នាថ្ងៃទី១៩ ខែ វិច្ឆិកា ឆ្នាំ ២០២៤ ក្រុមហ៊ុន YIP IN TSOI គឺជាក្រុមហ៊ុន អាជីវកម្មបច្ចេកវិទ្យាថៃដ៏ធំដែលបានបើកដំណើរការអាជីវកម្មជិត100ឆ្នាំមកហើយ។ បានចាប់ដៃគូសហការជាមួយក្រុមហ៊ុន លំដាប់ពិភពលោកមានដូចជា Allied Telesis, I-Sprint, Proxmox, Sangfor និង Sophos ដើម្បី រៀបចំកម្មវិធីសិក្ខាសាលា ស្ដីអំពី “ការបង្កើតសហគ្រាសដ៏ឆ្លាតវៃ ដើម្បីដោះស្រាយនូវបញ្ហាបច្ចេកវិទ្យា ព័ត៌មាន ក្នុងគោលបំណងបង្កើនកំណើនការអភិវឌ្ឍន៍និងប្រសិទ្ធិភាព” ដែលផ្តល់ចំណេះដឹងដល់សហគ្រិន កម្ពុជាឲ្យប្រុងប្រយ័ត្នពាក់ព័ន្ធនឹងការគម្រាមកំហែង តាមប្រព័ន្ធអ៊ុនធឺណិត។
ក្រោមការចូលរួម ដោយ លោក ឯម វុធ្ធី ជាប្រធានផ្នែកមន្ទីរពិសោធន៍ និង លោក Wong Viwat Siritasana kul ជាជំនួយការអគ្គនាយកជាន់ខ្ពស់ផ្នែកកែតម្រូវបច្ចេកវិទ្យាឌីជីថល ក្រុមហ៊ុន YIP IN TSOI & CO.,LT។ បានឡើងបកស្រាយ ទាក់ទងនឹង ការបង្កើតសហគ្រាសដ៏ឆ្លាតវៃ បង្កើតការយល់ដឹងអំពីការគំរាមកំហែង តាមអ៊ុនធឺណិតដែលប៉ះពាល់ដល់ទ្រព្យសម្បត្តិឌីជីថលនៅក្នុងសហគ្រាស។
សម្រាប់បងប្អូនដែលមិនទាន់ស្គាល់ដៃគូសហាការ ជាមួយក្រុមហ៊ុន YIP IN TSOIគឺជាក្រុមហ៊ុន អាជីវកម្មបច្ចេកវិទ្យាថៃដ៏ធំ មានដូចជាក្រុមហ៊ុន៖
-Allied Telesis គឺជាក្រុមហ៊ុនដែលឈានមុខគេផ្នែកបណ្តាញ (Internet of Things) ឧបករណ៍ផ្សេងៗដែលតភ្ជាប់ជាមួយបណ្តាញសេវាអ៊ុនធឺណិត រចនាសម្ព័ន្ធមូលដ្ឋានដែលងាយ ស្រួលនិងសុវត្ថិភាព អស់បញ្ហារឿងការទំនាក់ទំនងនៅក្នុងសម័យអ៊ុនធឺណិត។
-I-Sprint គឺជាក្រុមហ៊ុន ជំនាញក្នុងប្រព័ន្ធផ្ទៀងផ្ទាត់ និងបញ្ជាក់អត្តសញ្ញាណឌីជីថល (Digital Identity) និងបច្ចេកវិទ្យាសម្រាប់ផ្ទៀងផ្ទាត់អត្តសញ្ញាណនៃផលិតផល ឬវត្ថុនានា (Identify of Things) សង្កត់ធ្ងន់លើការអភិវឌ្ឍន៍ប្រព័ន្ធសុវត្ថិភាពស្របតាមស្តង់ដារ បច្ចុប្បន្នមានធនាគារ និងអាជីវកម្មហិរញ្ញវត្ថុ រួមទាំងអង្គ ការធំៗជុំវិញពិភពលោក និងក្នុងប្រទេសថៃ បានជ្រើសរើសប្រើប្រាស់សេវាម្មនេះ។
-Proxmox គឺជាវេទិកាគ្រប់គ្រងកម្មវិធីដែលគេអាចទាញយកដោយបើកចំហដែលល្អឥត ខ្ចោះសម្រាប់ការនិម្មិតរបស់សហគ្រាស។ វាត្រូវបានយកមកupdateឡើងដោយ Proxmox Server Solutions នៅប្រទេសអូទ្រីស ក្រោម Internet Foundation of Austria ដែលស័ក្តិសម សម្រាប់ការញែកserverនិម្មិត និងការអភិវឌ្ឍន៍កម្មវិធី។
-Sangfor គឺជា ក្រុមហ៊ុនឈានមុខគេលើពិភពលោកជាក្រុមហ៊ុនផលិតហេដ្ឋារចនាសម្ព័ន្ធមូលដ្ឋានផ្នែកព័ត៌មានវិទ្យា cloud និងដំណោះស្រាយសុវត្ថិភាពការគំរាមកំហែងតាម ប្រព័ន្ធអ៊ិនធឺណិត និងជាក្រុមហ៊ុនមួយក្នុងចំណោមក្រុមហ៊ុនកំពូលទាំង នៅ APAC ដែល ទទួលបានការជឿទុកចិត្តពី សហគ្រាសធំៗ។ បច្ចុប្បន្នវាដំណើរការនៅក្នុងប្រទេសចំនួន 14 នៅទូទាំងអាស៊ីប៉ាស៊ីហ្វិក EMEA និងអាមេរិកខាងត្បូង ជាមួយនឹងសេវាកម្ម 24 ម៉ោង។
-Sophos គឺជាក្រុមហ៊ុនមកពីប្រទេសអង់គ្លេស ឯកទេសផ្នែកសូហ្វវែរនិងហាតវែរផ្នែកសុវត្ថិភាព ដែលមានទម្រង់ផ្សេងៗគ្នាជាច្រើន មានផលិតផលដ៏លេចធ្លោ ដែលធ្វើឱ្យក្រុមហ៊ុននេះល្បីទៅ ជុំវិញពិភពលោក នោះគឺ Firewall ទាំងបែបសូហ្វវែរនិងហាតវែរ Firewallរបស់ក្រុមហ៊ុន Sophos មានច្រើនម៉ូដែលសាកសមសម្រាប់ភ្នាក់ងារជាច្រើនប្រភេទ និងមានប្រព័ន្ធសហ្វវែ រដែលគ្របដណ្តប់ដ៏ទូលំទូលាយ ធ្វើឱ្យការការពារសុវត្ថិភាពតាមអុីនធឺណិតcyber security មានប្រសិទ្ធភាពយ៉ាងពេញទំហឹង។
ជាចុងក្រោយ ដើម្បីចៀសវាងការគម្រាមកំហែងផ្សេងៗតាមប្រព័ន្ធInternet លើអាជីវកម្មរបស់យើងបាន ទាល់តែយល់ដឹងបច្ចេកវិទ្យា ពត៌មានផ្សេងៗ បានទូលំទូលាយ និងដឹកនាំអាជីវកម្ម កាន់តែរលូននិងងាយស្រួល នៅពេលយើងយល់ដឹងច្បាស់ ជាពិសេសអាចចៀសវាងហានិភ័យផ្សេងៗបានទៀត៕