តម្រងនោមមានដើរតួនាទីយ៉ាងសំខាន់ជួយបញ្ចេញកាកសំណល់ និងជាតិពុលឱ្យក្នុងខ្លួនរបស់អ្នកមានសុខភាពរឹងមាំ។ តាមលោកគ្រូពេទ្យ Jeremy Allen មានប្រសាសន៍ថា "រោគសញ្ញាខូចខាតតម្រងនោមជារឿយៗមានលក្ខណៈស្រាល បើមិនចាប់អារម្មណ៍ទេ វាអាចខូចមុខងារតម្រងនោម ៩០%ដោយគ្មានរោគសញ្ញាច្បាស់លាស់ណាមួយទេ”។ ២សញ្ញាប្រាប់អ្នកពីសុខទុក្ខសុខភាពតម្រងនោមរបស់អ្នកទុកជាមុន។
១. ការនោមមិនដូចជាពេលធម្មតា វាជាសញ្ញាមួយប្រាប់អ្នកពីសុខភាពតម្រងនោម។ ពេលអ្នកមានសារធាតុរាវច្រើនឬមានជាតិទឹកច្រើន រក្សាទុកនៅក្នុងខ្លួន ប៉ុន្តែជាតិទឹកបញ្ចេញមកតិចនោះ វាមិនល្អដល់មុខងារតម្រងនោមនោះទេ។ វាមានន័យថាពេលអ្នកអាចបត់ជើងតូចតិចជាងពេលធម្មតាមកពីតម្រងនោមរបស់អ្នកប្រឈមមុខនឹងបញ្ហាតិចៗ ហើយ។ បើអ្នករកឃើញថាអ្នកផឹកទឹកក្នុងបរិមាណដូចពេលធម្មតា ប៉ុន្តែនោមតិច សូមអ្នកគួរតែពិគ្រោះជាមួយគ្រូពេទ្យរបស់អ្នកឬពិនិត្យសុខភាពជាមួយគ្រួពេទ្យ។
២. បញ្ហាតម្រងនោមក៏មានការផ្សារភ្ជាប់ជាមួយបញ្ហាសរសៃឈាមដែរ។ ពេលតម្រងនោមរបស់អ្នកជិតខូចខាត វាធ្វើឱ្យការគ្រប់គ្រងសម្ពាធឈាមគ្មានប្រសិទ្ធភាពនោះទេ។ តម្រងនោមមាននាទីច្រោះជាតិពុល និងកាកសំណល់ចេញពីឈាម។ ពេលសរសៃឈាមមានការខូចខាត នាំឱ្យមានបញ្ហាដល់អុកស៊ីហ្សែន និងសារធាតុចិញ្ចឹមផ្សេងៗ មិនអាចបញ្ចួនទៅចិញ្ចឹមតម្រងនោមបានគ្រប់គ្រាន់ទេ វាធ្វើឱ្យមុខងារច្រោះទឹកនោមមិនបានល្អ។ នេះរោគសញ្ញាបញ្ហាប្រាប់អ្នកជាមុនពីតម្រងនោមផងដែរ។ សរសៃឈាម និងតម្រងនោម មួយណាមបញ្ហា មួយទៀតក៏មានបញ្ហាដែរ៕ អត្ថបទដោយ៖ ទ្រ សុភាព