បើយោង​តាម​របាយ​ការណ៍​អង្គការ​សុខភាព​ពិភពលោកនៅ​ឆ្នាំ ​២០១៤ បានបង្ហាញ​ថា មាន៩% មនុស្សពេញវ័យកើតជំងឺទឹកនោមផ្អែម​ជុំវិញ​ពិភពលោក​ នៅក្នុង៩% ​នោះមាន​ប្រមាណ ៩០%​ កើត​ក្រុម​ជំងឺ​ប្រភេទ​ទី ២។ ហើយនៅ​ឆ្នាំ ២០១២ មាន​ជំងឺ​ទឹក​នោម​ផ្អែមបានសម្លាប់មនុស្ស​ជុំវិញ​ពិភព​លោក​១,៥ លាន​នាក់”។ អ្នកឃើញទេ! នេះពិតជាចំនួនច្រើនណាស់។ ពេលអ្នកកើតទឹក​នោម​ផ្អែម​ក៏​ជា​ដើម​ហេតុ​មួយ​បណ្តាល​ឲ្យ​ខូច​តម្រង​នោម​។ បើអ្នកចង់ការពារជំងឺទឹកនោមផ្អែមឱ្យគ្រួសាររស់នៅមានសុភមង្គល គ្រួសាររបស់អ្នកត្រូវការទម្លាប់ខាងក្រោមនេះ៖

១. របប​អាហារ៖ បើគ្រួសាររបស់អ្នកចូលចិត្តហូបប្រៃផ្អែមនោះ អ្នកគួរប្តូរទម្លាប់ហូបរាងសាបម្តងបន្តិចៗ មានអារហារបែបពពួក​កាបូនអ៊ីដ្រាតដែលមានស្ករ​ធម្មជាតិ(កុំដាច់ស្ករកែច្នៃច្រើន) គ្រួសាររបស់អ្នកហូបបន្ថែម ត្រីសាច់ធម្មតា ប៉ុន្តែកុំដាក់គ្រឿងច្រើនពេក មានគ្រួសារហូបប្រៃជ្រុល ឬផ្អែមជ្រុល វានាំឱ្យកើតទឹកនោមផ្អែមលឿន។ អ្នកអាចហូបផ្លែឈើ ទឹកដោះគោ មើលកម្រិតជាតិស្ករផងដែរ។ ពេលគ្រួសាររបស់អ្នកហូបបែបនេះ ជំងឺទឹកនោមផ្អែកគ្មានកើតនោះទេ។

២. សូម្បីតែទម្លាប់ហាត់ប្រាណមួយថ្ងៃ ២០ទៅ៣០នាទី នាំគ្រួសាររបស់អ្នកគ្មានជំងឺទឹកនោមផ្អែមនោះទេ។ តាមគេហទំព័រ Betterhealth​ បានចុះផ្សាយថា ការធ្វើលំហាត់ប្រាណកម្រិតមធ្យមជួយគ្រប់គ្រងគីឡូ ជួយកាត់បន្ថយកម្រិតជាតិស្ករនៅក្នុងឈាម និងគ្រប់គ្រងសម្ពាធឈាម និងកូឡេស្តេរ៉ុលបានយ៉ាងល្អ។ បើអ្នកចង់ឱ្យគ្រួសារមានសុភមង្គល សូមឱ្យនាំគ្នាធ្វើលំហាត់ប្រាណដើម្បីរំលាយជាតិស្ករតាមសរសៃឈាមឱ្យគ្រួសារអ្នកមានអាយុវែង។

៣. ចូលគេងយប់ៗ ជ្រៅ៖ នៅក្នុងចំណោមគ្រួសាររបស់អ្នកបើមាននរណាម្នាក់ មានទម្លាប់ចូលគេងយប់ជ្រៅជាប្រចាំថ្ងៃនោះ ងាយលើសជាតិស្ករក្នុងឈាមលឿនណាស់។ ព្រោះការគេងជាមធ្យមរបស់មនុស្សម្នាក់គឺ៨ម៉ោងក្នុង១ថ្ងៃ។ បើអ្នកមានទម្លាប់ចូលគេងយប់ៗ រាល់ថ្ងៃ រាល់ខែ និងរាល់ឆ្នាំនោះ វាបង្កជាផលប៉ះពាល់ដល់អរម៉ូនគ្រប់គ្រងជាតិស្ករនៅក្នុងខ្លួន ហើយអាចនាំឱ្យអ្នកប្រឈមកើតជំងឺទឹកនោមផ្អែមប្រភេទទី២។ ការគេងបានគ្រប់គ្រាន់ចំនួន ៧ទៅ៨ម៉ោងក្នុងមួយយប់ អ្នកកម្រកើតជំងឺទឹកនោមផ្អែមណាស់។ សូម្បីតែគ្រួសាររបស់អ្នករស់នៅមានក្តីសុខមានសុខភាពល្អដែរ។ នេះយោងតាមគេហទំព័រ everydayhealth៕ អត្ថបទដោយ៖ ទ្រ សុភាព