អ្នកត្រូវដឹងពីរបៀបញ៉ាំអាហារនិងទម្លាប់មួយចំនួនជាមុនសិន ដើម្បីសម្រកគីឡូបានផលលឿន។ មានអ្នកខ្លះសម្រកគីឡូដោយប្រើថ្នាំធ្វើឱ្យប៉ះពាល់សុខភាពពេលក្រោយទៅវិញ។ បើអ្នកមិនចង់ឱ្យប៉ះពាល់ដល់សុខទេ អ្នកអាចពិគ្រោះជាមួយវេជ្ជបណ្ឌិតផ្នែកអាហារូបត្ថម្ភដើម្បីហូបអាហារមានជាតិវីតាមីន និងសារធាតុរ៉ែ។ ហើយនៅអត្ថបទនេះមានវិធីចំនួន ៤ជួយអ្នករំលាយជាតិខ្លាញ់។
១. ហាមហូបពេលយប់៖ អ្នកមានទម្លាប់ហូបអាហារពេលយប់ គេឆាប់ឡើងគីឡូលឿនខុសពីធម្មតា ព្រោះអាហារមិនអាចរលាយអស់ វានៅសល់ជាតិខ្លាញ់ច្រើនផ្ទុកនៅត្រង់ក្បាលពោះ។ អ្នកកុំហូបអាហារពេលយប់ បន្ទាប់ពីហូបបាយពេលល្ងាចរួច។ បើអ្នកឃ្លានខ្លាំងហើយចង់ហូបនោះ អ្នកគួរញ៉ាំតែក្តៅ ឬមួយយ៉ាអួរមួយកំប៉ុងក៏បាន។ ពេលដុសធ្មេញរួច មិនគួរញុំាអីទៀតទេ ហើយការហូបអាហារសម្រន់ពេលយប់អាចធ្វើឲ្យឡើងគីឡូលឿនបំផុត។ បើកាត់បន្ថយអាហារពេលយប់ ខ្លាញ់ក្បាលពោះរបស់អ្នកក៏ស្រកតាមហ្នឹងដែរ។
២.ញ៉ាំផ្លែឈើឲ្យច្រើន៖ គ្មានសម្រកគីឡូលឿនជាងហូបអាហារល្អៗ ដូចជាផ្លែឈើនោះទេ។ គ្រូហាត់ប្រាណតែងណែនាំថា បើអ្នកចង់សម្រកគីឡូមិនថាប្រុស ឬស្រីទេ ការហូបបន្លែ ផ្លែឈើឲ្យច្រើនជាងសាច់ វាផ្តល់ជាតិវីតាមីន ជាតិរ៉ែ សារធាតុបំប៉ន និងមានជាតិសរសៃជំនួសកាឡូរី សូម្បីជាតិខ្លាញ់ក្បាលនៅក្បាលពោះក៏ស្រកក៏ដែរ។
៣. ផឹកសាភេសជ្ជៈសម្រកគីឡូ៖ បើអ្នកផឹកភេសជ្ជៈដែលសម្បូរជាតិស្ករច្រើន ងាយឡើងគីឡូណាស់។ ព្រោះវាបង្កឱ្យជាតិស្ករស្ថិតនៅក្នុងឈាម។ អ្នកគួរផឹកភេសជ្ជៈដែលមានជាតិកាហ្វេអ៊ីនមានស្ករតិចត្រឹមតែ ១០%ដល់៣០%បានហើយ។ ចំពោះភេសជ្ជៈកំប៉ុងដែលមានជាតិហ្គាសហើយមានផ្ទុកទៅដោយជាតិស្ករច្រើន ជួនកាលវាមានលាយជាតិគីមីថែមទៀតនោះ អ្នកត្រូវតែចៀសវាងដែរ(ជំងឺមហារីក)។ ភេសជ្ជៈល្អៗ អ្នកគួរផឹកបន្ថែមនោះមានដូចជាគឺទឹកឆ្អិន ទឹកដាំពុះ តែបៃតង ទឹកឃ្មុំ និងទឹកផ្លែឈើស្រស់គ្មានជាតិលាយស្ករជាដើម។
៤.កាត់បន្ថយការបរិភោគជាតិខ្លាញ់៖ ដើម្បីសម្រកគីឡូអ្នកត្រូវបន្ថយបរិភោគអាហារដែលមានជាតិខ្លាញ់ និងស្វែងយល់អំពីប្រភេទខ្លាញ់ដែលគួរបរិភោគមានដូចជាខ្លាញ់ត្រី ខ្លាញ់ជ្រូ ខ្លាញ់ផ្លែប័រ...នេះជាខ្លាញ់មានសារធាតុចិញ្ចឹមដែលផ្តល់ថាមពលដល់រាងកាយហើយកាត់ជាតិខ្លាញ់អាក្រក់ចេញ។ បើអ្នកចង់ផ្តល់ប្រូតេអ៊ីនដល់ខ្លួនប្រាណលោកអ្នកគួរពិសាសាច់ត្រីឱ្យបានច្រើនជាងសាច់ដទៃទៀត៕ អត្ថបទដោយ៖ ទ្រ សុភាព