១. ការញ៉ាំអាហារមានរសជាតិប្រៃលើសកម្រិតជាប្រចាំជាកត្តាហានិភ័យខូចខាតដល់រចនាសម្ព័ន្ធក្រពេញ(ក្រពេញមានតួនាទីបញ្ចេញសារធាតុចាំបាច់សម្រាប់សារពាង្គកាយ)។ ដំណើរការនេះនាំឱ្យកើនសម្ពាធនៅក្នុងក្រពេញធ្វើឱ្យប្រព័ន្ធ renin-angiotensin-aldosterone បង្កើនសម្ពាធឈាមហើយជម្រុញការកកស្ទះសរសៃឈាមក្នុងតម្រងនោម។ របបអាហារប្រចាំថ្ងៃបង្កបញ្ហាដល់ក្រលៀនមានដូចជា មីកញ្ចប់ ទឹកត្រី អាហារកំប៉ុង អាហាររហ័ស អាហារស្ងួត និងសាច់ក្រកដែលមានជាតិប្រៃលើសកម្រិតក្នុងអាហារហ្នឹងឯង។ ហើយអ្នកពិសាទឹកមិនគ្រប់ទេ ក្រលៀនរបស់អ្នកងាយខូចលឿនជាងពេលធម្មតា។ យោងតាមអង្គការសុខភាពពិភពលោកបញ្ជាក់ថា មនុស្សពេញវ័យម្នាក់ៗគួរទទួលទានអំបិលតិចជាង ៥ក្រាមក្នុងមួយថ្ងៃ ស្មើនឹងប្រហែល ២.០០០មីលីក្រាមជាតិសូដ្យូម។

២. ប្រភេទភេសជ្ជៈគ្រឿងកំប៉ុនមានសារធាតុកាបូន មានបន្ថែមពណ៌ក្រុមភេសជ្ជៈប្រភេទនេះគឺគ្រោះថ្នាក់ខ្លាំងណាស់ដល់ក្រលៀនរបស់អ្នក បើអ្នកនៅតែបន្ដផឹកទាំងព្រឹកទាំងថ្ងៃ ១ថ្ងៃ២ទៅ៣កំប៉ុង ហើយអ្នកជាមនុស្សដែលមិនសូវបញ្ចេញសកម្មភាពបញ្ចេញញើសច្រើនទេ វាកាន់តែប្រឈមគ្រោះថ្នាក់ខ្លាំងមែននទែនដល់គ្រឿងក្នុងរបស់អ្នកជាពិសេសគឺក្រលៀននេះតែម្តង។ បន្ថែមលើសពីនេះអ្នកអាចប្រឈមនឹងជំងឺផ្សេងៗ ដូចជាជំងឺទឹកនោមផ្អែម លើសឈាមជាដើម។ នេះជាភេសជ្ជៈធ្វើឱ្យក្រលៀនខ្លាចបំផុត កុំផឹកច្រើនពេកប្រយ័ត្នបានលាងឈាមទាំងក្មេង៕ អត្ថបទដោយ៖ ទ្រ សុភាព