ពេលអ្នកមានដៃគូជីវិតរឿងលុយ រឿងផ្ទះ រឿងការងារសុទ្ធតែសំខាន់ តែរឿងផ្លូវភេទក៏សំខាន់ដូចជារឿងផ្លូវចិត្តដែរ។ អ្នកកុំមើលរំលងការរួមភេទនេះឱ្យសោះ។ តើអ្នកដឹងទេថា ការរួមភេទពេលយប់មានអត្ថប្រយោជន៍អ្វីខ្លះ?
១. ការរួមភេទពេលយប់៖ បន្ទាប់ពីឈានដល់ចំណុចកំពូលក្នុងការរួមភេទពេលយប់ ខួរក្បាលរបស់យើងនឹងបញ្ចេញនូវអរម៉ូនដែលមានអារម្មណ៍ល្អដូចជា serotonin និង oxytocin។ Oxytocin ជួយសម្រួលដល់ស្នេហារបស់ដៃគូជីវិតកាន់តែមានភាពស្អិតរមួត ខណៈការបញ្ចេញអរម៉ូនទាំងនេះមុនពេលចូលគេងនឹងធ្វើឲ្យអ្នកមានអារម្មណ៍វិជ្ជមានចំពោះដៃគូ។ អ្វីដែលកាន់តែពិសេសជាងនេះទៅទៀតវាជួយឲ្យអ្នកគេងលក់ស្រួលដូចត្រូវថ្នាំសណ្ដំ នេះក៏ព្រោះតែខួរក្បាលរបស់យើងបញ្ចេញអរម៉ូនដែលធ្វើឲ្យយើងអស់កម្លាំង នេះបើផ្អែកតាមវែបសាយ mindbodygreen ។
២. ជាធម្មតាការរួមភេទគឺផ្ដល់អត្ថប្រយោជន៍ច្រើនដល់រាងកាយ ព្រោះការរួមភេទពេលយប់អាចជួយកាត់បន្ថយស្រ្តេស ជួយឱ្យអារម្មណ៍ប្រសើរឡើងវិញ បាត់ភាពតានតឹងក្នុងខ្លួន ជួយឱ្យគេងលក់ស្រួល។ ហើយអ្វីដែលកាន់តែពិសេសនោះ ការរួមភេទជួយអ្នកដុតកាឡូរីក្នុងរាងកាយ ជាហេតុនាំឱ្យអ្នកអាចស្រកគីឡូបានលឿនផងដែរ។ ពេលរួមភេទកាន់តែយូរ អ្នកកាន់តែស្រកគីឡីកាន់តែលឿន។ ដូច្នេះហើយ ការរួមភេទនេះដូចជាការហាត់ប្រាណធ្វើឱ្យដៃគូរបស់អ្នកមានក្តីសុខផងដែរ។ នេះយោងតាមប្រភពដោយ medicinenet។
៣. បន្ថយហានិភ័យជំងឺមហារីកក្រពេញប្រូស្ដាត៖ ការសិក្សានៅអឺរ៉ុបផ្នែកសុខភាពទឹកនោម បានរកឃើញថាបុរសដែលបានបញ្ចេញទឹកកាមច្រើនជាង២១ដងក្នុងមួយខែ ធៀបទៅនឹងអ្នកបានបញ្ចេញទឹកកាមត្រឹមបួនទៅប្រាំពីរដងក្នុងមួយខែ គឺថាមានហានិភ័យកើតជំងឺមហារីកក្រពេញប្រួស្តាតទាបជាងដល់ទៅ២០ភាគរយ។ ការសិក្សាបញ្ជាក់ថា ប្រុសៗដែលបានបញ្ចេញទឹកកាមឬរួមភេទពេលយប់ច្រើនដងក្នុងមួយខែ ទំនងជាអាចជួយការពារ ឬកាត់បន្ថយហានិភ័យជំងឺមហារីកមួយនេះយ៉ាងល្អ។ ការរួមភេទមិនត្រឹមតែជួយការពារជំងឺ ធ្វើឱ្យអារម្មណ៍ដៃគូរបស់អ្នកពេញចិត្តមានក្តីស្រឡាញ់គ្នាខ្លាំងឡើង៕ អត្ថបទដោយ៖ ទ្រ សុភាព