តាមការឱ្យដឹងពីសាមីខ្លួន លោកBoy Bakong ផ្ទាល់លោកបានឱ្យដឹងថា គីឡូដំបូងរបស់លោក  71.8kg អីលូវនេះសល់ត្រឹម 60.3kg តែប៉ុណ្ណោះ បន្ទាប់ពីចំណាយពេល៣ខែបផ្លាស់ប្តូរខ្លួនឯង។ គាត់ថានិយាយថា រូបរាងសាច់សុំ 6pack ដែលគាត់ទទួលបាននេះ សម្រាប់គាត់គឺពេញចិត្តបំផុត និងឡូយបំផុត ជាលើកទី១ក្នុងជីវិតរបស់គាត់ហើយ ក្នុងវ័យ៣៩ឆ្នាំ ដែលអាចមានរូបរាងបែបនេះ ។

លោកបានលើកទឹកចិត្តថា បើគាត់ធ្វើបានហើយ គ្រប់គ្នាដឹងតែធ្វើបានដូចគ្នា ពីព្រោះគាត់ជាមនុស្សម្នាក់ដែលមិនខ្ជិលហាត់ប្រាណ មិនចូលចិត្តទេហាត់ cardio អីនឹង បើនិយាយពីរឿងញ៉ាំវិញ អាចនិយាយបានថា ញ៉ាំជាជិវីត ពីមុនសឹងតែថារស់ដើម្បីញ៉ាំតែម្ដង ជាមនុស្សម្នាក់ដែលញ៉ាំច្រើនហើយចូលចិត្តញ៉ាំណាស់។ ប៉ុន្តែដោយសារមានអាជីពជាតារាសម្ដែង ហើយអាយុក៏ច្រើនហើយដែរ ដើម្បីសុខភាព និងរក្សារូបរាងលោកក៏សម្រេចចិត្តជាលើកចុងក្រោយថានឹងតស៊ូទាល់តែបាន។

អ្វីដែលគាត់បានធ្វើ គឺកាត់ជាស្ករ កាត់ចិត្តពីនំកញ្ចប់ ដែលគាត់ធ្លាប់តែញ៉ាំរាល់យប់ កាត់ចិត្តពីពពួកគ្រឿង ញ៉ាំ ភ្លាម បុកល្ហុង និយាយទៅប្តូរចេញទាំងស្រុងតែម្ដង ទ្រាំកាត់ចិត្តឈប់ញ៉ាំអាហារដែលធ្លាប់ចូលចិត្តពីមុន មកជារបបអាហារដែលជំនួយសុខភាព និងសាច់ដុំវិញ ហើយកាត់បន្ថយការញ៉ាំមិនញ៉ាំច្រើនដូចមុន។

រឿងទី២ដែលធ្វើនោះ គឺហាត់ប្រាណដែលលោកទម្ងន់ និង cardio ១ថ្ងៃ១ម៉ោងកន្លះជាប្រចាំថ្ងៃ កន្លែងនេះគាត់និយាយថា មនុស្សខ្ជិលសឹងអី ឱ្យមកហាត់ប្រាណ ហត់ណាស់សឹងតែបោះបង់ម្ដងៗហើយ តែគាត់មានគ្រូជួយជម្រុញ ហើយក៏ព្យាយាមជម្រុញចិត្តខ្លួនឯងបន្ថែម។ បើសួគាត់ថា កំឡុងពេលនឹងពិបាកអត់ ពិតពិបាក ហត់ ហើយដំបូងមានអារម្មណ៍ថាធុញទៀត តែត្រូវតែតាំងចិត្ត ហើយជឿគាត់ទៅផ្ដល់ពេលវេលាឱ្យខ្លួនឯង ស៊ូទ្រាំធ្វើកុំបោះបង់ យើងនឹងអាចកែប្រែខ្លួនឯងបាន។ គាត់ក៏ប្រាប់ដែរ ថាអីលូវនេះគឺគាត់ពេញចិត្តនឹងរូបរាងខ្លួនឯងខ្លាំងណាស់ មានក្ដីសុខជាងមុន សំខាន់សុខភាពរបស់គាត់កាន់តែប្រសើរឡើង ល្អជាងមុនដាច់។

បន្ថែមពីនោះ គ្រូបង្វឹករបស់គាត់បានបញ្ជាក់ថា សង្ឃឹមថាលទ្ធផលមួយនេះនឹងក្លាយជាកម្លាំងចិត្តដល់បងប្អូនផ្សេងទៀត ឱ្យងាកមកមើលថែសុខភាព និងរូបរាងខ្លួន។ គោលដៅ + ការពិត + វិធីសាស្រ្ត + វិន័យ = លទ្ធផល។