ជាក់ស្តែងនោះ បើផ្អែកទៅតាមការចែករំលែករបស់វេជ្ជបណ្ឌិត Surachet Srikaew ឯកទេសខាងផ្នែកវះកាត់ប្រព័ន្ធប្រសាទខួរក្បាល ប្រចាំការនៅមន្ទីរពេទ្យរ៉ូយ៉ាល់ភ្នំពេញ បានប្រាប់ឱ្យដឹងដែរថា ចំពោះអ្នកជំងឺកើតបញ្ហាបែកសរសៃឈាមខួរក្បាល យើងត្រូវនាំអ្នកជំងឺមកកាន់មន្ទីរពេទ្យក្នុងកំឡុងពេលមិនលើស៤ម៉ោងកន្លះទេ បើលើសនេះការព្យាបាលទទួលបានលទ្ធផលមិនសូវជាល្អប៉ុន្មានទេ ឬអ្នកជំងឺអាចប្រឈមមុខនឹងការបាត់បង់អាយុជីវិត ឬយើងអាចនិយាយបានថា បញ្ជូនអ្នកជំងឺមកកាន់មន្ទីរពេទ្យឱ្យបានលឿនបំផុតតាមតែអាចធ្វើទៅបាន ដើម្បីទទួលបានលទ្ធផលព្យាបាលល្អប្រសើរ។

ដោយហេតុថា ក្នុងលក្ខខណ្ឌអ្នកជំងឺដែលបានបញ្ជូលមកកាន់មន្ទីរពេទ្យទាន់ពេលវេលា ការព្យាបាលដំណាក់ដំបូងគ្រូពេទ្យនឹងសួរពីប្រវត្តិជំងឺ ពិនិត្យហើយនឹងពិចារណាចំពោះអ្នកជំងឺ ថាតើមានភាពបន្ទាន់ពាក់ព័ន្ធជាមួយនឹងប្រព័ន្ធប្រសាទតិចច្រើនប៉ុណ្ណា? តើបញ្ហាសុខភាពរបស់អ្នកជំងឺមានពាក់ព័ន្ធជាមួយនឹងសម្ពាធឈាម ឬមានអាការដែលមិនបានកំណត់សម្គាល់មួយចំនួនទៀតដែរទេ?

បន្ថែមជាមួយគ្នានេះ គ្រូពេទ្យជំនាញនឹងមានវិធីជួយសង្គ្រោះជីវិតបន្ទាន់ក្នុងករណីដែលអ្នកជំងឺមិនដឹងខ្លួនដូចជា ចាំបាច់ដាក់ខ្យល់អុកស៊ីសែនក្នុងដំណាក់ដំបូងសិន និងដំណាក់កាលបន្ទាប់យើងនឹងបញ្ជូនទៅពិនិត្យ CT Scan ដើម្បីពិនិត្យរកថា តើអ្នកជំងឺមានហូរឈាមនៅក្នុងខួរក្បាលដែរឬអត់?

ការព្យាបាលជំងឺបែកសរសៃឈាមខួរក្បាលមាន ២យ៉ាងបន្ថែមទៀត អាស្រ័យលើភាពចាំបាច់វះកាត់ដែរទេ ឧទាហរណ៍ថា អ្នកជំងឺមានឈាមហូរនៅក្នុងខួរក្បាលខ្នាតធំ ហើយដុំឈាមដែលត្បៀតជាមួយនឹងសាច់ខួរក្បាលច្រើន គឺចាំបាច់នៅក្នុងការវះកាត់ ក៏ប៉ុន្តែប្រសិនបើអ្នកជំងឺដែលមានបញ្ហាហូរឈាមមិនច្រើន អាចព្យាបាលបែបទ្រទ្រង់ជំងឺដូចជា ការប្រើប្រាស់ថ្នាំបញ្ចុះសម្ពាធឈាម ដើម្បីការពារកុំឱ្យមានឈាមហូរច្រើនជាងមុន...ជាដើម។

ជាលទ្ធផលក្នុងការព្យាបាលចំពោះអ្នកជំងឺបែកសរសៃឈាមខួរក្បាលដែលមកកាន់មន្ទីរពេទ្យបានទាន់ពេលវេលា ពួកគាត់អាចនឹងមានសង្ឃឹមច្រើនក្នុងការជួយសង្គ្រោះបានទាន់ពេលវេលា បញ្ជៀសមហានិភ័យប្រឈមនឹងការបាត់បង់អាយុជីវិត និងបញ្ហាពិការភាព សុខភាពរបស់ពួកគាត់អាចនឹងវិលត្រលប់មកសភាពប្រក្រតីវិញបន្ទាប់ពីទទួលការព្យាបាលរួច៕

<<<ណាត់ជួបជាមួយនឹងវេជ្ជបណ្ឌិត Surachet Srikaew ឯកទេសខាងផ្នែកវះកាត់ប្រព័ន្ធប្រសាទខួរក្បាល តាមរយៈផេក Royal Phnom Penh Hospital ឬទំនាក់ទំនងតាមលេខ 023 991 000/ 012 991 000>>>