នៅក្នុងប្រទេសថៃពេលនេះកំពុងតែរីកឆ្លងរាលដាលវីរុសកូវីដប្រភេទថ្មីរហូតមានការប្រកាសអាសន្នត្រឹមពេលមួយសប្តាហ៍ចាប់ពីថ្ងៃទី៤ដល់១០ខែឧសភានេះ មានករណីឆ្លងចំនួន ១៦.៦០៧ករណី ដែលភាគច្រើនជាប្រភេទអូមីក្រុងបំប្លែងថ្មី JN.1 ហើយក៏មានមនុស្សស្លាប់៦នាក់ថែមទៀត។ នេះយោងតាមសារព័ត៌មានថៃ bangkokpost ។ បើយោងតាមពីនាយកដ្ឋានគ្រប់គ្រងជំងឺ (DDC) ថៃបានចុះផ្សាយថា ការវិវត្តន៍ថ្មីៗ នៃវីរុសកូវីដនេះជាក្តីព្រួយបារម្ភកើននៃការឆ្លងខ្លាំង។
តាមរបាយការណ៍របស់ DDC សម្រាប់សប្តាហ៍មុន លោកវេជ្ជបណ្ឌិត Thira បាននិយាយថា មនុស្ស ១៦.៦០៧នាក់បានឆ្លងចន្លោះពីថ្ងៃទី៤ ដល់ថ្ងៃទី១០ ខែឧសភា បើធៀបនឹង១៤.៦៨០នាក់កាលពីសប្តាហ៍មុន។ នៅក្នុងចំណោមអ្នកទាំងនោះ មានមនុស្ស ៦នាក់ត្រូវបានគេរាយការណ៍ថា បានស្លាប់ផងដែរ។
ជាមួយគ្នានេះ លោកវេជ្ជបណ្ឌិត Yong Poovorawan អ្នកឯកទេសផ្នែករោគកុមារនៃមហាវិទ្យាល័យវេជ្ជសាស្ត្រនៃសាកលវិទ្យាល័យ Chulalongkorn University បានបង្ហោះសារនៅលើ Facebook បាននិយាយថា ប្រភេទចុងក្រោយនៃកូវីដថ្មី JN.1 ត្រូវបានគេរាយការណ៍ថាបានឆ្លងលឿនជាងមុន ប៉ុន្តែវីរុសនេះមានរោគសញ្ញាស្រាលជាងមុន ហើយអាចព្យាបាលបានដូចគ្នាទៅនឹងជំងឺផ្លូវដង្ហើមដទៃទៀតដែរ។ ពេលនេះ ក្រុមគ្រូទេព្យមានសមត្ថភាពអាចគ្រប់គ្រងលើស្ថានការណ៍វីរុសថ្មីបាន៕ អត្ថបទដោយ៖ ទ្រ សុភាព