បើអ្នកចង់មានអំណាចលើជីវិតខ្លួនឯង មិនមែនអ្នកព្យាយាមគ្រប់គ្រងលើអនាគត និងអតីតកាលនោះទេ គឺអ្នកត្រូវផ្តោតលើអ្វីដែលអ្នកអាចគ្រប់គ្រងបានក្នុងពេលឥឡូវនេះ។ តាមលោក Epictetus ជាទស្សនវិទូក្រិចមានប្រសាសន៍ថា ភារកិច្ចចម្បងក្នុងជីវិតរបស់អ្នកគឺសាមញ្ញទេ។ ហើយអ្នកត្រូវកំណត់អត្តសញ្ញាណ និងបែងចែកបញ្ហាផ្សេងៗ ឱ្យច្បាស់ថា បញ្ហាខាងក្រៅអ្នកមិនអាចគ្រប់គ្រងបានទេ ប៉ុន្តែខ្ញុំមានជម្រើសល្អបំផុត គឺខ្ញុំអាចគ្រប់គ្រងលើខ្លួនឯងបានពិតប្រាកដ។” អ្នកដែលមានបញ្ហាផ្លូវចិត្តបណ្តាញមកពីការព្យាយាមគ្រប់គ្រងលើអ្វីដែលខ្លួនមិនអាចគ្រប់គ្រងបាន។

សម្រាប់លោក Ryan Holiday ចូលចិត្តអនុវត្តខ្សែជីវិតរបស់លោកតាមទស្សនវិជ្ជា Stoic ដែលបញ្ជាក់ថា អ្នកអាចគ្រប់បានលើរឿងជាច្រើនបន្ថែមទៀត លុះត្រាអ្នកចេះគ្រប់គ្រងលើខ្លួនឯង បន្ទាប់មកអ្នកមានដើមទុងបន្តទៀត ក្នុងការផ្លាស់ប្តូរជីវិតអ្នកដទៃ និងសង្គមផងដែរ។ ឧ.ថា អ្នកព្យាយាមកសាងខ្លួនឯងអស់ជាច្រើនឆ្នាំ ដើម្បីក្លាយជាអ្នកជំនាញអ្នកនិពន្ធ អ្នកនិយាយវីឌីអូ អត្តពលិកក្លាយជាកីឡាករជាគំរូដ៏ល្អមួយ និងអ្នកនយោបាយ... ពេលអ្នកព្យាយាមជម្រុញខ្លួនឯងហើយ ឥទ្ធិពលរបស់អ្នករីធំ។ ដូចជាពេលអ្នកខឹងកូនប្រពន្ធ ហើយអ្នកព្យាយាមអត់ធ្មត់ដើម្បីគ្រប់គ្រងលើខ្លួនឯង តើលទ្ធផលល្អបែបណា? គឺគ្រួសារអ្នកគ្មានការបែកបាកគ្នានោះទេ។

ដូច្នេះ ទម្លាប់ដែលជួយកែប្រែជីវិតអ្នក១០០% រឿងទីមួយគឺផ្តើមចេញខ្លួនអ្នក និងចេះគ្រប់គ្រងលើខ្លួនឯង។ ដូចលោក Marcus Aurelius បាននិយាយថា “បញ្ហាមិនមែនអ្នកដទៃនិយាយ និងគេគិតលើអ្នកនោះទេ សំខាន់អ្នកធ្វើវា។”អ្នកមិនត្រូវខ្លាចមនុស្សគ្រប់គ្នានិយាយពីអ្នកបែបនេះ បែបនោះទេ បើវាមិនមែនជាការពិតទេនោះ។ សំខាន់អ្នកធ្វើដើម្បីរីកចម្រើនលើសត្ថភាពរបស់អ្នក ដើម្បីបន្តមានឥទ្ធិពលទៅអ្វីផ្សេងទៀត។ នេះជារបៀបដែលអ្នកលេងជាមួយជីវិតដើម្បីឈ្នះ។ ហើយចូរផ្តោតលើអ្វីដែលអ្នកអាចគ្រប់គ្រងបានក្នុងពេលនេះ ដើម្បីមានអំណាចផ្លាស់ប្តូរជីវិតរបស់អ្នក ហើយវាគ្មានសំខាន់ទៀតទេ៕ អត្ថបទដោយ៖ ទ្រ សុភាព