ជាក់ស្តែងនោះ ដូចនៅក្នុងម​ន្ទីរពេទ្យរ៉ូយ៉ាល់ភ្នំពេញបានជ្រើសប្រើប្រាស់នូវឧបករណ៍មីក្រូទស្សន៍ Microscopic ដែលជាបច្ចេកវិទ្យាទំនើបជំនាន់ចុងក្រោយបំផុតដើម្បីវះកាត់បើកមុខរបួសតូច មានអត្ថប្រយោជន៍ច្រើនខុសពីវិធីសាស្ត្រវះកាត់កាលពីសម័យមុនដែលមិនទាន់មានឧបករណ៍ទំនើបបែបនេះប្រើប្រាស់នោះទេ ដោយតម្រូវឱ្យមានការវះកាត់កាលពីជំនាន់មុនត្រូវប្រើនូវវិធីវះកាត់បើកមុខរបួសធំ។

ការប្រើប្រាស់នូវឧបករណ៍មីក្រូទស្សន៍វះកាត់ដោយបើកមុខរបួសតូចបានចូលខ្លួនមកជំនួសនូវវិធីសាស្ត្រសម័យមុន វះកាត់បើកមុខរបួសប្រហែលប្រមាណ ១អ៊ីញ-១.៥អ៊ីញ តែប៉ុណ្ណោះ។ ចំណុចកាន់តែពិសេសនៅក្នុងការវះកាត់ដោយការប្រើប្រាស់ឧបករណ៍មីក្រូទស្សន៍នេះ អាចឆ្លុះបញ្ចាំងមើលឃើញភាពលម្អិតនៃសរសៃប្រាសាទជួយសម្រួលដល់ដំណើរការវះកាត់អោយមានភាពច្បាស់លាស់ត្រឹមត្រូវ ចំទីតាំងល្អ មានការហូរឈាមបន្តិចបន្តួច ចំណែកឯជាលិកាដែលស្ថិតនៅក្នុងបរិវេណដែលវះកាត់នោះក៏រងផលប៉ះពាល់តិចតួចបំផុត។

ទន្ទឹមនឹងនេះ ការព្យាបាលដោយការវះកាត់នាំយកទ្រនាប់ឆ្អឹងដែលកៀបសរសៃចេញនេះដែរ មានភាគរយជោគជ័យខ្ពស់ចន្លោះពី៨៥%ទៅ៩៥% វាលទ្ធផលដែលមានកម្រិតខ្ពស់ខ្លាំង។ ក្រោយពេលវះកាត់រួច អ្នកជំងឺអាចត្រលប់ទៅផ្ទះវិញបានលឿន ការគេងនៅមន្ទីរពេទ្យប្រើពេលប្រហែលជា១ថ្ងៃទៅ២ថ្ងៃតែប៉ុណ្ណោះមិនលើសពី៣ថ្ងៃនោះទេ តែក៏អាស្រ័យទៅលើស្ថានភាពសុខភាពអ្នកជំងឺផងដែរថា តើមានជំងឺផ្សេងៗទៀតគួបផ្សំបន្ថែមដែរឬអត់? ប៉ុន្តែតាមបទពិសោធន៍ផ្ទាល់ភាគច្រើនយើងអាចអនុញ្ញាតឱ្យអ្នកជំងឺត្រលប់ទៅផ្ទះវិញបាន បន្ទាប់ពីបានវះកាត់រួចរយៈពេល២៤ម៉ោង។ បន្ទាប់ពីនេះ វាជាដំណាក់កាលនៃការស្តារឡើងវិញរបស់រាងកាយ អ្នកជំងឺអាចនឹងមានអាការឈឺចាប់បន្តិចបន្តួច ហើយអាការឈឺនេះនឹងបាត់ទៅវិញភ្លាមៗក្នុងរយៈពេលប៉ុន្មានថ្ងៃក្រោយពេលវះកាត់រួច​ ហើយវាក៏ចាប់ផ្តើមត្រលប់មកដូចដើមវិញបាន ឬស្ទើរតែអាចធ្វើការបានធម្មតាក្នុងរយៈពេល១ខែ និងប្រហែលជាប្រើពេលប្រហែល២ខែ ដែលអាចជំងឺអាចនឹងធ្វើអ្វីគ្រប់យ៉ាងបានដូចមនុស្សធម្មតា។

ទាំងនេះ ជាអត្ថប្រយោជន៍សំខាន់ដែលបច្ចេកវិទ្យាវះកាត់ដោយបើកមុខរបួសតូច កំពុងតែចូលខ្លួនមកជំនួសបច្ចេកវិទ្យាដទៃទៀត ដើម្បីជួយដោះស្រាយវិបត្តិអ្នកមានបញ្ហាកៀបសរសៃឆ្អឹងខ្នងមិនបាត់ទទួលបានការព្យាបាលដែលមានភាពងាយស្រួលជាងមុន វះកាត់ប្រកបដោយសុវត្ថិភាពខ្ពស់ ចំណាយពេលវេលាមិនយូរ និងទទួលបានប្រសិទ្ធិភាពខ្ពស់បន្ទាប់ពវះកាត់រួច៕

<<<ណាត់ជួបជាមួយនឹងវេជ្ជបណ្ឌិត Surachet Srikaew ឯកទេសខាងផ្នែកវះកាត់ប្រព័ន្ធប្រសាទខួរក្បាល តាមរយៈផេក Royal Phnom Penh Hospital ឬទំនាក់ទំនងតាមលេខ 023 991 000/ 012 991 000>>>