្យាល័យវេជ្ជសាស្ត្រទីក្រុងតូក្យូក្នុងប្រទេសជប៉ុនបានធ្វើការសិក្សាលើមនុស្ស ៤៨១នាក់។ ឱ្យពួកគេពិសារទឹកប៉េងប៉ោះល្លិលីត្រ/ថ្ងៃ ដែលទឹកប៉េងប៉ោះគ្មានបន្ថែមអំបិល ហើយមានលទ្ធផលបញ្ជាក់ថា សម្ពាធឈាមពួកគេបានធ្លាក់ចុះជាមធ្យម ៣% ពិតជាល្អណាស់។
៣. តាមការសិក្សាដែលឱ្យដឹងដោយប្រភពHealthline បានឱ្យដឹងថា អ្នកផឹកតែបៃតងជាប្រចាំនៅពេលព្រឹកមានហានិភ័យកើតជំងឺមហារីកទាបជាងមនុស្សដែលមិនទទួលទានតែបៃតង។ ស្ត្រីដែលទទួលទានតែបៃតងពី៣ទៅ៤ពែងក្នុង១ថ្ងៃ មានហានិភ័យទាបបំផុតក្នុងការកើតមហារីកមាត់។ ហើយនៅមានការសិក្សាស្រាវជ្រាវដ៏ធំមួយផ្សេងទៀតបានបង្ហាញពីការថយចុះហានិភ័យនៃជំងឺមហារីកក្រពះចំពោះស្ត្រីដែលទទួលទានតែបៃតង ៥ ពែង ឬច្រើនជាងនេះក្នុង១ថ្ងៃ។ នេះជាសមត្ថភាពពិសេសផឹកតែបៃតងពេលព្រឹកដេញជំងឺមហារីក៕ អត្ថបទដោយ៖ ទ្រ សុភាព