បញ្ហាស្បួនគឺជាបញ្ហាមួយដែលនិយាយពីជំងឺដែលអាចកើតមានឡើងមក មានដូចជាជំងឺដុំសាច់ក្នុងស្បូន ជំងឺស្រុតស្បូន រីកស្បូន មហារីកស្បូនជាដើម។ ជាការពិតណាស់ បើកាលណាស្រីៗមានជំងឺទាំងនេះគឺបង្កជាផលប៉ះពាល់ដូចជា ពិបាកក្នុងការមានកូន និងប៉ះពាល់ដល់អាយុជីវិតរបស់អ្នក។
អាស្រ័យហេតុនេះហើយ ក្រុមការងារចាបបៃតង សូមធ្វើការលើកយក សញ្ញាខ្លះៗដែលបញ្ជាក់ថាស្បូនរបស់អ្នកកំពុងមានបញ្ហា កំពុងមានជំងឺហើយ ត្រូវប្រញាប់ធ្វើការព្យាបាលឱ្យបានទាន់ពេលវេលា។
សញ្ញាទាំងនោះមានដូចជា៖
-ហូរឈាមពេលរួមភេទ
-រដូវមកមិនទៀត ឈឺចាប់ពេលរដូវខ្លាំង
-ឆ្លងរោគតាមផ្លូវទឹកនោម ឈឺនោមញឹកញាប់
-ឈឺចាប់ជុំវិញតំបន់អាងត្រគាក
-ហើមពោះ អស់កម្លាំង
-ទល់លាមក
-មានហូរទឹករំអិលចេញជាទ្វារមាសរុំារ៉ៃខុសធម្មតា
-គ្រុន។ រោគសញ្ញាទាំងនេះអាចជារោគសញ្ញា នៃជំងឺ ដុំសាច់ក្នុងស្បូន ជំងឺមហារីកស្បួន ជំងឺMenorrhagia ជំងឺUterine Prolapse ជំងឺPID ជំងឺមហារីកស្បូនជាដើម។ ជាមួយគ្នានេះដែរប្រសិនណាស្រីៗមានបញ្ហាទាំងនេះ គួរតែប្រញាប់ជូបពេទ្យដើម្បីធ្វើរោគវិច្ឆ័យឱ្យបានត្រឹមត្រូវ បើឃើញថាស្បូនមានបញ្ហាគឺងាយស្រួលក្នុងការព្យាបាលបានទាន់ពេលវេលា ដើម្បីការពារអាការកាន់តែធ្ងន់ធ្ងរ ដែលអាចបង្កជាគ្រោះថ្នាក់ដល់អាយុជីវិតរបស់មនុស្សស្រីបាន។ មួយវិញទៀតស្រីៗគួរតែឧស្សាហ៍ទៅធ្វើតេស្តស្បូនឱ្យបានទៀងទាត់ផងដែរ ដើម្បីការពារទុកមុនបើបម្រុងប្រឈមជំងឺណាមួយ។
បន្ថែមពីនេះ យើងសូមលើកយកក្បួនល្អៗខ្លះៗសម្រាប់សុខភាពរបស់ស្បួន ដែលមនុស្សស្រីគួរតែដឹងនិងឧស្សាហ៍អនុវត្ត។
-ធ្វើលំហាត់ប្រាណអាងត្រគាក
-កាត់បន្ថយពពួកអាហារកែច្នៃ អាហារសម្បូរទៅដោយខ្លាញ់អាក្រក់
-ញុំាអាហារដែលមានសារធាតុចិញ្ចឹមគ្រប់គ្រាន់ (បន្លែ ផ្លែឈើ ត្រី សាច់ គ្រាប់ធញ្ញជាតិជាដើម)
-កុំឱ្យសោះការមិនធ្វើអនាម័យទ្វារមាសរបស់អ្នកឱ្យបានត្រឹមត្រូវ ឬក៏ធ្វើអនាម័យច្រើនហួសហេតុពេក។
ជាចុងក្រោយ សូមជូនពរ ស្រីៗទាំងអស់គ្នា មានសុខភាពល្អសម្រស់ស្រស់ស្អាត ជាពិសេសសុខភាពរបស់ស្បូន គួរតែបង្កើនការយល់ដឹងពីវិធីថែរក្សា ការពារសុខភាពស្បូនឱ្យបានច្រើន ព្រោះសរីរាង្គនេះ គឺងាយនឹងប្រឈមជំងឺដូចគ្នា៕
ឯកសារយោង៖ https://www.drshubhragoyal.com/welcome/blogs/uterine-diseases-symptoms-causes-tests-treatment
